2 ຄົນລາວຖືກຈັບຂົນເງິນ 98 ລ້ານບາດອອກໄທ ຍື່ນປະກັນຕົວບໍ່ສູ້ຄະດີ ຍິນດີຍົກເງິນທັງໝົດໃຫ້
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjCg6ti-zct2Lxm7Y-Ptk9oF9TanXfw6eCMHqUgz5lKYmUkb53iLSkZgV1-wqUhJIfTSgczReHOVJWXAoerVCudr7iT9D9QimycBxLBXPaOPPRnGGG8Pn4Qz9VRLb3yxy9KJvm17XTGY_10/s1600/1040.jpg)
ສຳນັກຂ່າວມະຕິຊົນຂອງໄທລາຍງານ 12 ທັນວາ 2017 ວ່າ: ຄືບໜ້າຈາກກໍລະນີທີ່ເຈົ້າໜ້າທີ່ດ່ານພາສີໜອງຄາຍຂອງໄທ ໄດ້ມີການກວດຄົ້ນລົດ TOYOTA ແລນກຸຍເຊີ ທະບຽນ ກກ 1844 ກຳແພງນະຄອນ ພົບເງິນຊຸກເຊື່ອງໄວ້ເຕັມລົດລວມ 98 ລ້ານບາດ, ເຈົ້າໜ້າທີ່ຈຶ່ງໄດ້ມີການຈັບກຸມທ້າວ ສຸບັນ ເຕຍສີລິ ອາຍຸ 30 ແລະ ທ້າວ ຄຳບອນ ເຕຍສີລິ ອາຍຸ 24 ປີ ສອງອ້າຍນ້ອງຄົນລາວ ເຊິ່ງອ້າງວ່າເຮັດທຸລະກິດແລກປ່ຽນເງິນຕາຕ່າງປະເທດຢູ່ນະຄອນຫຼວງວຽງຈັນ ພາຍຫຼັງໄດ້ນຳເງິນ 2.5 ລ້ານໂດລາສະຫະລັດມາແລກເອົາເງິນບາດໄທຕາມທະນາຄານຕ່າງໆໃນແຂວງໜອງຄາຍ ແລະ ຈະເດີນທາງກັບປະເທດລາວ.
![](https://blogger.googleusercontent.com/img/b/R29vZ2xl/AVvXsEgzLIP55u5HU6ZUiCwikzc34fR76hvpNrkNGg73Ljo19osor5tNXWVCxe0Aqk_rBmBJ_ARRvbYComqM5lPUpDKiiPC-WfWRk0vmgvaCQn13yvNoPPGfTjh_CvHfXrVFRPOtcrEeNmpsBQMc/s1600/1039.jpg)
ໃນເວລາ 18:00 ຂອງວັນທີ 12 ທັນວາ 2017 ນີ້ ເຈົ້າໜ້າທີ່ດ່ານພາສີໜອງຄາຍເປີດເຜີຍຄວາມຄືບໜ້າວ່າ ພາຍຫຼັງສືນສວນເບື້ອງຕົ້ນແລ້ວ ເຈົ້າໜ້າທີ່ຍັງບໍ່ເຊື່ອທີ່ມາຂອງເງິນຕາມຄຳກ່າວອ້າງຂອງທັງສອງຄົນ ເຊິ່ງຂະນະນີ້ເຈົ້າໜ້າໄທກຳລັງສືບສວນເພີ່ມເຕີມ, ໃນຂະນະທີ່ທັງສອງຄົນໄດ້ມີທະນາຍຄວາມມາຍື່ນຂໍປະກັນຕົວແລ້ວ ໂດຍບໍ່ຂໍສູ້ຄະດີ ຍິນດີຍົກເງິນທັງໝົດ 98 ລ້ານບາດໃຫ້ຕົກເປັນຊັບສິນຂອງລັດ (ໄທ) ເຊິ່ງທາງເຈົ້າໜ້າທີ່ໄທກ່າວວ່າສາມາດປະກັນຕົວໄດ້ ແຕ່ຕ້ອງຢຶດໜັງສືເດີນທາງຂອງທັງ 2 ຄົນໄວ້ ບໍ່ອະນຸຍາດໃຫ້ເດີນທາງອອກນອກປະເທດໄທ ຈົນກວ່າເຈົ້າໜ້າທີ່ຈະສືບສວນເປັນທີ່ຮຽບຮ້ອຍກ່ອນ ເຊິ່ງຂະນະນີ້ຍັງຢູ່ໃນລະຫວ່າງການສືບສ່ວນຢູ່.
![](https://blogger.googleusercontent.com/img/b/R29vZ2xl/AVvXsEgkHUvsQEvVKrBy57Zmv6rspywiWQLj9NemXvqsfJlJqK0qpX7iqTK70z-xVJ1C-U6Wpm7tXHJfcnDlP5UUpZS2Q-EDPHzS8ZZ_Gn5g9Zuu8HWcDcfrHZTGnyNhBcR1nZnDfvNGk11EBzwM/s1600/1041.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ