ທ່ານ ດູເຕເຕ ສັ່ງໃຫ້ "ຂ້າລູກຊາຍ" ຕົນເອງໄດ້ ຖ້າພົວພັນຢາເສບຕິດຈິງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiYlFu4HtW97nxiTHYpX0JdxR4J2dy4W2HibHxdl0gvSh94d14j-vf92wEtpNKEgHjTRd0rBrpCvKyWjbohf7wTFIl697yjrq7Pi7u9tDQVo0VsgY6JjWI_nHKWRul1H6CGenin9BKzlsY/s1600/9.jpg)
ສຳນັກຂ່າວຕ່າງປະເທດລາຍງານເມື່ອວັນທີ 22 ກັນຍາ 2017 ທີ່ຜ່ານມາວ່າ: ທ່ານ ໂຣດຼິໂກ ດູເຕເຕ ປະທານປະເທດຟິລິບປິນໃຫ້ສຳພາດກັບສື່ມວນຊົນວ່າ ທ່ານຈະເປັນຜູ້ສັ່ງຂ້າ ເປົາໂລ ດູເຕເຕ ຜູ້ເປັນລູກຊາຍເອງ ຖ້າຫາກຮູ້ ແລະ ມີຫຼັກຖານວ່າທ່ານ ເປົາໂລ ພົວພັນກັບຂະບວນການຄ້າຢາເສບຕິດຈິງ ແລະ ຈະປົກປ້ອງເຈົ້າໜ້າທີ່ທີ່ລົງມື້ຂ້າ.
ໂດຍເມື່ອວັນທີ 7 ກັນຍາ 2017 ທີ່ຜ່ານມາທ່ານ ເປົາໂລ ດູເຕເຕ ອາຍຸ 42 ປີ ຖືກສືບສວນສອບສວນໃນກໍລະນີທີ່ຖືກກ່າວຫາວ່າມີສ່ວນພົວພັນກັບຢາເສບຕິດຈາກຈີນມາຍັງຟິລິບປິນ ເຖິງຢ່າງໃດກໍ່ຕາມທ່ານ ເປົາໂລ ໄດ້ຢືນຢັນວ່າຂ່າວລືດັ່ງກ່າວບໍ່ມີມູນຄວາມຈິງແຕ່ຢ່າງໃດ.
![](https://blogger.googleusercontent.com/img/b/R29vZ2xl/AVvXsEiK9lvbgaBXAaEpE_zRefa9Gv_QdrwLv4ta9W8E5Ilh7GLIbXQQ_06VE6dT7UIBtn5ecifxTWZfmMqvPVHppmwjytQbVAtPn4GcMyuus4CjZcsHdkuQPuLR9jCl1TNJXNw1sjuYlEfkSls/s1600/6.jpg)
ຂະນະທີ່ບໍລິເວນດ້ານໜ້າຂອງທຳນຽມປະທານປະເທດໃນນະຄອນຫຼວງມະນິລາ, ມະຫາວິທະຍາໄລ ແລະ ຄ້າຍທະຫານຫຼາຍແຫ່ງ ປະຊາຊົນຟິລິບປິນຫຼາຍພັນຄົນໄດ້ອອກມາເດີນຂະບວນປະທ້ວງນະໂຍບາຍສົງຄາມກວາດລ້າງຢາເສບຕິດຂອງທ່ານ ດູເຕເຕ ທີ່ສົ່ງຜົນໃຫ້ມີຜູ້ເສຍຊີວິດຫຼາຍພັນຄົນ ໂດຍກຸ່ມຜູ້ຊຸມນຸມໄດ້ສະແດງຄວາມເປັນຫ່ວງວ່າ ທ່ານ ດູເຕເຕ ຈະປະກາດກົດໄອຍະການເສິກທົ່ວປະເທດເຊັ່ນດຽວກັບທ່ານ ເຟີດິນານ ມາກອສ ອະດີດຜູ້ນຳສະເດັດການທີ່ເຄີຍເຮັດເມື່ອ 45 ປີທີ່ຜ່ານມາ.
![](https://blogger.googleusercontent.com/img/b/R29vZ2xl/AVvXsEgCHmrtU2zUy07YBi3K6y0EuF_npArdG4QZ7P7XcrrfolrbkVeWuxur_koDnGkJdBJq11luycD3xZT1IsBEUMx1dMmyCyoX-G_iRYtvIGjWa7dCwnMZcI70j3tupFLZb6vlvh2WBRSo5KM/s1600/7.jpg)
ໃນດ້ານຂອງທ່ານນາງ ເລນີ ໂຣເບຼໂດ ຮອງປະທານປະເທດຟິລິບປິນໄດ້ອອກມາຮຽກຮ້ອງໃຫ້ປະຊາຊົນຟິລິບປິນກຳແໜ້ນເຖິງຄວາມເຈັບປວດ, ຄວາມຮຸນແຮງທີ່ເກີດຂຶ້ນໃນສະໄໝຂອງທ່ານ ມາກອສ ໂດຍລະບຸວ່າ ຫາກເຮົາບໍ່ຫຼົງລືມອະດີດ ພວກເຮົາກໍ່ຈະຖືກປະນາມທີ່ປ່ອຍໃຫ້ມັນເກີດຂຶ້ນອີກຄັ້ງ.
ເຖິງຢ່າງໃດກໍ່ຕາມ, ກຸ່ມຜູ້ສະໜັບສະໜູນທ່ານ ດູເຕເຕ ຫຼາຍພັນຄົນກໍ່ໄດ້ອອກມາລວມຕົວກັນ ເພື່ອສະແດງພະລັງສະໜັບສະໜູນທ່ານ ດູເຕເຕເຊັ່ນກັນ ແລະ ເຖິງແມ່ນວ່າທີ່ຜ່ານມາ ນະໂຍບາຍສົງຄາມກວາດລ້າງຢາເສບຕິດຂອງທ່ານ ດູເຕເຕ ຈະກໍ່ໃຫ້ເກີດສຽງວິພາກວິຈານຈາກປະຊາຄົມໂລກກໍ່ຕາມ ແຕ່ຄະແນນນິຍົມຂອງທ່ານ ດູເຕເຕ ຍັງສູງເຊັ່ນເດີມ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ