ສະຫະລັດອາເມຣິກາ ສົ່ງເຮືອຮົບ ເຂົ້າມາໃນທະເລຈີນ ຄັ້ງທຳອິດໃນຍຸກຂອງ ປ.ທຣຳ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjUJgN4SX2s-CKjI0VP2LT79VxJR4w_lam_fbyCrn_s-ZjDFBT1-jKk0UKTqfIrTU6tSPvWRVFIA8K45vlyliFo3-T2MKHqej8r66HaspNERUkvFHzC_oH2UOJOJ7SFulEYogsse3q4j2A/s1600/32.jpg)
ສຳນັກຂ່າວຕ່າງປະເທດລາຍງານ 25 ພຶດສະພາ 2017 ວ່າ: ກອງທັບເຮືອພາກພື້ນປາຊີຟິກຂອງສະຫະລັດສົ່ງເຮືອຮົບ USS Dewey ທີ່ຕິດຕັ້ງລະບົບຂີປະນາວຸດນຳວິຖີແບບ Arleigh Burke ເດີນທາງເຂົ້າໃກ້ເຂດປະກາລັງມິສຊິບ ເຊິ່ງເປັນສ່ວນໜຶ່ງຂອງໝູ່ເກາະສະແປຼດລີ ທີ່ຕັ້ງຢູ່ງກາງທະເລຈີນໃຕ້ ເມື່ອຕອນເຊົ້າຂອງວັນພະຫັດນີ້ຕາມເວລາທ້ອງຖິ່ນ ໂດຍເຮືອ USS Dewey ລອຍລຳຢູ່ຫ່າງຈາກແນວປະກາລັງມິສຊິບທີ່ຈີນຖົມທະເລບາງສ່ວນເພື່ອກໍ່ສ້າງເກາະທຽມບໍ່ເຖິງ 22 ກິໂລແມັດ ແລະ ການເດີນເຮືອຄັ້ງນີ້ເປັນໄປຕາມນະໂຍບາຍ "ເສລີພາບການລາດຕະເວນ" ຂອງລັດຖະບານສະຫະລັດທີ່ມີຕໍ່ນ່ານນ້ຳສາກົນໃນທະເລຈີນໃຕ້.
![](https://blogger.googleusercontent.com/img/b/R29vZ2xl/AVvXsEh_RQM_uuD9-OevMk2KUKlCMUP2hCbHq9b0ey6VpN488d288Gk28BPDvyhUzSvBG9EypDw35NL6AgbPmoBxCzwe4WadcB8x1Z8CjKhyphenhyphen-dWzzYIHoweMqjB1SvSy0iug38hguoWCQV9fRQQ/s1600/33.jpg)
ເຊິ່ງການສະແດງຕົນທາງການທະຫານຢູ່ທະເລຈີນໃຕ້ຂອງສະຫະລັດໃນຄັ້ງນີ້ ຖືເປັນຄັ້ງທຳອິດໃນຍຸກຂອງທ່ານ ໂດໂນ ທຣຳ ປະທານປະເທດສະຫະລັດອາເມຣິກາຄົນປັດຈຸບັນ ເນື່ອງຈາກກອງທັບສະຫະລັດໄດ້ງົດການເດີນເຮືອລາດຕະເວັນໃນທະເລແຖບນີ້ຕັ້ງແຕ່ເດືອນຕຸລາ ປີທີ່ຜ່ານມາ ເຊິ່ງເປັນໄລຍະກ່ອນການເລືອກຕັ້ງປະທານປະເທດສະຫະລັດ.
![](https://blogger.googleusercontent.com/img/b/R29vZ2xl/AVvXsEjJJd5VVhwst8W1Whc8-eRf8eGQghyxaumKq_nsV3vmBn8ERSVI0tVSfRP8cjDNEiiY6XIwbi0Cbfvoojih6-TyafjKUgI-aSjKrhLPri-68uE7GudVpNlhw1TqXCW-mhhiWEbnD974Y_k/s1600/34.jpg)
ແນ່ນອນວ່າປະຕິບັດການໃນຄັ້ງນີ້ຍ່ອມສ້າງຄວາມບໍ່ພໍໃຈຢ່າງຍິງໃຫ້ແກ່ລັດຖະບານຈີນ ເນື່ອງຈາກກ່ອນໜ້ານັ້ນ ໃນສະໄໝຂອງອະດີດປະທານປະເທດ ທ່ານ ບາຣັກ ໂອບາມາ ກອງທັບສະຫະລັດສົ່ງເຮືອຮົບເຂົ້າມາລາດຕະເວັນໃນທະເລຈີນໃຕ້ເປັນປະຈຳ ແລະ ເປັນເຫດໃຫ້ເກີດສົງຄາມນ້ຳລາຍລະຫວ່າງເຈົ້າໜ້າທີ່ທັງສອງປະເທດຢູ່ຫຼາຍຄັ້ງ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ