ອິນໂດເນເຊຍ ໃຊ້ສິນຄ້າກະສິກຳ ແລກປ່ຽນຍົນຮົບຈາກລັດເຊຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEghOBnYKmXllw6btpByz1anSGqUTvXP9dGb_0TyfFBSww_EnuyTA4O5cVzDtl9lBTCBVxKklNxC1yzDKhi1SP8rMQRUC5HEWROwW1XaMK83KhGtrHR7_simjL0Q6P7DE2UrH12kqyijmPM/s1600/261.jpg)
ສຳນັກຂ່າວຕ່າງປະເທດລາຍງານ 8 ສິງຫາ 2017 ວ່າ: ທ່ານ ມາໂຣລອບ ແນັງໂກລານ ໂຄສົກກະຊວງການຄ້າອິນໂດເນເຊຍເປີດເຜີຍວ່າ ອິນໂດເນເຊຍ ແລະ ລັດເຊຍໄດ້ລົງນາມໃນບັນທຶກຄວາມເຂົ້າໃຈ ຫຼື MOU ທີ່ນະຄອນຫຼວງມົດສະກູ ເມື່ອອາທິດທີ່ຜ່ານມາ ເພື່ອແລກປ່ຽນຍົນຮົບ Sukhoi Su-35s ຈຳນວນ 11 ລຳຂອງລັດເຊຍ ກັບ ສິນຄ້າກະສິກຳຂອງອິນໂດເນເຊຍຄື ກາເຟ, ຊາ ແລະ ນ້ຳມັນປາມ ໂດຍແນວຄິດໃນການແລກປ່ຽນສິນຄ້າຖືກສະເໜີເມື່ອປີທີ່ຜ່ານມາ.
ໂດຍທ່ານ ເອັງກາເຕຍສະໂຕ ລູກິຕາ ລັດຖະມົນຕີກະຊວງການຄ້າອິນໂດເນເຊຍກ່າວວ່າ ການຂວໍ້າບາດຂອງກຸ່ມປະເທດຕາເວັນຕົກ ໄດ້ບັງຄັບໃຫ້ລັດເຊຍຕ້ອງສະແຫວງຫາຕະຫຼາດໃໝ່ເພື່ອນຳເຂົ້າສິນຄ້າ ເຊິ່ງຖືເປັນຂ່າວດີສຳລັບອິນໂດເນເຊຍ ທີ່ເປັນໂອກາດຂອງອິນໂດເນເຊຍທີ່ບໍ່ຄວນປ່ອຍໃຫ້ຫຼຸດມືໄປ.
ຂໍ້ຕົກລົງລະຫວ່າງບໍລິສັດ Rostec ຂອງລັດເຊຍ ກັບບໍລິສັດ PT Perusahaan Perdagangan ຂອງອິນໂດເນເຊຍ ອາດເປັນການເປີດທາງສຳລັບຂໍ້ຕົກລົງທະວີພາຄີໃນອະນາຄົດ ທີ່ຈະຂະຫຍາຍໄປສູ່ພາກພະລັງງານ ແລະ ການບິນ. ສ່ວນໄລຍະເວລາ ແລະ ມູນຄ່າຂອງການແລກປ່ຽນນັ້ນ ຍັງບໍ່ໄດ້ຮັບການເປີດເຜີຍລາຍລະອຽດເທື່ອ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ