(ວິດີໂອ) ເຈົ້າໜ້າທີ່ໄທ ຈັບ 2 ຄົນລາວ ຂົນເງິນ 98 ລ້ານບາດອອກນອກປະເທດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgzLIP55u5HU6ZUiCwikzc34fR76hvpNrkNGg73Ljo19osor5tNXWVCxe0Aqk_rBmBJ_ARRvbYComqM5lPUpDKiiPC-WfWRk0vmgvaCQn13yvNoPPGfTjh_CvHfXrVFRPOtcrEeNmpsBQMc/s1600/1039.jpg)
ສື່ໃນໄທລາຍງານ 12 ທັນວາ 2017 ວ່າ: ເຈົ້າໜ້າທີ່ພາສີປະຈຳແຂວງໜອງຄາຍ ໄດ້ກວດຢຶດເງິນລວມ 98 ລ້ານບາດ ທີ່ຊຸກເຊື່ອງມາໃນລົດ TOYOTA ແລນກຸຍເຊີ ທະບຽນ ກກ 1844 ກຳແພງນະຄອນ ພ້ອມຄວບຄຸມຕົວຕົວທ້າວ ສຸບັນ ເຕຍສີລິ ອາຍຸ 30 ປີ ແລະ ທ້າວ ຄຳບອນ ເຕຍສີລິ ອາຍຸ 24 ປີ ທັງສອງເປັນຄົນສັນຊາດລາວ ຂະນະຍື່ນໜັງສື່ເພື່ອຜ່ານດ່ານຂ້າມມາຍັງປະເທດລາວ ຢູ່ດ່ານຂົວມິດຕະພາລາວ-ໄທ ແຫ່ງທີ 1.
![](https://blogger.googleusercontent.com/img/b/R29vZ2xl/AVvXsEjCg6ti-zct2Lxm7Y-Ptk9oF9TanXfw6eCMHqUgz5lKYmUkb53iLSkZgV1-wqUhJIfTSgczReHOVJWXAoerVCudr7iT9D9QimycBxLBXPaOPPRnGGG8Pn4Qz9VRLb3yxy9KJvm17XTGY_10/s1600/1040.jpg)
ໂດຍຜູ້ຕ້ອງຫາທັງ 2 ຄົນໃຫ້ການກັບເຈົ້າໜ້າທີ່ໄທວ່າ: ເຮັດທຸລະກິດແລກປ່ຽນເງິນຕາຕ່າງປະເທດ ແລະ ກ່າວວ່າໄດ້ນຳເງິນ 2.5 ລ້ານໂດລາສະຫະລັດ ມາແລກປ່ຽນເປັນເງິນບາດຕາມທະນາຄານຕ່າງໆໃນແຂວງໜອງຄາຍ ຂອງໄທ ເພື່ອນຳກັບມາປະເທດລາວ.
![](https://blogger.googleusercontent.com/img/b/R29vZ2xl/AVvXsEgkHUvsQEvVKrBy57Zmv6rspywiWQLj9NemXvqsfJlJqK0qpX7iqTK70z-xVJ1C-U6Wpm7tXHJfcnDlP5UUpZS2Q-EDPHzS8ZZ_Gn5g9Zuu8HWcDcfrHZTGnyNhBcR1nZnDfvNGk11EBzwM/s1600/1041.jpg)
ທາງເຈົ້າໜ້າທີ່ໄທໄດ້ໃຫ້ຮູ້ວ່າ ກໍລະນີທີ່ບຸກຄົນໃດທີ່ສົ່ງ ຫຼື ນຳເງິນຕາຕ່າງປະເທດ ເມື່ອລວມກັນແລ້ວມີມູນຄ່າເກີນກວ່າ 450,000 ບາດ ຫຼື ທຽບເທົ່າ ອອກໄປນອກ ຫຼື ຂ້າມາໃນປະເທດ ຕ້ອງແຈ້ງລາຍການກ່ຽວກັບເງິນຕາຕໍ່ເຈົ້າໜ້າທີ່ພາສີ ເຊິ່ງການກະທຳດັ່ງກ່າວເຂົ້າຂ່າຍລັກລອບນຳເງິນອອກນອກປະເທດ ຈຶ່ງໄດ້ຄວບຄຸມຕົວໄວ້ສືບສວນ ແລະ ຢຶດເງິນທັງໝົດໄວ້ກວດສອບວ່າເຊື່ອມໂຍງກັບທຸລະກິດທີ່ຜິດກົດໝາຍຫຼືບໍ່.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ