ຈີນສົ່ງເຮືອບິນຮົບ 2 ລຳ ຂຶ້ນທຽບເຮືອບິນປາບເຮືອນໍ້າດຳສະຫະລັດ ທີ່ເຂົ້າມາໃນເຂດທະເລຈີນໃຕ້
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgEJrigFUo39kUugbAhdr67hQk4JQDW4gW3CUCdSJHY143S_Ke9DR01qZF6XdypEUe-mhUMgKq_MQexsb4bLfyC8snhoc7xUXup4XnQm854haCbvqNQYOZ6VHAMZRPJxjY_TaHVTKsuOzg/s1600/65.jpg)
ສຳນັກຂ່າວຕ່າງປະເທດລາຍງານ 27 ພຶດສະພາ 2017 ວ່າ: ໂຄສົກກະຊວງປ້ອງກັນປະເທດສະຫະລັດກ່າວວ່າ ເຮືອບິນຂັບໄລ່ລຸ້ນ J-10 ຂອງຈີນ 2 ລຳ ບິນຂຶ້ນທຽບເຮືອບິນປາບເຮືອດຳນ້ຳ P-3 Orion ທີ່ຢູ່ລະຫວ່າງການປະຕິບັດການລາດຕະເວັນໃນເຂດນ່ານຟ້າສາກົນເໜືອທະເລຈີນໃຕ້ ຫ່າງຈາກເຂດນ່ານຟ້າຂອງຮອງກົງໄປທາງຕາເວັນອອກສຽງໃຕ້ປະມານ 240 ກມ ໂດຍເຫດການດັ່ງກ່າວເກີດຂຶ້ນເມື່ອວັນພຸດທີ່ຜ່ານມາ ເຊິ່ງເຮືອບິນຮົບຂອງຈີນຢູ່ຫ່າງຈາກເຮືອບິນຂອງສະຫະລັດອາເມຣິກາພຽງ 180 ແມັດ.
![](https://blogger.googleusercontent.com/img/b/R29vZ2xl/AVvXsEgp9gcnNXS-HphLRNmnYUVrXcCxxxU8-OEA935RwzHEfFqmfbC6SqpqUQBmr1DEYI95D3X7OrOp_ITsBaWaJ2pXHDUX5M9t27bD2dVwiUtLzF-tCt0sf79LfbSu2xz3O1cj0Hekh7YrX3M/s1600/66.jpg)
ເຖິງຢ່າງໃດກໍ່ຕາມເຫດການທີ່ເກີດຂຶ້ນບໍ່ແມ່ນເລື່ອງເໜືອຄວາມຄາດໝາຍ ເນື່ອງຈາກເກີດຂຶ້ນໃນເວລາດຽວກັນທີ່ເຮືອຮົບ USS Dewey ຂອງສະຫະລັດເດີນທາງເຂົ້າໃກ້ເຂດປະກາລັງມິສຊິບ ເຊິ່ງເປັນສ່ວນໜຶ່ງຂອງໝູ່ເກາະສະແປຼດລີ ຕັ້ງຢູ່ກາງທະເລຈີນໃຕ້ ແລະ ລອຍລຳຢູ່ຫ່າງຈາກເຂດປະກາລັງມິສຊິບທີ່ຈີນຖົມທະເລບາງສ່ວນເພື່ອສ້າງເກາະທຽມດ້ວຍໄລຍະຫ່າງພຽງ 22 ກິໂລແມັດ ເຮັດໃຫ້ລັດຖະບານຈີນຕ້ອງອອກມາປະນາມສະຫະລັດ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ