ສ.ອາເມຣິກາ ຜິດຫວັງທີ່ປະເທດຕວັກກີໜຶ່ງໃນສະມາຊິກ NATO ສັ່ງຊື້ S-400 ຈາກລັດເຊຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhOerl0Iba7FeDgXOBaRcI9PJD4tawQqDlRCvEhlZ82ZThBplRjR7ROEJjRPjZ3v8mvl6fw3TBzUrczO4R7ZFcPRFFgxVsaTW7EmtawcJEoBOstcfudY7AGQEvzZdl29VQiefY4szFAGmU/s1600/223.jpg)
ສຳນັກຂ່າວຕ່າງປະເທດລາຍງານ 1 ສິງຫາ 2017 ວ່າ: ໂຄສົກກະຊວງປ້ອງກັນປະເທດສະຫະລັດອາເມຣິກາກ່າວເມື່ອວັນຈັນທີ່ຜ່ານມາວ່າ: ລັດຖະບານ ສ.ອາເມຣິກາມີຄວາມເປັນຫ່ວງ ຕໍ່ການທີ່ປະເທດຕວັກກີ ເຊິ່ງເປັນໜຶ່ງໃນສະມາຊິກອົງການສົນທິສັນຍາອາກລັງຕິກເໜືອ (NATO) ສັ່ງຊື່ລະບົບຂີປະນາວຸດຕໍ່ຕ້ານໄພທາງອາກາດ S-400 ຈາກລັດເຊຍ ເນື່ອງຈາກລະບົບການເຮັດວຽກຂອງ S-400 ອາດບໍ່ເໝາະສົມກັບລະບົບຕໍ່ຕ້ານໄພທາງອາກາດທີ່ສະມາຊິກ NATO ທັງ 29 ປະເທດໃຊ້ງານຢູ່ ຫຼື ເວົ້າໃຫ້ເຂົ້າໃຈງ່າຍຂຶ້ນກໍ່ຄື ບໍ່ວ່າໃນກໍລະນີໃດ NATO ຫວັງວ່າປະເທດສະມາຊິກຈະມີການຈັດຊື້ອຸປະກອນທີ່ສາມາດປະຕິບັດງານຮ່ວມກັນໄດ້ ແລະ ລົງທຶນໃນອຸປະກອນທີ່ຈະຊ່ວຍສົ່ງເສີມການລົງທຶນພາຍໃນພັນທະມິດ NATO ຕໍ່ໄປ.
ຄຳຖະແຫຼງດັ່ງກ່າວຂອງໂຄສົກກະຊວງປ້ອງກັນປະເທດສະຫະລັດອາເມຣິກາເກີດຂຶ້ນ ພາຍຫຼັງສື່ທ້ອງຖິ່ນຫຼາຍແຫ່ງໃນຕວັກກີພາກັນລົງຂ່າວວ່າ ລັດຖະບານຕວັກກີໃກ້ຈະບັນລຸຂໍ້ຕົກລົງກັບລັດເຊຍໃນການຈັດຊື້ລະບົບ S-400 ເຊິ່ງຈະຖືເປັນບາດກ້າວສຳຄັນໃນການຟື້ນຟູຄວາມສຳພັນລະຫວ່າງສອງປະເທດທີ່ເຄີຍຕົກຕ່ຳເຖິງຂີດຕ່ຳສຸດ ຫຼັງຈາກເກີດເຫດຍົນຂັບໄລ່ຂອງຕວັກກີໄດ້ຍິງຍົນຮົບຂອງລັດເຊຍຕົກໃນດິນແດນຂອງປະເທດຊີຣີ ເມື່ອທ້າຍປີ 2015.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ