ການສູ້ຮົບໃນຊີຣີພຽງວັນດຽວເສຍຊີວິດກວ່າ 100 ຄົນ, UN ຮຽກຮ້ອງໃຫ້ທຸກຝ່າຍທີ່ກ່ຽວຂ້ອງຢຸດຕິສູ້ຮົບ ເພື່ອມະນຸດສະທຳ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhoVWnSG8RGEWAGpSEHvr3HbIa_iQLZtUMvUz3ssZcO2HCVot1_CAjOJAPalMiLDH7a1StMfEHawc9pj1P1MGw1faLU4Aj80BDLtqqQJvRReBTJ0PJDt_9vqRboARhBLHIb7ECkEF3foVVM/s1600/74.jpg)
ສຳນັກຂ່າວຕ່າງປະເທດລາຍງານ 20 ກຸມພາ 2018 ວ່າ: ສຳນັກງານປະສານງານດ້ານມະນຸດສະທຳແຫ່ງສະຫະປະຊາຊາດ ປະຈຳຊີຣີ ອອກຖະແຫຼງການເມື່ອວັນຈັນທີ່ຜ່ານມາ ມີເນື້ອໃນສຳຄັນຮຽກຮ້ອງໃຫ້ຄູ່ກໍລະນີທຸກຝ່າຍໃນສົງຄາມຊີຣີ ຢຸດຕິການສູ້ຮົບໃນເຂດກູຕາ ຕາເວັນອອກ ທີ່ຕັ້ງຢູ່ເຂດຮອບນອກຂອງນະຄອນຫຼວງດາມັດສະກັດ ແລະ ເປັນເຂດທີ່ໝັ້ນສຸດທ້າຍໃນເຂດຮອບນອກນະຄອນຫຼວງ ທີ່ກອງກຳລັງຝ່າຍກະບົດຢຶດຄອງຢູ່ ພາຍຫຼັງປະຕິບັດການໂຈມຕີທາງອາກາດ, ການຍິງປືນໃຫຍ່ ແລະ ການຍິງຈະຫຼວດຕໍ່ສູ້ກັນນັບຕັ້ງແຕ່ວັນຈັນທີ່ຜ່ານມາ ເປັນເຫດໃຫ້ມີຜູ້ເສຍຊີວິດແລ້ວຫຼາຍກວ່າ 100 ຄົນ ແລະ ໄດ້ຮັບບາດເຈັບຫຼາຍກວ່າ 300 ຄົນ.
![](https://blogger.googleusercontent.com/img/b/R29vZ2xl/AVvXsEj3PdrF5X_l0vQZtvOJ8V_zkU3cdqAUIEO5kjBwN2rWflCxyGw8Q2JooedriU1TA_3V-eQigUkQWGJ1RkdLgef-s1kfSu81ibgvRCJLiC3YGOHlDq8_xWk0P_6Fl_djTXpNl27AcgMPE3BB/s1600/71.jpg)
ຂະນະທີ່ລາຍງານຂອງອົງການສັງເກດການດ້ານສິດທິມະນຸດຊີຣີລະບຸວ່າ ຈຳນວນຜູ້ເສຍຊີວິດ ແລະ ຜູ້ໄດ້ຮັບບາດເຈັບຈາກການສູ້ຮົບກັນຢ່າງດຸເດືອດໃນເຂດກູຕາ ຕາເວັນອອກ ພາຍໃນໄລຍະພຽງ 24 ຊົ່ວໂມງທີ່ຜ່ານມາ ຖືເປັນສະຖິຕິສູງສຸດທີ່ເກີດຂຶ້ນພາຍໃນວັນດຽວ ນັບຕັ້ງແຕ່ກອງກຳລັງຝ່າຍຕໍ່ຕ້ານລັດຖະບານເຂົ້າຢຶດຄອງເຂດດັ່ງກ່າວເມື່ອປີ 2015 ແລະ ຖືກທະຫານລັດຖະບານຊີຣີປິດລ້ອມນັບຕັ້ງແຕ່ນັ້ນມາ, ນອກຈາກນີ້ອົງການສັງເກດການດ້ານສິດທິມະນຸດຊີຣີ ໄດ້ຕັ້ງສົມມຸດຕິຖານວ່າ: ການທີ່ກອງທັບຊີຣີເພີ່ມຄວາມຮຸນແຮງຂອງປະຕິບັດການໂຈມຕີທາງອາກາດໃນເຂດກູຕາ ຕາເວັນອອກ ຄືເພື່ອເປີດທາງໃຫ້ມີການໂຈມຕີດ້ວຍກອງກຳລັງພາກພື້ນດິນເປັນຂັ້ນຕໍ່ໄປ.
ເຊິ່ງກອງທັບຊີຣີເຄີຍປະຕິບັດການໂຈມຕີທາງທະຫານຕໍ່ເນື່ອງ 5 ວັນໃນເຂດກູຕາຕາເວັນອອກມາແລ້ວ ເມື່ອຕົ້ນເດືອນນີ້ ສົ່ງຜົນໃຫ້ມີຜູ້ເສຍຊີວິດລວມຫຼາຍກວ່າ 250 ຄົນ ແລະ ໄດ້ຮັບບາດເຈັບອີກຫຼາຍກວ່າຮ້ອຍຄົນ.
![](https://blogger.googleusercontent.com/img/b/R29vZ2xl/AVvXsEg2J42bOUk6O7GlN-bxVtc7MdKrWwxSVHVRbefAqTZkULp6TADpVZn_ZBnIjylcfM9krMTlblpGjM1atqDVysCtxHg_E5T_mzi0cadYE0TeTuEbakiFhApnESSIzLuo7iSV2U8DFm6eFVes/s1600/76.jpg)
![](https://blogger.googleusercontent.com/img/b/R29vZ2xl/AVvXsEgTcMvdtdT7mP3pmxUsS1yckVtJHh7-r1l72nEskvGjeaRy1G3nn5J7qhSSPusSv-FBt6NUQzCUpr_OplKcD7k0WFLrXVr7pOFlEXqQz3E3A25mSo9cQdxR1AUgSR5poTXGugW03PCdBNX5/s1600/75.jpg)
![](https://blogger.googleusercontent.com/img/b/R29vZ2xl/AVvXsEjht0VWmCnm13e0GbVExNSgayEWU2WePNfpG6RFdZH6U8pwtlf65oA7HwCP6cbfVhuUho8z0zz3JJi_EbbtvtctM6pZZKXx1exF17wPcxcNrjykbGyH4oZ62pLIkbhWxfwC-kZV2fNmEfj8/s1600/72.jpg)
![](https://blogger.googleusercontent.com/img/b/R29vZ2xl/AVvXsEib3hnnW1WOB0SmKsyoskQKYqb6IZMLB5gxa8zP3Bd_7XgTB_96HGOsmQUZxRN2BN6T7ou4c06pxy076nAWi36TIm_bTLHo9YPSysiQP_Brr44q8MMlqYCSK4Cku3s477HOsMuQaRmHNVei/s1600/77.jpg)
![](https://blogger.googleusercontent.com/img/b/R29vZ2xl/AVvXsEgh41sY0IltmOSx4yFfTfelnBxJCV6bJ1agtKDUuQTwVyOG4Fbj1HHP2ADZ3OSqMjR42B59rlhT3ohyW3mFi-OnT2pgtf4VPKTQielWmUyYYF4flKlGzaGz0OLtrj1TKELzhhmIQkFFaTY2/s1600/73.jpg)
![](https://blogger.googleusercontent.com/img/b/R29vZ2xl/AVvXsEj2RVFvOxi59Mq-Ov6fb9jCM49MpUJwq_x_l12zkPai_Ubsd_DR8XRs3iMnHQSYPaQwJ8Nt-cW7AVN5BHiWWkxqzt7CWL78ZW5fC3fcz3nSE56TgczLqiku-TrMaLh4H6uZcBqalWAhmcwJ/s1600/78.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ