ເຈົ້າໜ້າທີ່ທຳລາຍສ່ວນຝິ່ນ ຂອງປະຊາຊົນທີ່ລັກລອບປູກຢູ່ເມືອງນາແລ ແຂວງຫຼວງນ້ຳທາ 1.5 ເຮັກຕາ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhhMbLbWe4WmuPR_Aqzu4xvZT_OWf8XPOyRHECxOlNUVz-8StambKdo_Nif_bZGMYKf6wdHjsca3YcipbwfzxkLE4fG4_CF95d1jTJ4NRo7zc3cDjlcnUezIVbBHK3W611ZpIfqcLCE_Uu8/s1600/219.jpg)
ໜັງສືພິມຄວາມສະຫງົບລາຍງານ 27 ກຸມພາ 2018 ວ່າ: ໃນອາທິດທີ່ຜ່ານມາ, ກອງບັນຊາການ ປກສ.ເມືອງນາແລ ແຂວງຫຼວງນ້ຳທາ ໄດ້ລົງສົມທົບກັບພາກສ່ວນທີ່ກ່ຽວຂ້ອງ ແລະ ອຳນາດການປົກຄອງບ້ານ ທຳລາຍສວນຝິ່ນຂອງປະຊາຊົນທີ່ລັກລອບປູກ ຢູ່ຂອບເຂດກຸ່ມບ້ານຕະເຄີງ ເມືອງນາແລ ຈຳນວນ 1.5 ເຮັກຕາ, ນຳໂດຍ ທ່ານ ພັນໂທ ຕີບ ແກ້ວໄຊປະເສດ ຮັກສາການຫົວໜ້າກອງບັນຊາການ ປກສ.ເມືອງນາແລ.
![](https://blogger.googleusercontent.com/img/b/R29vZ2xl/AVvXsEi0X4xF0tVaLZEtBv7-VXEUDDZrKYUZLqggBDMmOUtNW-b5mdJqA35qWrjocFgYaZBNdWOFCZLegse_Z8wHRz0Wrj0hcFnj1RynBC0lWhvHxfP_i0WdLCPEOpxVvviKkHOkv4w93uBzjw80/s1600/218.jpg)
ທ່ານ ພັນຕຳຫຼວດຕີ ດາວທອງ ມະນີເພັດ ຮອງຫົວໜ້າພະແນກກວດກາ ແລະ ຄວບຄຸມຢາເສບຕິດ ປສກ.ແຂວງຫຼວງນ້ຳທາ ໄດ້ກ່າວວ່າ: ພາຍຫຼັງໄດ້ຕິດຕາມກວດກາ ແລະ ສືບຮູ້ວ່າຢູ່ເຂດກຸ່ມບ້ານຕະເຄີງ ມີປະຊາຊົນລັກລອບປູກຝິ່ນ ຈາກນັ້ນ, ໃນວັນທີ 16 ກຸມພາ 2018 ຈຶ່ງໄດ້ປະສານສົມທົບກັບອຳນາດການປົກຄອງບ້ານໄປທຳລາຍສວນຝິ່ນດັ່ງກ່າວ ເຊິ່ງມີ 1 ຈຸດຢູ່ເຂດບ້ານຕະກຸ ລວມເນື້ອທີ່ 1.5 ເຮັກຕາ ກ່ອນຕົ້ນຝິ່ນຈະອອກໝາກ.
ພາຍຫຼັງທຳລາຍແລ້ວ ກໍ່ໄດ້ຮ້ອງເຈົ້າຂອງສວນມາເຊັນບົດບັນທຶກ ພ້ອມທັງສຶກສາອົບຮົມກ່າວເຕືອນ ແລ້ວມອບໃຫ້ອຳນາດການປົກຄອງບ້ານ ນຳໄປສຶກສາອົບຮົມຂັ້ນຕໍ່ໄປ ເພື່ອບໍ່ໃຫ້ເຂົາເຈົ້າກັບຄືນໄປປູກຝິ່ນອີກ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ