ດ່ວນ...! ພູໄຟຄຸສັດສຶ ຊິຣາເນະ ຂອງຍີ່ປຸ່ນລະເບີດກະທັນຫັນ ມີຜູ້ບາດເຈັບຈຳນວນຫຼາຍ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEh7QilqXpi-9wv2W0IpQHZItaH1sspS8ZsBmUK_IXKK7SbmKXcyP4sqy6CCHpJt4fhS4HyEYDdE5XPSn2BI5xNZ1vHS5oHGTip1G1JrkBGet8TI_37F5TRqv60oFZtiZhIJJDSh5qyT8c4D/s1600/356.jpg)
ສຳນັກຂ່າວຕ່າງປະເທດລາຍງານ 23 ມັງກອນ 2018 ວ່າ: ສຳນັກງານອຸຕຸນິຍົມວິທະຍາຍີ່ປຸ່ນລາຍງານວ່າ ພູໄຟຄຸສັດສຶ ຊິຣາເນະ ໃນແຂວງກຸມມະ ຂອງປະເທດຍີ່ປຸ່ນ ເກີດການລະເບີດກະທັນຫັນ ເມື່ອຕອນເຊົ້າວັນອັງຄານນີ້ ແລະ ໄດ້ຍົກລະດັບເຕືອນໄພເປັນລະດັບ 3 ຈາກທັງໝົດ 5 ລະດັບ ເຊິ່ງໝາຍຄວາມວ່າຫ້າມເຂົ້າໃກ້ພື້ນທີ່ພູໄຟ.
ພາຍຫຼັງການລະເບີດ ເຈົ້າໜ້າທີ່ກ່າວວ່າ ລະບົບກວດຈັບທີ່ຕິດຕັ້ງຢູ່ໃກ້ກັບຍອດພູກວດພົບການເຄື່ອນໄຫວຂອງແຜ່ນດິນ ແລະ ການສັ່ນສະເທືອນຮຸນແຮງ ແລະ ຍັງພົບເຖົ່າຖ່ານຂອງພູໄຟດັ່ງກ່າວຟົ້ງໄປໄດ້ໄກກວ່າ 1 ກິໂລແມັດ ເຊິ່ງເຮັດໃຫ້ຜູ້ບາດເຈັບ 4-5 ຄົນ.
![](https://blogger.googleusercontent.com/img/b/R29vZ2xl/AVvXsEjJA8MxYa1AdpD8wTL6jQrydEyoxWRd-jc-SLZJnprgvuUw5TUufFD-pZAVXWa8ulBPgeVIlAb9qejFD36_52tOmps9A8LUtkuIMUokGTspjUNx9v-hAF-9_bsNWpIeBAU8Uj3jJ4nvJ4UH/s640/348.jpg)
ນອກຈາກນີ້ກະຊວງປ້ອງກັນປະເທດຍີ່ປຸ່ນກ່າວວ່າ ມີສະມາຊິກກອງກຳລັງປ້ອງກັນຕົນເອງພາກພື້ນດິນທີ່ກຳລັງເຝິກຊ້ອມຢູ່ໃນເຂດດັ່ງກ່າວໄດ້ຮັບບາດເຈັບ 6 ຄົນ ຈາກຫິມະເຈື່ອນ ເນື່ອງຈາກແຮງສັ່ນສະເທືອນຂະນະທີ່ເກີດການລະເບີດຂອງພູໄຟ, ຂະນະທີ່ສຳນັກຂ່າວຍີ່ປຸ່ນລາຍງານວ່າ ມີປະຊາຊົນ 10 ຄົນທີ່ຢູ່ຣີສອດໃກ້ກັບພູໄຟດັ່ງກ່າວໄດ້ຮັບບາດເຈັບຈາກສະເກັດຫິນພູໄຟ ໂດຍ 5 ໃນ 10 ຄົນມີອາການສາຫັດ ແລະ ອາດມີຜູ້ສູນຫາຍ.
![](https://blogger.googleusercontent.com/img/b/R29vZ2xl/AVvXsEgDMedYjVzsyg01MJxxDal1fVi173_DoEsCcBFoJEfcHTHoEL_-WT6jEvy1FBbQTftq3gKLKtXRa5h-K47FeUJ8UeXz7DT-2AlqZarY0z4QXhnh4zFBOxyC79teIJzmTZpoNlCwXOW4n0j-/s640/349.jpg)
ຍີ່ປຸ່ນຖືເປັນປະເທດໜຶ່ງທີ່ມີແຜ່ນດິນໄຟ ແລະ ພູໄຟລະເບີດຮຸນແຮງຫຼາຍທີ່ສຸດແຫ່ງໜຶ່ງຂອງໂລກ ໂດຍເມື່ອເດືອນກັນຍາ ປີ 2014 ມີຜູ້ເສຍຊີວິດ 63 ຄົນ ຈາກເຫດພູໄຟອອນຕາເກະລະເບີດ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ