ເກີດແຜ່ນດິນໄຫວ 6 ຣິກເຕີ ທີ່ເກາະຊວາ ປະເທດອິນໂດເນເຊຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສຳນັກຂ່າວຕ່າງປະເທດລາຍງານ 23 ມັງກອນ 2018 ວ່າ: ສຳນັກງານສຳຫຼວດທໍລະນີວິທະຍາສະຫະລັດ ອາເມຣິກາ (USGS) ລາຍງານການເກີດແຜ່ນດິນໄຫວຮຸນແຮງ 6 ຣິກເຕີ ເມື່ອເວລາ 13:34 ນາທີ ຕາມເວລາທ້ອງຖິ່ນຂອງນະຄອນຫຼວງຈາກາຕາ (ທີ່ກົງກັບເວລາໃນປະເທດລາວ) ໂດຍຈຸດສູນກາງຂອງແຮງສັ່ນສະເທືອນຢູ່ເລິກລົງໄປໃຕ້ທະເລປະມານ 43 ກິໂລແມັດ ຫ່າງຈາກນະຄອນຫຼວງຈາກາຕາ ທີ່ຕັ້ງຢູ່ເທິງເກາະຊວາ ໄປທາງຕິດຕາເວັນຕົກສຽງໃຕ້ປະມານ 130 ກິໂລແມັດ.
Prelim M6.0 earthquake Java, Indonesia Jan-23 06:34 UTC, updates https://t.co/4f6XPUvBLs— USGS Big Quakes (@USGSBigQuakes) January 23, 2018
ພາຍຫຼັງເກີດເຫດຍັງບໍ່ມີລາຍງານຄວາມເສຍຫາຍຕໍ່ທັງຊີວິດ ແລະ ຊັບສິນຂອງປະຊາຊົນ ລວມທັງບໍ່ມີການປະກາດໃຫ້ລະວັງໄພຄື້ນຍັກສຶນາມິ ແຕ່ແຜ່ນດິນໄຫວທີ່ເກີດຂຶ້ນໄດ້ສ້າງຄວາມແຕກຕື່ນໃຫ້ກັບປະຊາຊົນໃນນະຄອນຫຼວງຂອງອິນໂດເນເຊຍ ໂດຍສະເພາະຜູ້ທີ່ຢູ່ເທິງຕຶກສູງ ເຊິ່ງໄດ້ພາກັນອົບພະຍົບອອກຈາກຕຶກມາລວມຕົວກັນຢູ່ນອກອາຄານຫຼາຍຊົ່ວໂມງ ເພື່ອຄວາມປອດໄພ.
![](https://blogger.googleusercontent.com/img/b/R29vZ2xl/AVvXsEjar8WvU0QBGq_qblxhz4zBB-KOjb1LEVSn6J7Wl4b9Gms9IQ5SrKB1oOBm9GUQowzDa9ZBHdop0qsv0SDb813E-RibbLwejrdRNus7E45eDrVIqv-xykuEoP38ibKKgBpq8kytRQLr6ite/s1600/358.jpg)
ອິນໂດເນເຊຍເປັນໜຶ່ງໃນປະເທດທີ່ຕັ້ງຢູ່ເທິງຮອຍຕໍ່ຂອງແຜ່ນເປືອກໂລກ "ວົງແຫວນແຫ່ງໄຟ" ຈຶ່ງເປັນໜຶ່ງໃນບໍລິເວນທີ່ເກີດແຜ່ນດິນໄຫວ ແລະ ພູໄຟລະເບີດເປັນປະຈຳ ໂດຍແຜ່ນດິນໄຫວຄັ້ງຮຸນແຮງທີ່ສົ່ງຜົນໃຫ້ມີຜູ້ເສຍຊີວິດຫຼາຍທີ່ສຸດຄັ້ງຫຼ້າສຸດຂອງອິນໂດເນເຊຍ ເກີດຂຶ້ນທີ່ແຂວງອາເຈະ ເມື່ອເດືອນທັນວາ 2016 ຄວາມຮຸນແຮງ 6.5 ສົ່ງຜົນໃຫ້ມີຜູ້ເສຍຊີວິດຫຼາຍກວ່າ 100 ຄົນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ