ນາຍພົນ ສ.ອາເມຣິກາ ກ່າວ ພ້ອມຂັດຂວາງຄຳສັ່ງຍິງ "ນິວເຄຼຍ" ຂອງ ປ.ທຣຳ ຫາກບໍ່ຖືກຕ້ອງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhbMRiffrt8fjia9EOB-_fO3SbvdxbnGVgplS5GlT1R0bBnl-Alq722DQeUbFmmVjEJVweykqoKF1nSd0yrbwhj-imKEQE95NMGDxxYUBN__EQTCvS7DBXmkpS01yxpXbnCuTGgIWqy46Rm/s1600/856.jpg)
ສຳນັກຂ່າວຕ່າງປະເທດລາຍງານ 19 ພະຈິກ 2017 ວ່າ: ພົນເອກ ຈອນ ໄຮເທນ ຜູ້ບັນຊາການດ້ານຍຸດທະສາດຂອງກອງທັບສະຫະລັດ ໄດ້ກ່າວວ່າ ພ້ອມທີ່ຈະຕໍ່ຕ້ານຄຳສັ່ງຍິງຂີປະນາວຸດຂອງທ່ານ ໂດໂນ ທຣຳ ປະທານປະເທດສະຫະລັດ ຫາກຄຳສັ່ງດັ່ງກ່າວບໍ່ຖືກຕ້ອງຕາມກົດໝາຍ ແລະ ເຊື້ອໝັ້ນວ່າທາງເລືອກອື່ນທີ່ຖືກຕ້ອງຕາມກົດໝາຍຍັງມີໃຫ້ເລືອກຢູ່.
![](https://blogger.googleusercontent.com/img/b/R29vZ2xl/AVvXsEiaGlnzldwRpQizLitd6xXEB0U_cMP4sObMX3Pt-imy2qcZDZSJ3ypmQI-qrC5e2dAEcuyPp2XhQqO9PlgDIgaff4O4KMHraVvRPgJ-jU7XTRjaMViEceoCIfMF_ktI8msHkhdH5aGAhBc8/s1600/855.jpg)
ລາຍງານຂ່າວລະບຸອີກວ່າ: ການສະແດງຄວາມເຫັນດັ່ງກ່າວເກີດຂຶ້ນພຽງບໍ່ພໍເທົ່າໃດວັນ ຫຼັງຈາກທີ່ສະພາສູງສະຫະລັດໄດ້ປຶກສາຫາລືກ່ຽວກັບອຳນາດຂອງປະທານປະເທດ ໃນການສັ່ງໂຈມຕີດ້ວຍອາວຸດນິວເຄຼຍ ໂດຍສະມາຊິກສະພາສູງບາງສ່ວນໄດ້ສະແດງຄວາມເປັນຫ່ວງວ່າ ທ່ານ ໂດໂນ ທຣຳ ອາດຈະສັ່ງໃຫ້ໂຈມຕີໂດຍປາສະຈາກຄວາມຮັບຜິດຊອບ ໃນຂະນະທີ່ສະມາຊິກສະພາສູງບາງທ່ານເຫັນວ່າ ທ່ານ ໂດໂນ ທຣຳ ຈະຕ້ອງມີອຳນາດໃນການດຳເນີນການໂດຍບໍ່ຈຳເປັນຕ້ອງປຶກສາຫາລືກັບຝ່າຍກົດໝາຍ.
ເມື່ອເດືອນສິງຫາ ທີ່ຜ່ານມາ ທ່ານ ທຣຳ ໄດ້ກ່າວວ່າ ຈະຕອບໂຕ້ດ້ວຍແປວໄຟອັນໂຫດຮ້າຍທີ່ໂລກບໍ່ເຄີຍໄດ້ເຫັນມາກ່ອນກັບເກົາຫຼີເໜືອ ຫາກເກົາຫຼີເໜືອຍັງຄົງເດີນໜ້າໂຄງການອາວຸດນິວເຄຼຍ ແລະ ຂົ່ມຂູ່ສະຫະລັດ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ