ລັດເຊຍ ບໍ່ເຫັນດີກັບຮ່າງມະຕິຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ໃນການປະນາມເກົາຫຼີເໜືອຍິງຂີປະນາວຸດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg5yMnB5ALiHg1QE_kEsHMq94nP2MMO6BFD8KevdG0nImqsDYrmIQpOmQFQXUAh3OYiOzdsmbUy0Rr4QXpSxvRI8Os4OXZmLMQBGa9oBmCaO4Qasiz35-LUs-MMUvISCW03W2nSk1Udx4U/s1600/28.jpg)
ສຳນັກຂ່າວຕ່າງປະເທດລາຍງານ ເມື່ອວັນທີ 6 ກໍລະກົດ 2017 ທີ່ຜ່ານມາວ່າ: ຄະນະມົນຕີຄວາມໝັ້ນຄົງແຫ່ງສະຫະປະຊາຊາດ (UNSC) ທັງ 15 ປະເທດບໍ່ສາມາດອອກຖະແຫຼງການຮ່ວມກັນຕາມການສະເໜີຂອງສະຫະລັດອາເມຣິກາ ເພື່ອປະນາມການທົດລອງຂີປະນາວຸດຂ້າມທະວີບ (ICBM) ຂອງເກົາຫຼີເໜືອ ເຊິ່ງໄດ້ທົດລອງເມື່ອວັນທີ 04/04/2017 ທີ່ຜ່ານມາ ເນື່ອງຈາກລັດເຊຍ ບໍ່ເຫັນດີນຳ ໂດຍຖະແຫຼງການໃນເວລາຕໍ່ມາຂອງສຳນັກງານຄະນະຜູ້ແທນຖາວອນລັດເຊຍປະຈຳສະຫະປະຊາຊາດລະບຸວ່າ ທ່າທີຂອງລັດເຊຍບໍ່ແມ່ນການຄັດຄ້ານຕໍ່ຮ່າງຖະແຫຼງການທີ່ສະເໝີໂດຍ ສ.ອາເມຣິກາ ພຽງແຕ່ຈາກການປະເມີນຂອງລັດເຊຍເອງຍັງບໍ່ອາດສະຫຼຸບໄດ້ວ່າຂີປະນາວຸດນັ້ນເປັນ ICBM ແທ້ຫຼືບໍ່ ຫຼື ອາດເປັນພຽງຂີປະນາວຸດລະດັບກາງ.
![](https://blogger.googleusercontent.com/img/b/R29vZ2xl/AVvXsEggrWOHyS4_MBfJoqklJL6sn5i95WNyzYl95p_cJ8M17iRtsIz2-JaL8ibQ1omUvxP3ib9VgAJ87mRgO8Ggj432iNmsp1bmAZlB7Kg0r6GKGH072r0UGK9lSZX17rogTuV_uigerxjVbx8/s1600/51.jpg)
ເຊິ່ງຍັງບໍ່ເປັນທີ່ຊັດເຈນວ່າທ່ານນາງ ນິກກີ ເຮລີ ເອກອັກຄະລັດຖະທູດ ສ.ອາເມຣິກາ ປະຈຳສະຫະປະຊາຊາດ ຈະເຈລະຈາລັບຫຼັງກັບລັດເຊຍເພື່ອຫາທາງປະນີປະນອມໃນເລື່ອງນີ້ຫຼືບໍ່ ແຕ່ທ່ານນາງ ກ່າວວ່າ ຈະສະເໜີຮ່າງຖະແຫຼງການສະບັບໃໝ່ໃນໄວໆນີ້ ຂະນະທີ່ມີລາຍງານຕື່ມອີກວ່າ ທ່ານນາງ ເຮລີ ເຄີຍສະເໜີເພີ່ມມາດຕະການຈຳກັດການເດີນເຮືອ ແລະ ການເດີນອາກາດຕໍ່ເກົາຫຼີເໜືອ ແຕ່ບໍ່ໄດ້ຮັບການຕອບສະໜອງຈາກຈີນ ທີ່ເຫັນດີນຳໃນສະເພາະບາງບັນຫາໃນການເພີ່ມຊື່ບຸກຄົນທຳມະດາ ແລະ ນິຕິບຸກຄົນເຂົ້າສູ່ບັນຊີຂວໍ້າບາດເມື່ອເດືອນ ມິຖຸນາ ທີ່ຜ່ານມາເທົ່ານັ້ນ.
![](https://blogger.googleusercontent.com/img/b/R29vZ2xl/AVvXsEiZoZaYqdh0zXAhhESh9ZZPpKaVyZEzZMbPhjaDwisqi86xK95HDM7qr2oMB8aPJNQrBUpuUxY-i2Th0Iab87fKp-XPkbsL6x_XEyQ8gJInEcOlcbQ8ZMJMefGhuPV24eerygj4XBerEmY/s1600/49.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ