ນຳຕົວອະດີດຜູ້ນຳສູງສຸດເກົາຫຼີໃຕ້ ຂຶ້ນສານຄະດີສໍ້ລາດບັງຫຼວງ (ວິດີໂອ)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjq0Y6O-TXByHc2czhEw1MilzTzYzWN1vt7mbZLh4TSJieoIB1xx7ZVMo8uLHDinYzze5ZQ22aoD4WVAsXNcIw83F51MEf3ZZkPdTLR2R9GyOix2uRvSg1yJ_ypNhabrg8ug2dP44iUKBg/s1600/942.jpg)
ສຳນັກຂ່າວຕ່າງປະເທດລາຍງານ 23 ພຶດສະພາ 2017 ວ່າ: ສານແຂວງໂຊກາງ ເປີດການໄຕ່ສວນນັດທຳອິດໃນຄະດີທ່ານນາງ ປາກ ກຶນເຮ ອະດີດປະທານປະເທດເກົາຫຼີໃຕ້ໃນຂໍ້ຫາສົມຄົບຄິດກໍ່ການສໍ້ລາດບັງຫຼວງກັບນາງ ຊະເວ ຊຸນຊິນ ເຊິ່ງເປັນໝູ່ສະໜິດ ແລະ ສ້າງຄວາມເສຍຫານຢ່າງມະຫາສານໃຫ້ແກ່ລະບົບການເມືອງ ແລະ ສະຖຽນລະພາບທາງເສດຖະກິດຂອງເກົາຫຼີໃຕ້ ເນື່ອງຈາກຈຳເລີຍຮ່ວມກັບອີກຫຼາຍຄົນທີ່ເປັນເຈົ້າໜ້າທີ່ລະດັບສູງທາງການເມືອງ ແລະ ຜູ້ບໍລິຫານລະດັບສູງໃນບໍລິສັດຂະໜາດໃຫຍ່ຫຼາຍແຫ່ງສໍ້ໂກງ.
ການເຂົ້າຮັບການໄຕ່ສວນຈາກສານຂອງທ່ານນາງ ປາກ ໃນຄັ້ງນີ້ຖືເປັນການປາກົດຕົວຄັ້ງທຳອິດຢ່າງເປັນທາງການຂອງລາວ ນັບຕັ້ງແຕ່ຖືກຈັບຂັງເມື່ອວັນທີ 31 ມີນາ 2017 ທີ່ຜ່ານມາ ພາຍຫຼັງທີ່ສານລັດຖະທຳມະນູນພິພາກສາຮັບຮອງມະຕິຖອດຖອນຂອງສະພາແຫ່ງຊາດ ເມື່ອວັນທີ 9 ທັນວາ 2016.
ທັງນີ້ເຈົ້າໜ້າທີ່ຄຸມຂັງສະຖານຄຸມຂັງນະຄອນຫຼວງໂຊນຳຕົວທ່ານນາງ ປາກ ອາຍຸ 65 ປີເດີນທາງມາຍັງສານດ້ວຍລົດເມຂອງສຳນັກງານ ເຊິ່ງອະດີດຜູ້ນຳຍິງຄົນທຳອິດຂອງເກົາຫຼີໃຕ້ຢູ່ໃນສະພາບຖືກໃສ່ກຸນແຈມື ເຊິ່ງຫຼາຍຝ່າຍຄາດການວ່າທ່ານນາງ ຈະໃຫ້ການປະຕິເສດທຸກຂໍ້ກ່າວຫາ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ