ລັດເຊຍປ່ອຍຈະຫຼວດ ລຳທີ 2 ຈາກສູນອະວະກາດໃນປະເທດທາງພາກຕາເວັນອອກໄກ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjK5wGexSEhwDnQgwO9ZYwKQwyoykd7dtqGZEMN3nZTKoWMHRrziS0UmN9bDkOLTnxCSW9itiEadWQ8SN6-JOMzMIgXLV_yqHO5IAOfm1eKWLVCQlUiOG3aly9YMVX-I-O7UJCw4Io0P0PX/s1600/166.jpg)
ສຳນັກຂ່າວຕ່າງປະເທດລາຍງານ 28 ພະຈິກ 2017 ວ່າ: ຈະຫຼວດ Soyuz 2-1B ຂອງອົງການອະວະກາດລັດເຊຍ (Roscosmos) ຂຶ້ນສູ່ຟ້າຈາກຖານປ່ອຍຈະຫຼວດພາຍໃນສູນອະວະກາດວອສທອກນີ (Vostochny) ໃນພູມມິພາກອາມູ ທາງພາກຕາເວັນອອກໄກຂອງປະເທດ ເຊິ່ງມີຊາຍແດນຢູ່ໃກ້ກັບພູມມິພາກແມນຈູເຣຍຂອງຈີນ ເມື່ອເວລາ 14:41 ນາທີ ຕາມເວລາທ້ອງຖິ່ນ ເພື່ອສົ່ງດາວທຽມສຳຫຼວດສະພາບອາກາດໂລກ "Meteor-M No.2-1" ຂອງ Roscosmos ແລະ ດາວທຽມສື່ສານອີກ 18 ດວງ ຂອງໜ່ວຍງານລັດ ແລະ ບໍລິສັດເອກະຊົນຫຼາຍແຫ່ງ ທັງຈາກສະຫະລັດ ອາເມຣິກາ, ການາດາ, ຍີ່ປຸ່ນ, ນອກແວ, ເຢຍລະມັນ ແລະ ຊູແອດ.
![](https://blogger.googleusercontent.com/img/b/R29vZ2xl/AVvXsEijuS6oCyll6ltTBQ54lBDUL0orj-lIImPkA88LIAWaqdWVSdA0vjkyJF9rwHZeGxW7Seh5Yz-AYJUn0ta9LoODjc6oUJMgsqNWxwviTn8zYFRo6uuAn5z9Ch7UxRq0EKy5R83N8Dwf9LnF/s1600/168.jpg)
ຂະນະທີ່ທ່ານ ເດີມີຕຣີ ເມດເວດເດບ ນາຍົກລັດຖະມົນຕີລັດເຊຍກ່າວເຖິງການສົ່ງຈະຫຼວດປ່ອຍດາວທຽມໃນຄັ້ງນີ້ວ່າ ຖືເປັນພັດທະນາການດ້ານອຸດສາຫະກຳອະວະກາດຄັ້ງສຳຄັນຂອງລັດເຊຍ ໂດຍຈະຫຼວດ Soyuz 2-1B ຖືເປັນຈະຫຼວດລຳທີ 2 ທີ່ຂຶ້ນສູ່ຟ້າຈາກສູນອະວະກາດ Vostochny ຖືເປັນສູນອະວະກາດແຫ່ງທຳອິດທີ່ຕັ້ງຢູ່ໃນລັດເຊຍຢ່າງເປັນທາງການ ແລະ ເປີດດຳເນີນງານເມື່ອເດືອນເມສາ ປີທີ່ຜ່ານມາ ເນື່ອງຈາກຕະຫຼອດໄລຍະເວລາທີ່ຜ່ານມາ Roscosmos ຕ້ອງເຊົ້າເນື້ອທີ່ໃນເມືອງໄບໂດນູ ເຊິ່ງເປັນທະເລຊາຍຕັ້ງຢູ່ໃນພາກກາງຂອງກາຊັກສະຖານ ປະເທດທີ່ເປັນອະດີດສ່ວນໜຶ່ງຂອງສະຫະພາບໂຊວຽດ ເພື່ອຕັ້ງສູນອະວະກາດ ແລະ ຍັງໃຊ້ງານຈົນເຖິງປັດຈຸບັນນີ້ ໂດຍສ່ວນໃຫຍ່ເປັນການສົ່ງຈະຫຼວດລຳລຽງແຄັບຊູນບັນທຸກລູກເຮືອຂຶ້ນສູ່ສະຖານີອະວະກາດນານາຊາດ (ISS).
![](https://blogger.googleusercontent.com/img/b/R29vZ2xl/AVvXsEgg8rZ-QBh2cEJrbQ2qKBO2IWOwGlmGxTLmIO-9groIaOTZvh6iYNMeW57UZArpbn0SnRiFbHfoj4CBRyCM2xQvK1SY7uU_wUxdWyYDrmY8UFknOeKxsgSdgRp4_DvmXlyoBLEGFn-fT6Jn/s1600/167.jpg)
![](https://blogger.googleusercontent.com/img/b/R29vZ2xl/AVvXsEgueZFmOoFeOASISVZ02LE99UQq7ikMRfizNcs6HE0jQEZY6AH7vt7ZIj3YxzPa-CDi22nb1blPDeBFJ39E2tUx4DV0lIuqWrANFPKi8jBJI2oAGCievH8xB-o2eFVw2nNCiWqDcu-p_x2I/s1600/169.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ