UN ຮັບຮອງສົນທິສັນຍາຫ້າມ "ອາວຸດນິວເຄຼຍ" ແຕ່ປະເທດມະຫາອຳນາດ ແລະ ຜູ້ມີຄອບຄອງບໍ່ເຂົ້າຮ່ວມຈັກປະເທດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjDgtMUH6tNawY8DpWjLMdO72aM3KuT4qqHMqhpyTf_ZMoOBc5zT5FF2E7JICyt0ZZJcG9C61Mavgerihtttqr-R3Mt0dKZTMjdd2eEh5gvxHI6-FdkMr56b_1h6XggX_sVI2Rv7gAeiuA/s1600/79.jpeg)
ສຳນັກຂ່າວຕ່າງປະເທດລາຍງານ ເມື່ອວັນທີ 7 ກໍລະກົດ 2017 ທີ່ຜ່ານມາ ວ່າ: ໃນທີ່ປະຊຸມສະມັດຊາໃຫຍ່ສະຫະປະຊາຊາດ (UN) ມີມະຕິສຽງສ່ວນໃຫຍ່ 122 ສຽງ ຮັບຮອງສົນທິສັນຍາວ່າດ້ວຍການຢຸດຢັ້ງການຄອບຄອງອາວຸດນິວເຄຼຍ ຫຼື ສົນທິສັນຍາຫ້າມອາວຸດນິວເຄຼຍ ພາຍຫຼັງເລີ່ມການເຈລະຈາກ່ຽວກັບຂໍ້ຜູກພັນຕາມກົດໝາຍຂອງສົນທິສັນຍາສະບັບດັ່ງກ່າວ ຕາມກອບຂອງສົນທິສັນຍາບໍ່ແຜ່ຂະຫຍາຍອາວຸດນິວເຄຼຍ (NPT) ເມື່ອເດືອນ ມີນາ ທີ່ຜ່ານມາ ຖືເປັນຂໍ້ຕົກລົງລະດັບໂລກຢ່າງເປັນທາງການສະບັບທຳອິດ ທີ່ຫ້າມການຄອບຄອງອາວຸດນິວເຄຼຍຢ່າງເດັດຂາດ.
![](https://blogger.googleusercontent.com/img/b/R29vZ2xl/AVvXsEhSE78zdot5RvjY6ZhEXfhwGid2i0uuE_FCRLguNg_5HSIz6R8RrJBUqkF3ADK9-M-brpPOXZCYb076X1QOSuKlIg4ZIyu1gMXfDAodEDOCextbmgpFaxHGXlL1qyYA6KLFGsZV1D0kpwA/s1600/77.jpg)
ເຖິງຢ່າງໃດກໍ່ຕາມກຸ່ມປະເທດທີ່ມີອາວຸດນິວເຄຼຍຢູ່ໃນຄອບຄອງທັງ 9 ປະເທດໄດ້ແກ່: ສະຫະລັດອາເມຣິກາ, ລັດເຊຍ, ຝຣັ່ງ, ຈີນ, ອັງກິດ, ປາກິດສະຖານ, ອິນເດຍ, ເກົາຫຼີເໜືອ ແລະ ອິດສະຣາແອນ ບໍ່ເຂົ້າຮ່ວມການປະຊຸມໃນຄັ້ງນີ້ ເຊັ່ນດຽວກັນກັບຍີ່ປຸ່ນ ແລະ ສະມາຊິກອົງການສົນທິສັນຍາອາກລັງຕິກເໜືອ (NATO) ເກືອບທັງໝົດບໍ່ເຂົ້າຮ່ວມ, ເຊິ່ງປະເທດໂຮນລັງ ເປັນສະມາຊິກ NATO ພຽງບໍ່ພໍເທົ່າໃດປະເທດທີ່ເຂົ້າຮ່ວມການລົງມະຕິ ແຕ່ອອກສຽງຄັດຄ້ານ ສ່ວນປະເທດສິງກະໂປງົດອອກສຽງ.
ເຖິງຢ່າງໃດກໍ່ຕາມສະພາຂອງຢ່າງໜ້ອຍ 50 ປະເທດທີ່ອອກສຽງສະໜັບສະໜູນຕ້ອງຮ່ວມກັນໃຫ້ສັດຕະຍາບັນພາຍໃນ 90 ວັນ ນັບຈາກນີ້ເປັນຕົ້ນໄປ ເພື່ອໃຫ້ສົນທິສັນຍາສະບັບນີ້ທີ່ມີຄວາມຍາວ 10 ໜ້າ ໄດ້ມີຜົນບັງຄັບໃຊ້ຢ່າງເປັນທາງການ.
![](https://blogger.googleusercontent.com/img/b/R29vZ2xl/AVvXsEh99huPSIkoYbtm8qvn-S_6HWukFjJDchTJrgGHuNu06FHqT45ojCa4ZhtJYQn-IJ7F-95ZB73L9AuVwLjLnR0rMuzslv9m4uQXoKsBuY2Dse0QiNFulTtmJycfxUCGVsmhPQ1nMyR3PnA/s1600/78.jpg)
ເຊິ່ງ ສ.ອາເມຣິກາໃຫ້ເຫດຜົນຂອງການບໍ່ເຂົ້າຮ່ວມເຈລະຈາຕັ້ງແຕ່ຕົ້ນວ່າ ສະຖານະການຄວາມເຄັ່ງຕຶງຢູ່ແຫຼມເກົາຫຼີ ຖືເປັນສັນຍານເຕືອນໄພສຳລັບອາເມຣິກາ ວ່າຈຳເປັນຕ້ອງຄອບຄອງອາວຸດນິວເຄຼຍ ເພື່ອປ້ອງກັນຕົນເອງ ແລະ ເຖິ່ງຢ່າງໃດກໍ່ຕາມລັດຖະບານ ສ.ອາເມຣິກາ ຢຶດໝັ້ນຕາມກອບຂອງ NPT ສະບັບປີ 1970 ທີ່ຈະຍັງຄົງມີຜົນບັງຄັບໃຊ້ຕໍ່ໄປ ໂດຍລະບຸວ່າການຫ້າມແຜ່ຂະຫຍາຍອາວຸດນິວເຄຼຍ ແຕ່ກຳນົດຄວາມຮັບຜິດຊອບໃຫ້ປະເທດທີ່ຄອບຄອງອາວຸດນິວເຄຼຍຕ້ອງຄ່ອຍໆຫຼຸດຈຳນວນອາວຸດໃນຄັງຂອງຕົວເອງ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ