ແຜ່ນດິນໄຫວ 6.4 ທີ່ໄຕຫວັນ ຕາຍແລ້ວ 2 ບາດເຈັບກວ່າ 200 ຄົນ (ວິດີໂອ)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgmS_IAfwHKvwCQap4N9q_eUD8IpQTq4F-F-RM0mxksDHGtIkKy1He8nvDDLvojq7HjAeDCU7ua-irS3MFQTNFpT485NQhR8b4lJBHSAViLWEgQtoxnbpUZTnyA54bcr3prgAe2uIpNJNDg/s1600/377.jpg)
ສຳນັກຂ່າວຕ່າງປະເທດລາຍງານ 7 ກຸມພາ 2018 ວ່າ: ເກີດເຫດແຜ່ນດິນໄຫວຂະໜາດ 6.4 ຣິກເຕີ ທີ່ເຂດປົກຄອງຕົນເອງໄຕຫວັນ ຂອງ ສປ.ຈີນ ເມື່ອເວລາ 23:50 ຂອງວັນທີ 6 ກຸມພາ 2018 ຕາມເວລາທ້ອງຖິ່ນ ຈຸດສູນກາງຢູ່ເລິກໃຕ້ທະເລ 9.5 ກິໂລແມັດ ຫ່າງຈາກເມືອງຫົວຫຼຽນ ຊາຍຝັ່ງເບື້ອງຕາເວັນອອກສຽງເໜືອຂອງໄຕຫວັນປະມານ 21 ກມ.
ສຳນັກຂ່າວແຫ່ງຊາດ (CNA) ຂອງລັດຖະບານທ້ອງຖິ່ນໄຕຫວັນລາຍງານວ່າ ມີຜູ້ເສຍຊີວິດແລ້ວ 2 ຄົນ ແລະ ມີຜູ້ໄດ້ຮັບບາດເຈັບອີກ 214 ຄົນ, ຂະນະທີ່ເຈົ້າໜ້າທີ່ກູ້ໄພສາມາດໃຫ້ການຊ່ວຍເຫຼືອຜູ້ທີ່ຕິດຢູ່ໃນອາຄານຫຼາຍແຫ່ງທີ່ພັງລົງມາໄດ້ຢ່າງຕໍ່ເນື່ອງ ແລະ ລາຍຊື່ຜູ້ສູນຫາຍໃນຕອນນີ້ເຫຼືອຢູ່ 16 ຄົນ ໂດຍໃນຈຳນວນນີ້ 2 ຄົນຕິດຢູ່ພາຍໃນໂຮງແຮມມາແຊວ ເຊິ່ງເປັນຕຶກສູງ 10 ຊັ້ນ.
ຂະນະທີ່ທຳນຽບປະທານປະເທດທີ່ນະຄອນຫຼວງໄທເປ ເຜີຍແຜ່ຖະແຫຼງການຂອງທ່ານ ນາງ ໄຊ່ ອິງ ເຫວິນ ຜູ້ນຳຂອງໄຕ້ຫວັນ ໄດ້ມີຄຳສັ່ງດ່ວນໄປຍັງໜ່ວຍງານທີ່ກ່ຽວຂ້ອງທຸກແຫ່ງໃຫ້ໃຊ້ແຜ່ນການສຸກເສີນ ເພື່ອຊ່ວຍເຫຼືອປະຊາຊົນໃຫ້ໄວທີ່ສຸດ ໃນດ້ານຂອງນາຍົກລັດຖະມົນຕີທ່ານ ວິນລຽມ ໄຫຼ ກ່າວໃນເວລາຕໍ່ມາວ່າ ກຳລັງເລັ່ງຊ້ອມແປງທາງຫຼວງສາຍຫຼັກເຂົ້າສູ່ເຂດປະສົບໄພ ເພື່ອໃຫ້ສາມາດລຳລຽງການຊ່ວຍເຫຼືອເຂົ້າສູ່ເຂດດັ່ງກ່າວໄດ້ສະດວກ.
![](https://blogger.googleusercontent.com/img/b/R29vZ2xl/AVvXsEhTUhyVKTC59QNOb4jc1_mvM7qm8PgI6IiOxBHsrD_rkQztVzRg4jxqeIO7-MPDnrK5jrEZ6Hr5hEbWCIFD_4ddgcnEX2B8QiwhuFrMDFYfZJ4VNceEBb4tPGfwqpmH-rvIgOMhaXgpr1qp/s1600/376.jpg)
ສຳນັກງານສຳຫຼວດທໍລະນີວິທະຍາສະຫະລັດ ອາເມຣິກາ (USGS) ໄດ້ແຈ້ງວ່າ ປະມານ 3 ວັນ ກ່ອນໜ້າຈະເກີດແຜ່ນດິນໄຫວຄັ້ງນີ້ USGS ກວດຈັບແຮງສັ່ນໄຫວຂະໜາດນ້ອຍເກືອບ 100 ຄັ້ງ ໃນບໍລິເວນດັ່ງກ່າວ, ແຮງສັ່ນໄຫວ 6.4 ຣິກເຕີໃນຄັ້ງນີ້ ເກີດຂຶ້ນກົງກັບວັນຄົບຮອບ 2 ປີພໍດີ ນັບຕັ້ງແຕ່ເກີດແຜ່ນດິນໄຫວຂະໜາດດຽວກັນ ທີ່ເມືອງໄຖ້ໜານ ທາງພາກໃຕ້ຂອງໄຕຫວັນ ເມື່ອວັນທີ 6 ກຸມພາ 2016 ເຮັດໃຫ້ມີຜູ້ເສຍຊີວິດ 117 ຄົນ ແລະ ບາດເຈັບ 550 ຄົນ.
![](https://blogger.googleusercontent.com/img/b/R29vZ2xl/AVvXsEi52rgBiva7ur0D7TPDyaLtrrMJVkWUIhpF5w1NhmNvtA0v5KzWW41K4m8CgzR-Y986VQC2Bq6fCuwo1ojG5ZWdt_PzMlIzJ9gVCysr153aIfXgpRacamyHYUp7PMCjdXklg7DR6BYOMfQr/s1600/367.jpg)
![](https://blogger.googleusercontent.com/img/b/R29vZ2xl/AVvXsEg6b-qAiJTROSDcNORCtrFwtscf9IIizjh-bzVx0k4naoUr-MKMpDalEZd-dKDJxQ20K5XchdKrOom9rj-M5i86HiDjK22DNLRdyimdhbxeq5a9taO0QW9VF6qwdJJ4l99qpfS3LxC74mS8/s1600/368.jpg)
![](https://blogger.googleusercontent.com/img/b/R29vZ2xl/AVvXsEgJRHSDD4_bpvxyD2ZBOKB7MgfjpLqnUy_dY-34Utve1izbSmNV0vVU6_vFYwwIw3s7Jyd3ZfRH2Y5E9aCMHPNH1vmpfKaOWR0GxUZb8pT6GJs6qyY1YeK1lRk-dDn1cEc1mPdmv2iyaJtv/s1600/369.jpg)
![](https://blogger.googleusercontent.com/img/b/R29vZ2xl/AVvXsEgYK63kWeRXlw83MvxKxVSwE4opj0Sk9YKCVtqRI_fiyes3slssCfPlBBSBfPOzixg-xrvZoHcqcQ6ZQ5X4GliKf3EOUfGlmFWExDCf50gNPZppThfbQO0YKNqT7mC5TSUmJVG2991kW6Qu/s1600/370.jpg)
![](https://blogger.googleusercontent.com/img/b/R29vZ2xl/AVvXsEg1VT1KkavTSc3_OXrpTLhpvIv2iVrQ4WYIlzqpWT0TqCOVRlEplNmNgIUL1jyPM1admZM0pDh-FI4iO-Oit4JLkuxWVgSqLZ-TfYSSj6IG7uFFdZJFtnO9-dwCVK6mhNHRqIb_BujpxLc7/s1600/371.jpg)
![](https://blogger.googleusercontent.com/img/b/R29vZ2xl/AVvXsEhRHijY8QoSTM0GOETep-bqYtSQA064q_NHKnvYshPCW57EoeousBWaS-Oima9D6N_mKNtJcFj7HbHWfMpES6kn20Fhwd8hkn4TOKz5-PQbjjNcOqQ_ObL9iI2-ahb4fJALZIQvmGXup4rZ/s1600/372.jpg)
![](https://blogger.googleusercontent.com/img/b/R29vZ2xl/AVvXsEgz3ENo9KcAIg5HQC-t4Gfr6hluX0xpQ5YAhXoXQKemuGWH1whVp9EJIeb6mp68TSe1KutQ95_mU07k2aP720Jw7f230kmlSZqKV03agCGeL7sUSjNVweJ5aAtQrDlQFbKgYBG2_FJgrZzB/s1600/373.jpg)
![](https://blogger.googleusercontent.com/img/b/R29vZ2xl/AVvXsEiubfhchDPI8roaies2RL1dzxckqU_ftOsGgGHS6vuKJaHqPBhKGahYPYfb8JkC6bUNhuZ6ElLTt8Ob9aESTrsTo0t_iNhNwt3pkwGZmXFH6bcOClMcjuCgxuYxaNQNgoM34QHiAMTLecGA/s1600/374.jpg)
![](https://blogger.googleusercontent.com/img/b/R29vZ2xl/AVvXsEheVWct3VU-DHpI5foijd75hKLYQWpu-bWe2u_cf8WN_qINkGRPF3bLpL6nwYDr3IiocPPdSxWbvCVQytjB1bk8mp-n_4PWilyuniy6-ou0q-G2Dd8tI-WcPEvN3X65ZsiNt7DH2KnDSW2j/s1600/375.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ