ຜູ້ນຳຈີນກ່າວ ອຳນາດຂອງພັກຕ້ອງຢູ່ເໜືອກອງທັບ, ພັກບັນຊາປືນ ຈະບໍ່ຍອມໃຫ້ປືນມາບັນຊາພັກຢ່າງເດັດຂາດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjxf4QFbQvai2rPAkWl8bmv6JgBDQA5jLr3QknwhqfAerzoDftnCp6shWqH03heFvH8XAlXsedQ41A_KT-FtbDbhVzV0IbAz_YEm4sNyc0arsys8drciJ6JruFLxze07DREvqzqz_MnLjg/s1600/226.jpg)
ສຳນັກຂ່າວຕ່າງປະເທດລາຍງານ 1 ສິງຫາ 2017 ວ່າ: ທ່ານ ສີ ຈິ້ນຜິງ ປະທານປະເທດຈີນກ່າວຖະແຫຼງໃນພິທີສະເຫຼີມສະຫຼອງຄົບຮອບ 90 ປີ ການສ້າງຕັ້ງກອງທັບປົດປ່ອຍປະຊາຊົນຈີນ ມີເນື້ອໃນສຳຄັນວ່າ: ປະຊາຊົນຈີນຮັກຄວາມສັນຕິພາບ ແລະ ບໍ່ເຄີຍສະແດງຄວາມແຂງກະດ້າງ ຫຼື ສະແຫວງຫາເນື້ອທີ່ເພື່ອສະຫຍາຍອະນາເຂດ ແຕ່ກອງທັບຈີນມີຄວາມເຊື່ອໝັ້ນວ່າຈະຕ້ອງເປັນຝ່າຍມີໄຊຊະນະເໜືອການຮຸກຮານທຸກຮູບແບບ.
![](https://blogger.googleusercontent.com/img/b/R29vZ2xl/AVvXsEj-CqbRoZmXgKF231vsg5dRSuRAkYFxKO2N_BEq-jdLA165iaDiIc3SPqZdNtkiPbG2Mxubp-hB2iq-v9APq02oIShJYSSa__Jcm-fCyUog4X-WGdpH3Kct0_8naMON9qlsyug9DOYIkog/s1600/227.jpg)
ຜູ້ນຳຈີນກ່າວອີກວ່າ ຈີນຈະບໍ່ມີທາງອະນຸຍາດໃຫ້ບຸກຄົນກຸ່ມໃດ, ອົງກອນແຫ່ງໃດ ຫຼື ພັກການເມືອງໃດກໍ່ຕາມເຂົ້າມາກະທຳການແບ່ງແຍກດິນແດນຂອງຈີນອອກຈາກກັນ ບໍ່ວ່າດ້ວຍຮູບແບບໃດ ແລະ ເມື່ອໃດກໍ່ຕາມ ຈີນຈະປົກປ້ອງສິດອະທິປະໄຕ, ຄວາມໝັ້ນຄົງ ແລະ ຜົນປະໂຫຍດຂອງຊາດໃຫ້ເຖິງທີ່ສຸດ. ຂະນະດຽວກັນໄດ້ກ່າວຊົມເຊີຍຜົນສຳເລັດຂອງການປະຕິຮູບໂຄງສ້າງການບໍລິຫານ ແລະ ການກະຈາຍອຳນາດພາຍໃນກອງທັບປົດປ່ອຍປະຊາຊົນຈີນ ຕະຫຼອດຮອດການເສີມສ້າງຄວາມສາມາດໃຫ້ດີຍິ່ງຂຶ້ນໃນສາຍຕາຂອງປະຊາຊົນ.
ເຊິ່ງແຜນການດັ່ງກ່າວເປັນໄປຕາມແຜນຍຸດທະສາດຂອງພັກຄອມມູນິດຈີນທີ່ຈະມີການປັບປຸງໃນທຸກ 5 ປີ ໂດຍການປະຊຸມວາລະຕໍ່ໄປຈະຈັດຂຶ້ນໃນຊ່ວງລະດູໃບໄມ້ລົ່ນທີ່ຈະມາເຖິງນີ້ ເຊິ່ງຜູ້ນຳຈີນກ່າວຢ້ຳຕື່ມໃນໂອກາດນີ້ວ່າ ພັກຄອມມູນິດຈີນ ເປັນຜູ້ນຳພຽງໜຶ່ງດຽວຂອງຈີນ ແລະ ມີອຳນາດເໜືອກອງທັບ ແລະ ການປະຕິບັດຕາມແນວທາງນະໂຍບາຍຂອງພັກຈະເປັນການຍົກລະດັບຄວາມສາມາດຂອງກອງທັບໃຫ້ເຂັ້ມແຂງຍິ່ງຂຶ້ນ ໂດຍຜູ້ນຳຈີນຍົກຫຼັກການ "ອຳນາດລັດເກີດຈາກປາກກະບອກປືນ" ຂອງປະທານ ເໝົາ ເຈີຕົງ ຜູ້ກໍ່ຕັ້ງພັກຄອມມູນິດຈີນທີ່ວ່າ "ພັກບັນຊາປືນ ແຕ່ຈະຍອມໃຫ້ປືນມາບັນຊາພັກບໍ່ໄດ້ຢ່າງເດັດຂາດ"
![](https://blogger.googleusercontent.com/img/b/R29vZ2xl/AVvXsEjkKNuUYeOvt1IhpQln5nzhjGoDrcZxc3G0P3b7D5S-JpXC6Y7C2vZ9gxi6s3jGVSr4EPoXHP9o00u5FA6nQrKqk6ueNf1Oix9ozJ4Jco13F0uI66Q17w-8CIXUg5fV0x-C40_JS8g3NIM/s1600/228.jpg)
ເຊິ່ງກອງທັບປົດປ່ອຍປະຊາຊົນຈີນ ຂອງພັກຄອມມູນິດຈີນ ໄດ້ຮັບການສ້າງຕັ້ງຂຶ້ນເມື່ອວັນທີ 1 ສິງຫາ 1927 ປັດຈຸບັນປະກອບດ້ວຍ 5 ເລົ່າທັບຄື: ກອງທັບບົກ, ກອງທັບເຮືອ, ກອງທັບອາກາດ, ກອງນ້ອຍປືນໃຫຍ່ທີ່ສອງ ແລະ ກອງກຳລັງສະໜັບສະໜູນທາງຍຸດທະສາດ ໃນປັດຈຸບັນມີກຳລັງພົນປະຕິບັດໜ້າທີ່ຢູ່ປະມານ 2.3 ລ້ານຄົນ ແລະ ກຳລັງພົນສຳຮອງອີກ 2.3 ລ້ານຄົນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ