ທ່ານນາຍົກລັດຖະມົນຕີ ລົງຢ້ຽມຢາມເມືອງຄຳ, ແຂວງຊຽງຂວາງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiQxzAXmoZd4epixRyP1QjLui9BKh03l0HjhLXCqfr-Gzwxk5rnMYpXGdW1ZrUoru8ZkHIeXl6i6c66meWxIsX8fSw8N1eyGhPzVuRCtSq4P4xEWEwu7kl83EBMzk5c-wQxnfGHJQ4BVoE/s1600/266.jpeg)
ໃນວັນທີ 8 ສິງຫາ 2017 ທີ່ຜ່ານມາ, ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະນຳຈາກສູນກາງ ແລະ ແຂວງຊຽງຂວາງ ໄດ້ໄປຢ້ຽມ ແລະ ໂອ້ລົມຕໍ່ພະນັກງານຫຼັກແຫຼ່ງ ເມືອງຄຳ, ແຂວງຊຽງຂວາງ ຢູ່ທີ່ສະໂມສອນ ຂອງຫ້ອງວ່າການປົກ ຄອງເມືອງດັ່ງກ່າວ.
![](https://blogger.googleusercontent.com/img/b/R29vZ2xl/AVvXsEh1_d-Irud1Cpujanm6PcHAxrq00JJMgIipEdk67cEXfnwKMck1x9jfDeFK9pTjRYkNhQi-K2nJJWzR4DHxfp1nJiv_Og0ndvmFJFRcmGHN1AXg0X2EHfY2_ANiwMTZau9XcbNBSb_0w1c/s1600/267.jpeg)
ໃນໂອກາດນີ້, ທ່ານ ວຽງໄຊ ສີວິໄລ ເຈົ້າເມືອງໆຄຳ ໄດ້ລາຍງານໃຫ້ຊາບໂດຍຫຍໍ້ ກ່ຽວກັບການພັດທະນາເສດຖະກິດ-ສັງຄົມ ຂອງເມືອງ ເຊິງເຫັນວ່າ: ເມືອງຄຳ ມີທ່າແຮງໃນການ ປູກຝັງ-ລ້ຽງສັດ, ການທ່ອງທ່ຽວ, ຫັດຖະກຳປຸງແຕ່ງ; ເສດຖະກິດຂະຫຍາຍຕົວ ປະມານ 8.5%, ລາຍຮັບສະເລ່ຍໃສ່ຫົວຄົນໄດ້ປະມານ 1.350 ໂດລາສະຫະລັດ/ຄົນ/ປີ, ອັດຕາການເຂົ້າຮຽນ ສຸດທິ ຊັ້ນປະຖົມ ກວມ 99%, ມັດທະຍົມຕອນຕົ້ນ ກວມ 68%, ມັດທະຍົມຕອນປາຍ ກວມ 66%, ຕາໜ່າງສາທາ ລະນະສຸກ ກວມ 100% ຂອງຈຳນວນບ້ານໃນທົ່ວເມືອງ, ອັດຕາການຊົມໃຊ້ວິດຖ່າຍ ກວມ 88%, ອັດຕາການຊົມໃຊ້ນໍ້າສະອາດ ກວມ 86%, ອັດຕາການຊົມໃຊ້ໄຟຟ້າ ກວມ 96% ຂອງຈຳນວນຄອບຄົວໃນທົ່ວເມືອງ, ເສັ້ນເຂົ້າເຖິງບ້ານ ກວມ 100% (ທຽວໄດ້ສອງລະດູ ກວມ 83%), ບ້ານທຸກຍາກ ຍັງກວມ 18%, ຄອບຄົວທຸກຍາກ ຍັງກວມ 2%.
![](https://blogger.googleusercontent.com/img/b/R29vZ2xl/AVvXsEiiWekzAVB7AMI3Yj835DX65MWaizyV_HDP86dTSZgBozkgJOM-fImNNSAU60MxEVJoyzLDgvcspsd8S9_oRvmOvPmvIvrtaQ3Ht0XyDveBe59TVARzLQ4FbCk0hI5hibR09H153sa1STE/s1600/268.jpeg)
ໃນໂອກາດດຽວກັນ, ທ່ານນາຍົກລັດຖະມົນຕີ ໄດ້ໃຫ້ກຽດໂອ້ລົມ ແລະ ມີຄຳເຫັນຊີ້ນຳ ຕໍ່ພະນັກງານຫຼັກແຫຼ່ງເມືອງຄຳ ໃຫ້ເອົາໃຈໃສ່ຕື່ມບາງດ້ານ ເປັນຕົ້ນ ເສີມຂະຫຍາຍທ່າແຮງ, ບົດຮຽນ-ເຕັກນິກວິຊາການ, ພູມປັນຍາຊາວບ້ານ, ຕົວແບບການຜະລິດ, ມູນເຊື້ອອັນດີງາມຂອງທ້ອງຖິ່ນ-ຂອງເຜົ່າ ໃຫ້ຂະຫຍາຍຕົວຢ່າງກວ້າງຂວາງ, ເກີດປະໂຫຍດສູງສຸດ ແລະ ຍືນຍົງ ໂດຍສະເພາະແມ່ນ ບົດຮຽນໃນການປູກ-ການລ້ຽງ ທີ່ໄດ້ຮັບຜົນດີ, ມີສະມັດຕະພາບສູງ, ສີໄມ້ລາຍມືການຜະລິດທີ່ງົດງາມ, ປານີດ ແລະ ວັດທະນະທຳອັນດີງາມ ທີ່ເປັນເອກະລັກຂອງທ້ອງຖິ່ນ; ເອົາໃຈໃສ່ຕໍ່ວຽກງານປ້ອງກັນຊາດ, ປ້ອງກັນຄວາມສະຫງົບ, ຕ້ານປະກົດການຫຍໍ້ທໍ້ຕ່າງໆໃນສັງຄົມ ລວມທັງ ເຂັ້ມງວດຕໍ່ການປະຕິບັດກົດໝາຍ ແລະ ລະບຽບການ ທີ່ລັດຖະບານວາງອອກ ໂດຍສະເພາະ ນິຕິກຳທີ່ກ່ຽວຂ້ອງກັບ ບັນຫາໄມ້, ການປະຢັດມັດທະຍັດ, ການຄ້າຂາຍເຖື່ອນ; ພ້ອມດຽວກັນນັ້ນ ກໍ່ຈົ່ງເພີ່ມທະວີຄວາມສາມັກຄີປອງດອງ, ພູມໃຈໃນຄວາມເປັນລາວ, ມີນໍ້າໃຈຮັກຊາດ, ຮັກບ້ານເກີດເມືອງນອນຂອງຕົນ ທີ່ບັນພະບູລຸດຂອງພວກເຮົາ ໄດ້ອອກເຫືອເທແຮງຕໍ່ສູ້ກູ້ຊາດ, ຍາດເອົາຄວາມເປັນເອກະລາດ ແລະ ຜືນແຜ່ນດິນອັນແສນຮັກມາໃຫ້ພວກເຮົາ. ດັ່ງນັ້ນ, ຈົ່ງພ້ອມກັນປົກປັກຮັກສາ ແລະ ສ້າງສາພັດທະນາບ້ານຊ່ອງຂອງຕົນ ໃຫ້ມີຄວາມສະຫງົບສຸກ, ນັບມື້ຮັ່ງມີ ແລະ ຈະ ເລີນສີວິໄລເປັນກ້າວໆ.
![](https://blogger.googleusercontent.com/img/b/R29vZ2xl/AVvXsEjdPvFfwQ7p68tzvtnrVTF3O69jrOC18rwUmnEGXu-vjNp4fvdWNA7gWyWuLyUUW68J5apo2yxQLIs46N6j51BYYeNnx9iONObs9RkrWilVPU1pSZlUUsdL9oYD0IpIgSzoJiNwFzbJYR4/s1600/269.jpeg)
ໃນມື້ດຽວກັນ, ທ່ານນາຍົກລັດຖະມົນຕີ ພ້ອມຄະນະ ຍັງໄດ້ໄປຢ້ຽມຢາມເບິ່ງກຸ່ມຕົວແບບ ໃນການປູກເຂົ້າດ້ວຍກ້າກີບດຽວ, ກຸ່ມຕົວແບບຫັດຖະກຳໄໝມ້ອນ ແລະ ການວາງສະແດງ ວັດທະນະທຳຂອງເຜົ່າໄຕດຳ ຢູ່ທີ່ບ້ານຊຽງກ່ຽວ, ເມືອງຄຳຕື່ມອີກ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ