ລັດເຊຍ ສະເຫຼີມສະຫຼອງວັນແຫ່ງການປະຕິວັດ ເດືອນຕຸລາລັດເຊຍ ຄົບຮອບ 100 ປີຢ່າງຍິ່ງໃຫຍ່
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjZy3gr4BzIDUOylAIsTtKK4rZJjHgRACCc2dETg1Gg5bwGs7HIajj-3R9U81JqP6Bv0wzSDxL2EBBp3I-AqBb_bPnqjUkBst_8SxhuDMoh1_od9mXKzdFqVgajltne29K_aSW54YnPBNn2/s1600/680.jpg)
ລັດເຊຍໄດ້ຈັດພິທີສະເຫຼີມສະຫຼອງ ວັນມະຫາປະຕິວັດເດືອນຕຸລາລັດເຊຍ ຄົບຮອບ 100 ປີ (7/11/1917 – 7/11/201) ຢ່າງຍິ່ງໃຫຍ່ທີ່ຈະຕຸລັດແດງ ນະຄອນຫຼວງມົດສະກູ ປະເທດລັດເຊຍ, ເຊິ່ງເປັນວັນແຫ່ງໄຊຊະນະຂອງຊົນຊັ້ນກຳມະກອນ ແລະ ຊາວຜູ້ອອກແຮງງານລັດເຊຍ ໂດຍມີພັກໂບນເຊວິກ ແລະ ທ່ານ ວ.ອ ເລນິນ ເປັນຜູ້ນຳໜ້າໃນການຢຶດອຳນາດ ແລະ ສ້າງຕັ້ງລັດສັງຄົມນິຍົມລັດທຳອິດໃນໂລກ ເຊິ່ງເປັນຂີດໝາຍອັນສຳຄັນທີ່ບໍ່ມີວັນລືມໄດ້.
![](https://blogger.googleusercontent.com/img/b/R29vZ2xl/AVvXsEhKqF0iNg1XmAuCDXIxcpg85m3dUdlFAzsTc46vlRc_dzfppfOjtV0OXIws4oUOkIeaF2l3fZBV4uQ1zbP7J2Vfb0l4vYOvHQ5dKc1ylg6BvCFd2O_jK9Gp7kMc2evWxLQVAOJ47WZWZV6y/s1600/679.jpg)
ເຊິ່ງເປັນລັດຂອງຊົນຊັ້ນກຳມະກອນ ແລະ ຊາວຜູ້ອອກແຮງງານລັດເຊຍ ການປະຕິວັດລັດເຊຍນັ້ນບໍ່ແມ່ນ ເຫດການທີ່ເກີດຂຶ້ນແບບບັງເອີນມັນເປັນກົດເກນທີ່ຕ້ອງເປັນໄປຂອງສັງຄົມມະນຸດ ເພາະໃນໄລຍະນັ້ນປະເທດທຶນນິຍົມຊົນຊັ້ນກຳມະກອນ ແລະ ຊາວຜູ້ອອກແຮງງານຈະຖືກຊົນຊັ້ນນາຍທຶນ ກົດຂີ່ຂູດຮີດຢ່າງໜັກໜ່ວງເຫັນສະພາບການຄືແນວນັ້ນທ່ານ ເລ ນິນ ແລະ ພັກໂບນເຊວິກ ຈິ່ງໄດ້ສຶກສາອົບຮົມ ແລະ ປຸກລະດົມ ຊົນຊັ້ນກຳມະກອນຊາວນາ, ຊາວຜູ້ອອກແຮງງານ ແລະ ກອງທະຫານລຸກຮືຂຶ້ນໂຄ່ນລົ້ມອຳນາດ ນາຍທຶນ ແລະ ພະເຈົ້າຊາ ລັດເຊຍພາຍຫຼັງການສຳເລັດການ ປະຕິວັດເດືອນຕຸລາລັດເຊຍ ບໍ່ພໍເທົ່າໃດພວກນາຍທຶນປະຕິການພາຍໃນກໍ່ສົມຮູ້ຮ່ວມຄິດກັບ 14 ປະເທດນາຍທຶນບຸກໂຈມຕີລັດເຊຍລັດສັງຄົມນິຍົມທີ່ໜຸ່ມນ້ອຍໃຫ້ຕາຍແຕ່ຫົວທີ.
ແຕ່ທ່ານ ເລນິນ ແລະ ພັກໂບນເຊວິກ ໄດ້ນຳພາປະຊາຊົນຕໍ່ສູ້ກັບສັດຕູຈົນໄດ້ຮັບໄຊຊະນະ ແລະ ສາມາດຮັກສາອຳນາດໂຊວຽດ ໄວ້ໄດ້ການປະຕິວັດເດືອນຕຸລາໄດ້ຮັບໄຊຊະນະສາມາດເວົ້າໄດ້ວ່າແມ່ນໄຊຊະນະຂອງລັດທິມາກ-ເລນິນ, ຈາກທິດສະດີໄດ້ກາຍເປັນພຶດຕິກຳຕົວຈິງ.
ໂດຍຜົນສະທ້ອນຂອງມະຫາປະຕິວັດເດືອນຕຸລາລັດເຊຍ ແລະ ການຊ່ວຍເຫຼືອຂອງອະດີດສະຫະພາບໂຊວຽດຕໍ່ລາວເຮົາ, ໃນບວນການຕໍ່ສູ້ຂອງປະຊາຊົນລາວຕ້ານກັບພວກລ່າເມືອງຂຶ້ນ ຜູ້ຮຸກຮານທີ່ໄດ້ຮັບການປະລາໄຊ ອັນເນື່ອງມາຈາກຂາດທິດສະດີນຳພາ ຫຼື ບໍ່ທັນມີພັກແບບໃໝ່ຂອງຊົນຊັ້ນກຳມະກອນນຳພາ, ແຕ່ຕໍ່ມາພາຍໃຕ້ການນຳ ພາຂອງພັກກອມມູນິດອິນດູຈີນ ແລະ ຄະນະພັກແຄວ້ນລາວ ນຳພາໂດຍກົງ ປະຊາຊົນລາວບັນດາເຜົ່າໄດ້ດຳເນີນການຕໍ່ສູ້ຢ່າງອົງອາດກ້າຫານ, ຂະບວນຕໍ່ສູ້ ຂອງປະຊາຊົນລາວກໍ່ຄືຂະບວນ ການຕໍ່ສູ້ຂອງປະຊາຊົນ 3 ຊາດ ອິນດູຈີນ ຈຶ່ງໄດ້ຮັບໄຊຊະນະເປັນກ້າວໆມານັ້ນ, ກໍ່ຍ້ອນພັກເຮົາໄດ້ກຳແໜ້ນ ແລະ ຮູ້ໝູນໃຊ້ທິດສະດີມາກ-ເລນິນ ເຂົ້າສູ່ສະພາບຕົວຈິງຂອງປະເທດເຮົາຢ່າງປະດິດສ້າງ, ສົມທົບກັບລັດທິຮັກຊາດ, ຈິດໃຈເປັນເອກະລາດເປັນເຈົ້າຕົນເອງ ແລະ ການສະໜັບສະໜູນຂອງບັນດາປະເທດສັງຄົມນິຍົມອ້າຍນ້ອງ, ເປັນຕົ້ນແມ່ນການຮ່ວມສຳພັນ ສູ້ຮົບ 3 ຊາດ ລາວ-ຫວຽດນາມ- ກຳປູເຈຍ, ສະຫະພາບໂຊວຽດ, ສປ.ຈີນ ແລະ ປະເທດສັງ ຄົມນິຍົມອື່ນໆ, ຈຶ່ງເຮັດໃຫ້ພາລະກິດປະຕິວັດລາວ ສຳເລັດຜົນກ້າວຂຶ້ນປົດປ່ອຍຊາດ ແລະ ສະຖາປະນາປະເທດເປັນ ສປປ ລາວ ຢ່າງສົມບູນ ໃນປີ 1975.
![](https://blogger.googleusercontent.com/img/b/R29vZ2xl/AVvXsEgKnZQ9fHbw_bZM2UsceRAlA95eZC-jnhG6wMpxIu9iuf4X4w2zczXGbynQwjIhKyfMc_JEy9_vcuxrrKSKmer0AKTVoMXWqwCZrOFcxD6_l_5RLkpMbYBsmitY0FfMFk2cBjMzvFxR1hRb/s1600/681.jpg)
![](https://blogger.googleusercontent.com/img/b/R29vZ2xl/AVvXsEiPuWSfJgGpXg0t4_zx-ethK-28mCOPEhOT8NyIX0MmUyItBYDfNKTw4QprZuDE9SfLrI0lE758z9z8H5hAULvyXGdO53jN-YbYxhEP7FzJ8uJtQztv41RIVaAsb6j8kTqrJxK-HmEZQ0cP/s1600/682.jpg)
![](https://blogger.googleusercontent.com/img/b/R29vZ2xl/AVvXsEizk_2hNxe2ne_xfvRXI4q3CeFlNRICF0NGm2X-LVRMNidgjDUgdXN1q1TtlVX_jCgkaAtVvvZlF-iB9pRw1hThiineiLL5SB_DnkoxJr_BQBbiirChyXbzpbMW7tuKfwEjvxhul1F__UX1/s1600/683.jpg)
![](https://blogger.googleusercontent.com/img/b/R29vZ2xl/AVvXsEgdRZqfuSlSap4gEmGfqyZn6jq2tHEHQq5I7I937o0J6DIwtETxkMZM3obtJztCU5BAZYB9zddmFRA1lt5iNWi-hj80Jd5uKo8yDAjsVhYBu0YbsvlZ458lVHNJiA9bXCbVbEJhz11hRP_s/s1600/684.jpg)
![](https://blogger.googleusercontent.com/img/b/R29vZ2xl/AVvXsEijnEtvE3dORNZyCS3aXRi0R-1qO4ZDlB35iUM7GcLMBucu-YCFOIIAZlUUiRgbpIU1zqksw74EiKx-wR34jVKwqy7rsIAU98bQyF_GBacOnos2N89c383Ea-QAyeRWtUozAHECzKzEVPoU/s1600/685.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ