ຜູ້ນຳເກົາຫຼີໃຕ້ກ່າວວ່າ ມີຄວາມສ່ຽງສູງທີ່ຈະປະທະທາງທະຫານກັບເກົາຫຼີເໜືອ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiaHdpwst40KXx27p0fvyDo3P_dx5QiuV8OG_Iy-SIdw0MCzxhiJClsBnZV5k77lP6oVSFNPhnVd9xrLsqX9hWWD9OmAdbQHi0yTDtoIC-zBzDZwINrTTbintyzB61Ou6mSHapp6NRudws/s1600/9.jpg)
ສຳນັກຂ່າວຕ່າງປະເທດລາຍງານ 18 ພຶດສະພາ 2017 ວ່າ: ທ່ານ ມູນ ແຈອິນ ປະທານປະເທດຄົນໃໝ່ຂອງເກົາຫຼີໃຕ້ ທີ່ເຂົ້າຮັບຕຳແໜ່ງເມື່ອອາທິດກ່ອນ ກ່າວເຕືອນລະຫວ່າງການໄປກວດກາ ແລະ ຢ້ຽມຢາມກະຊວງປ້ອງກັນປະເທດເກົາຫຼີໃຕ້ ຢູ່ນະຄອນຫຼວງໂຊວ່າ ໂຄງການນິວເຄຼຍ ແລະ ຂີປະນາວຸດຂອງເກົາຫຼີເໜືອກ້າວໜ້າຢ່າງໄວວາ ເຊິ່ງຫຼ້າສຸດເມື່ອວັນອາທິດທີ່ຜ່ານມາເກົາຫຼີເໜືອ ກໍ່ໄດ້ມີການທົດລອງຂີປະນາວຸດທີ່ມີໄລຍະການຍິງລະດັບໄກ.
![](https://blogger.googleusercontent.com/img/b/R29vZ2xl/AVvXsEjMu0Qt9_Xkckn0x3rayYv9reluSduMck3Ld_56Kl7E0l4AFXlOt1t_wZPKRxi3uYLkkzd__EZSCgfWf0GFCqbgVKItD_dpDdHs2dzS_iPBD66FwM2Bp3Vk2EvxSKblgCx4N3bxpWMrTFI/s1600/916.jpg)
ປ.ມູນ ກ່າວວ່າ ຈະບໍ່ຍອມທົນກັບການຍຸຍົງ ແລະ ຮຸກຮານດ້ວຍນິວເຄຼຍຂອງເກົາຫຼີເໜືອ ໂດຍເນັ້ນໜັກໃຫ້ກອງທັບເກົາຫຼີໃຕ້ປັບແນວຄິດໃນການປ້ອງກັນປະເທດໃຫ້ຮັດກຸມ ຂະນະນີ້ພວກເຮົາຕ້ອງຍອມຮັບຄວາມຈິງວ່າ ມີຄວາມເປັນໄປໄດ້ສູງທີ່ຈະເກີດການປະທະກັນທາງທະຫານບໍລິເວນຕາມແນວຊາຍແດນທາງທະເລທີ່ເປັນຂໍ້ຂັດແຍ່ງກັບເກົາຫຼີເໜືອ ໄປຈົນເຖິງແນວຊາຍແດນທາງບົກທີ່ມີການປ້ອງກັນຢ່າງແໜ້ນໜາ.
ສະຖານະການຄວາມເຄັ່ງຕຶງຢູ່ແຫຼມເກົາຫຼີລະຫວ່າງເກົາຫຼີເໜືອ ກັບ ສະຫະລັດອາເມຣິກາ ໃນຊ່ວງຫຼາຍອາທິດຜ່ານມາ ໂດຍສະເພາະທ່າທີຂອງລັດຖະບານພາຍໃຕ້ການນຳຂອງ ທ່ານ ໂດໂນ ທຣຳ ທີ່ລະບຸວ່າປະຕິບັດການທາງທະຫານເປັນໜຶ່ງໃນທາງເລືອກທີ່ກຳລັງຢູ່ລະຫວ່າງການພິຈາລະນາ ເພື່ອຕອບໂຕ້ໄພຈາກເກົາຫຼີເໜືອ.
ສ່ວນ ປ.ມູນ ນັກການເມືອງຜູ້ມີແນວຄິດປານີປານອມກັບເກົາຫຼີເໜືອດ້ວຍການເຈລະນາ ເປັນຜູ້ຊະນະການເລືອກຕັ້ງປະທານປະເທດເກົາຫຼີໃຕ້ເມື່ອວັນທີ 9 ພຶດສະພາຜ່ານມາ ແຕ່ຫຼັງຈາກທີ່ເກົາຫຼີເໜືອຍິງຂີປະນາວຸດໃນວັນອາທິດກ່ອນ ໄດ້ບອກວ່າ "ການເຈລະຈາກັບເກົາຫຼີເໜືອຈະເກີດຂຶ້ນໄດ້ກໍ່ຕໍ່ເມື່ອເກົາຫຼີເໜືອປ່ຽນແປງພຶດຕິກຳ"
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ