ຟິລິບປິນເສີມກຳລັງທະຫານຕໍ່ເນື່ອງໃນເມືອງມາຣາວີ ຍອດຜູ້ເສຍຊີວິດເກີນ 20 ຄົນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgmWYewY7c4Q_Z1O4wX2pJk3dClJlgj8g7VyFw12ZmpzhpMZYrBpA2gbw5L8YiK-XcNBYIfKWN8VWc5_umspA3Ar_RuhUUuo72Dnlmkg35Bu6ph_NqYfi3XKMoUoBIxFNL-l0ovHCsEB1o/s1600/27.jpg)
ສຳນັກຂ່າວຕ່າງປະເທດລາຍງານ 25 ພຶດສະພາ 2017 ວ່າ: ກອງທັບຟິລິບປິນລະດົມກຳລັງທະຫານ ແລະ ອາວຸດ ລວມທັງເຮລິຄັອບແຕ, ລົດຕັງ ແລະ ຍານພາຫະນະອື່ນໆຈຳນວນຫຼາຍ ເຂົ້າສູ່ເມືອງມາຣາວີ ເທິງເກາະມິນດາເນົາ ພາກໃຕ້ຂອງປະເທດ ທ່າມກາງສຽງປືນທີ່ຍັງຄົງດັງຂຶ້ນຢ່າງຕໍ່ເນື່ອງຈາກການສູ່ຮົບລະຫວ່າງເຈົ້າໜ້າທີ່ຝ່າຍຄວາມໝັ້ນຄົງ ກັບ ກຸ່ມຕິດອາວຸດເມົາເຕ ເຊິ່ງເປັນແນວຮ່ວມຂອງກຸ່ມ IS.
![](https://blogger.googleusercontent.com/img/b/R29vZ2xl/AVvXsEh50n-shzt2BZ9U-TNUBe6gctz9839bcboRcdG33RzTZQLS9dXaaXBBWWLleJg9hItUGoEXIuz3xkTR7fxDwV0WxmDQFDWxEcopU3BvwAICjUEUROD_XQT7P6Hn7NMzfuxiZQWUD7jfIkY/s1600/28.jpg)
ຂະນະດຽວກັນ ມີລາຍງານເພີ່ມຈຳນວນຈຸດກວດ ແລະ ເຈົ້າໜ້າທີ່ປະຈຳຈຸດກວດທົ່ວເມືອງມາຣາວີ ເພື່ອເພີ່ມຄວາມເຂັ້ມງວດໃນການຄັດກອງປະຊາຊົນ ເຊິ່ງຕ້ອງການອົບພະຍົບໜີການສູ້ຮົບທີ່ເລີ່ມຂຶ້ນຕັ້ງແຕ່ວັນອັງຄານທີ່ຜ່ານມາ ແລະ ສົ່ງຜົນໃຫ້ທ່ານ ໂຣດຼິໂກ ດູເຕເຕ ປະທານປະເທດຟິລິບປິນ ຕ້ອງໄດ້ປະກາດກົດໄອຍະການເສິກຢູ່ເກາະມິນດາເນົາ ເປັນເວລາເບື້ອງຕົ້ນ 60 ວັນ.
![](https://blogger.googleusercontent.com/img/b/R29vZ2xl/AVvXsEiLM3FSEeNFoHbzs8jtm5_2jsbK16ckF8lAGCj5ftt33OVeW7t8V7WZvaNwl9RX_01z-636wP8o4X4MtOSQrxDw8isK1DaOjilX1lN2YfWm9v0nU0YRc2ZVQh4XBkTa73g6o6Db-R1dlN0/s1600/29.jpg)
ເຊິ່ງກອງທັບຟິລິບປິນຍັງບໍ່ທັນໄດ້ເປີດເຜີຍຄວາມຄືບໜ້າ ແຕ່ໄດ້ຮຽກຮ້ອງໃຫ້ສື່ມວນຊົນ ແລະ ຂໍຄວາມຮ່ວມມືຈາກຜູ້ໃຊ້ສື່ສັງຄົມອອນລາຍໃຫ້ເຜີຍແຜ່ພາບພາລະກິດຂອງເຈົ້າໜ້າທີ່ສະເພາະໃນສ່ວນທີ່ໄດ້ຮັບອະນຸຍາດແລ້ວເທົ່ານັ້ນ ເພື່ອບໍ່ໃຫ້ສັ່ງຜົນກະທົບຕໍ່ປະສິດທິພາບຂອງປະຕິບັດການ ດ້ານຈຳນວນຜູ້ເສຍຊີວິດເພີ່ມຂຶ້ນເປັນຢ່າງໜ້ອຍ 21 ຄົນ ແບ່ງເປັນທະຫານຢ່າງໜ້ອຍ 5 ຄົນ, ຕຳຫຼວດຢ່າງໜ້ອຍ 2 ຄົນ ໜຶ່ງໃນນັ້ນເປັນລະດັບຫົວໜ້າ ແລະ ເສຍຊີວິດຈາກການຖືກຕັດຫົວ ແລະ ກຸ່ມກໍ່ການຮ້າຍເສຍຊີວິດຢ່າງໜ້ອຍ 13 ຄົນ ເຊິ່ງເຈົ້າໜ້າທີ່ປະເມີນຈຳນວນກຸ່ມຄົນຮ້າຍຍັງຫຼົງເໜືອຢູ່ໃນເຂດດັ່ງກ່າວອີກປະມານ 50-100 ຄົນ.
![](https://blogger.googleusercontent.com/img/b/R29vZ2xl/AVvXsEi2tvWnhlzLiiZPM_pqmEyFu89rDP3YQG7hyphenhyphen7b-_2xY58ADxvou8tQOhxHm4MXthIVk-yrxW5YgWf8nrsxz5OdeNvAhcotgmbYefNcuY93J3-LKo3uO0nx7EAjaCQScRaLf0vpbMoF4ko4/s1600/30.jpg)
ເຖິງຢ່າງໃດກໍ່ຕາມ ທັງລັດຖະບານ ແລະ ທະຫານຍັງສະຫງວນທີ່ທີຕໍ່ບັນຫາດັ່ງກ່າວວ່າ ມີປະຊາຊົນເສຍຊີວິດຫຼືບໍ່ ແລະ ຍັງບໍ່ມີການແຈ້ງຄວາມຄືບໜ້າຂອງສະຖານະການຕົວປະກັນໃນໂບດຄາທໍລິກປະຈຳເມືອງມາຣາວີ ທີ່ສື່ທ້ອງຖິ່ນຫຼາຍແຫ່ງລາຍງານວ່າກຸ່ມເມົາເຕໄດ້ຄວບຄຸມຕົວປະກັນໄວ້ 12-15 ຄົນ ຂະນະທີ່ສະຖານນີໂທລະພາບ GNA ລາຍງານວ່າກຸ່ມເມົາເຕສັງຫານປະຊາຊົນເສຍຊີວິດຢ່າງໜ້ອຍ 9 ຄົນ ແຕ່ເຈົ້າໜ້າທີ່ຍັງບໍ່ຢືນຢັນ ຫຼື ປະຕິເສດ.
![](https://blogger.googleusercontent.com/img/b/R29vZ2xl/AVvXsEiRMvQBixU6lQ8zUe9V5AXZvBpx3p-SL-6obOkARa1IP311F9ynq3QUya6FVpba-j66uGV8w_TQiSX-Ufi1NjJPJoY1d0YG2nUoek6I59kE7_gkukzilX-RqqGMYeJKC8NcaT3HtLs1oOU/s1600/31.jpg)
ສຳນັບສະນວນຂອງເຫດການຮຸນແຮງ ແລະ ຄວາມວຸ້ນວາຍໃນເມືອງມາຣາວີເກີດຂຶ້ນພາຍຫຼັງປະຕິບັດການດ້ານຄວາມໝັ້ນຄົງຂອງເຈົ້າໜ້າທີ່ ໃນການຕາມລ່າຕົວທ້າວ ອິສນີລອນ ຮາປີລອນ ຜູ້ບັນຊາການລະດັບສູງຂອງກຸ່ມຕິດອາວຸດອາບູ ໄຊຢາບ ເຊິ່ງລັດຖະບານສະຫະລັດອາເມຣິກາຕັ້ງລາງວັນນຳຈັບ 5 ລ້ານໂດລາສະຫະລັດ ແລະ ກຸ່ມອາບູ ໄຊຢາບ ໄດ້ຂໍກຳລັງສະໜັບສະໜູນຈາກກຸ່ມເມົາເຕ ເຊິ່ງເປັນພັນທະມິດກັນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ