ສື່ໄທກ່າວ ຊາວລາວ ຕົກເປັນເຫຍື່ອມານສາສະໜາຈຳນວນຫຼາຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEj7xxQacqKyXZUHJZGf5kEqoL004OD6GfMw5yxXfNGhArzpSdptiZPfBH4rUcXyAwASpX0QdSYu43IznNoRmmPvBax3cVX-HIY1xYM9gJS5HBNp9ArpUPPaynOeoRWWJNOG2_Wa2p3jZ08/s1600/750.jpg)
ອີງຕາມການລາຍງານຂອງສື່ໃນໄທ ທີ່ໄດ້ລາຍງານວ່າ: ເມື່ອເຈົ້າໜ້າທີ່ໄປກວດສອບມູນລະນິທິອະໂສກມຸນີແສງທຳ ຢູ່ຈັງຫວັດລຳພູນ ປະເທດໄທ ພາຍຫຼັງຖືກຮ້ອງຮຽນວ່າ ມີການອວດອ້າງ, ບິດເບືອນຄຳສອນພະພຸດທະເຈົ້າ ຕະຫຼອດຮອດຊັກຈູງໃຫ້ຄົນຮ່ວມບໍລິຈາກ ລົງທຶນລັກສະນະຄ້າຍກັບການຮ່ວມຮຸ້ນ ເຊິ່ງມີຜູ້ເສຍຫາຍເຂົ້າຮ້ອງທຸກຕໍ່ເຈົ້າໜ້າທີ່ຕຳຫຼວດຂອງໄທແລ້ວຫຼາຍລາຍ ລວມມູນຄ່າຄວາມເສຍຫາຍກວ່າ 100 ລ້ານບາດ.
ໂດຍເຈົ້າສຳນັກຂອງມູນລະນິທິດັ່ງກ່າວອ້າງວ່າ ມີນິມິດ ຮັບຮູ້ເຖິງບ່ອນເຊື່ອງຊ້ອນຂອງຊັບສົມບັດລໍ້າຄ່າສະໄໝພຸດທະການ ທີ່ຖືກຝັງດິນໄວ້ໃນຈັງຫວັດລຳພູນ ດັ່ງນັ້ນ, ຖ້າຜູ້ໃດຜູ້ຄວາມເຫຼືອມໃສໃນພຸດທະສາສະໜາກໍ່ຂໍໃຫ້ມາຊ່ວຍບໍລິຈາກ ເພື່ອເປັນຄ່າໄຖ່ຖອນພະພຸດທະຮູບທີ່ຖືກຝັງອອກມາບູລະນະຮັກສາ.
ເມື່ອເປັນເຊັ່ນນັ້ນ, ຊາວພຸດຜູ້ເຫຼືອມໃສຈຳນວນຫຼາຍຈຶ່ງໄດ້ຫຼົງເຊື່ອ ແລະ ບໍລິຈາກເງິນໃຫ້ກັບມູນລະນິທິດັ່ງກ່າວ, ແຕ່ພໍເມື່ອຄວາມເລີ່ມແຕກວ່າເປັນພະສະໄໝໃໝ່ (ມາດໆ) ທີ່ຫາກໍ່ປັ້ນ ແລ້ວ ເອົາດິນທາເພື່ອໃຫ້ຄືຂອງເກົ່າມາຫຼອກລວງປະຊາຊົນ ຈຶ່ງເຮັດໃຫ້ເຈົ້າໜ້າທີ່ໄດ້ເຂົາໄປກວດສອບ ແຕ່ບໍ່ພົບເຈົ້າສຳນັກ.
ພົບແຕ່ກຸ່ມອອກຕົນຍາດໂຍມ ທີ່ກຳລັງປະຕິບັດທຳຈຳນວນໜຶ່ງ ແລະ ເປັນອອກຕົນຍາດໂຍມທີ່ເດີນທາງໄປຈາກ ສປປ.ລາວ ຈຳນວນ 37 ຄົນ ແລະ ເຈົ້າໜ້າທີ່ກໍ່ໄດ້ກວດສອບແລ້ວວ່າເດີນທາງໄປຢ່າງຖືກຕ້ອງທຸກຄົນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ