ລັດຮາວາຍ ຟື້ນຟູລະບົບເຕືອນໄພຂີປະນາວຸດ ສະໄໝສົງຄາມເຢັນ ຮັບມືຂີປະນາວຸດເກົາຫຼີເໜືອ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEircySTGh5_HpH8cIKi3XqbF8F5UIyXNZ5Qr58TwnmFybnCAVvez4wmYa4joA3W2rkpgXdv_Cb4kCR5okA-RYfcGjxP2RRoHl8ziMKkUOgvBUVU1N1t-hFIpun7s5ldJ5n9l2TcfyGYfbN4/s1600/907.jpg)
ສຳນັກຂ່າວຕ່າງປະເທດລາຍງານ 28 ພະຈິກ 2017 ວ່າ: ສຳນັກງານບໍລິຫານຈັດການເຫດສຸກເສີນລັດຮາວາຍ ຂອງສະຫະລັດ ອາເມຣິກາ ເຜີຍແຜ່ປະກາດບໍລິການສາທາລະນະ (PSA) ລະບຸວ່າ: ຈະມີການທົດສອບສັນຍານໄຊເຣນໃນວັນທີ 1 ທັນວາ 2017 ນີ້ ແລະ ຈາກນັ້ນຈະທົດສອບໃນວັນລັດຖະການທຳອິດຂອງທຸກໆເດືອນ ຫາກປະຊາຊົນໄດ້ຍິນສຽງສັນຍານໄຊເຣນອກເໜືອຈາກເວລາດັ່ງກ່າວ ຄວນຫາບ່ອນຫຼົບໄພທັນທີ ໂດຍໃຫ້ຄິດວ່າຂີປະນາວຸດຈະໂຈມຕີເປົ້າໝາຍພາຍໃນເວລາ 12-15 ນາທີ.
ເຊິ່ງລະບົບສັນຍານເຕືອນໄພຈະດັງຂຶ້ນປະມານ 60 ວິນາທີ ຕາມຊຸມຊົນກວ່າ 400 ແຫ່ງຫົວເກາະຮາວາຍ ຕັ້ງແຕ່ເວລາ 11:45 ນາທີ ໃນວັນສຸກທີ່ຈະມາເຖິງນີ້.
ໂດຍຈາກຂໍ້ມູນຂອງໜ່ວຍງານຄວາມໝັ້ນຄົງເກາະຮາວາຍ ແນະນຳປະຊາຊົນວ່າ ຄວນກຽມສະຖານທີ່ສຳລັບຫຼົບໄພໃຫ້ຢູ່ໄດ້ດົນ 14 ວັນ ພ້ອມຢືນຢັນວ່າພົນລະເມືອງ 90% ຈະລອດຊີວິດຫາກມີການໂຈມຕີດ້ວຍຂີປະນາວຸດ.
ສຳລັບລະບົບເຕືອນໄພນິວເຄຼຍດັ່ງກ່າວ ທາງການຮາວາຍໄດ້ຍົກເລີກໃຊ້ງານໄປຕັ້ງແຕ່ຊຸມປີ 1980 ໄລຍະໃກ້ສິ້ນສຸດສົງຄາມເຢັນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ