ສະຫະພາບເອີຣົບ ອອກຖະແຫຼງການ ກຳລັງພິຈາລະນາມາດຕະການລົງໂທດກຳປູເຈຍ ຕໍ່ກັບບັນຫາການເມືອງພາຍໃນ
ສຳນັກຂ່າວຕ່າງປະເທດລາຍງານ 27 ກຸມພາ 2018 ວ່າ: ສະຫະພາບເອີຣົບ ໄດ້ອອກຖະແຫຼງການຮ່ວມຂອງລັດຖະມົນຕີກະຊວງການຕ່າງປະເທ 28 ປະເທດສະມາຊິກກຸ່ມ EU ເມື່ອວັນຈັນທີ່ຜ່ານມາ ໂດຍມີເນື້ອໃນວ່າ: ສະຫະພາບເອີຣົບ ກຳລັງພິຈາລະນາມາດຕະການເປົ້າໝາຍສະເພາະຕໍ່ກຳປູເຈຍ ເຊິ່ງນັກການທູດລະບຸວ່າເປັນການສົ່ງຄຳເຕືອນໄປຍັງສົມເດັດ ຮຸນ ເຊນ ນາຍົກລັດຖະມົນຕີກຳປູເຈຍ ວ່າລັດຖະບານກຳປູເຈຍອາດຖືກຂວໍ້າບາດຈາກສະຫະພາບເອີຣົບ.
.@FedericaMog discusses @EUCouncil conclusions regarding the political and human rights situation in #Cambodia following EU Foreign Ministers' meeting in Brussels today #EU4HumanRights Read more here: https://t.co/HgFP1pjYDX pic.twitter.com/n8JjW7YQnr— Maja Kocijančič (@MajaEUspox) February 26, 2018
ຖະແຫຼງການດັ່ງກ່າວຍັງຮຽກຮ້ອງໃຫ້ລັດຖະບານກຳປູເຈຍ ຟື້ນຟູປະຊາທິປະໄຕ ແລະ ຈາກພັດທະນາການຫຼ້າສຸດ ສະຫະພາບເອີຣົບ ອາດພິຈາລະນາກຳນົດມາດຕະການເປົ້າໝາຍສະເພາະ ຫາກສະຖານະການຍັງບໍ່ດີຂຶ້ນ, ນອກຈາກນັ້ນຍັງຈະເພີ່ມການຕິດຕາມດ້ານສິດທິພິເສດທາງການຄ້າກັບກຳປູເຈຍ ທີ່ສາມາດເວົ້າໄດ້ວ່າ ທຸກຢ່າງທີ່ບໍ່ແມ່ນອາວຸດ ກຳປູເຈຍສາມາດສົ່ງອອກ ລວມທັງເຄື່ອງນຸ່ງຫົ່ມ ໄປຍັງສະຫະພາບເອີຣົບ ໂດຍບໍ່ເສຍພາສີ ເຊິ່ງສະຫະພາບເອີຣົບເປັນຕະຫຼາດທີ່ມີປະຊາຊົນປະມານ 500 ລ້ານຄົນ.
ພັກກູ້ຊາດກຳປູເຈຍ ເປັນພັກຝ່າຍຄ້ານຫຼັກ ຖືກສານກຳປູເຈຍສັ່ງຍຸບໄປເມື່ອເດືອນພະຈິກ 2017 ທີ່ຜ່ານມາ ຕາມຄຳຮ້ອງຂໍຂອງລັດຖະບານ, ນອກຈາກນີ້ແກນນຳຂອງພັກກູ້ຊາດກຳປູເຈຍ ຍັງກວ່າວ່າ ສະມາຊິກສະພາທ້ອງຖິ່ນທີ່ສັງກັດພັກຕົນຈຳນວນ 5,063 ຄົນ ຖືກເຈົ້າໜ້າທີ່ລັດຕັດສິດໃນການລົງເລືອກຕັ້ງ.
ສະແດງຄວາມຄິດເຫັນ