ນາຍພົນຮອງປະທານພັກແຮງງານເກົາຫຼີເໜືອ ຢ້ຽມຢາມເກົາຫຼີໃຕ້ ເພື່ອຮ່ວມປິດງານປຽງຊາງເກມ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhh5Em-rH8Xt11WtMDisQ0TpcUv8OwVgnTeH9cMCHv-g-h7movU1JlNbDbjhAB7HYNSXS8sL5zZp17b3iXf6gPMirv2hYQXQ6r6Ci6NoqKbK8BF5_xPy28fZa-99chSRZ3eKhxZ7yX4TZOU/s1600/149.jpg)
ສຳນັກຂ່າວຕ່າງປະເທດລາຍງານ 25 ກຸມພາ 2018 ວ່າ: ຄະນະເຈົ້າໜ້າທີ່ລະດັບສູງ 8 ທ່ານ ຂອງລັດຖະບານເກົາຫຼີເໜືອທີ່ຈະເຂົ້າຮ່ວມພິທີປິດການແຂ່ງການກີລາໂອລິມປິກລະດູໜາວ ທີ່ເມືອງປຽງຊາງ ໃນຄືນວັນອາທິດ 25 ກຸມພານີ້ ເດີນທາງຂ້າມຊາຍແດນບໍລິເວນບ້ານປັນມຸນຈອມ ເຂດປອດທະຫານ ເມື່ອຕອນເຊົ້າຂອງວັນອາທິດນີ້ ຕາມເວລາທ້ອງຖິ່ນ ນຳໂດຍທ່ານ ນາຍພົນ ຄິມ ຢອງ-ຊອນ ຮອງປະທານພັກແຮງງານເກົາຫຼີເໜືອ ແລະ ຜູ້ອຳນວຍການສຳນັກງານຂ່າວກອງແຫ່ງຊາດຂອງເກົາຫຼີເໜືອ.
![](https://blogger.googleusercontent.com/img/b/R29vZ2xl/AVvXsEiyhBKxDvMVlVjm0irYa90tNph2asgpr4bGujVGhb8RI7k4IACQDmiBAWr8KM7J7uUE6IzSVf5WVQUr39aVZAxglnhhyphenhyphen420bnIKTaP1ugs1B3BtUQoMqV6NwJ1oJKlnIoYdScg8fFrutJhW/s1600/148.jpg)
![](https://blogger.googleusercontent.com/img/b/R29vZ2xl/AVvXsEjvfFzEBtx0W17PH-p6JhQ34uST-gMjpBic2DZtPLHyn-diw3O3ESxuEhFLUNw_GHsYhPibuFZES8V_zzopQYzUdM9a34x_m_Dg1aTAU9sjpGLkPkjV1H0nqAjZwW0xCzQOfrBO9n7iTipj/s1600/150.jpg)
![](https://blogger.googleusercontent.com/img/b/R29vZ2xl/AVvXsEjJs3sAhSvZd4qheA3LIxYK94cu5XabUVYcIzb_wBhTNFqUfnldNU-WbFUzNpfk7z3DCBCQxcru64CVdAveo9hUROhc8c5QQR-nMtmy_EITIsGClqkWlcrOwBjNYHQMDXIqOa8VWaWJ30F5/s1600/152.jpg)
ເຖິງຢ່າງໃດກໍ່ຕາມ ການຢ້ຽມຢາມເກົາຫຼີໃຕ້ຂອງທ່ານ ນາຍພົນ ຄິມ ຢອງ-ຊອນ ແລະ ຄະນະສ້າງບັນຍາກາດທີ່ແຕກຕ່າງ ເມື່ອທຽບກັບຄະນະຂອງທ່ານ ຄິມ ຢອງ-ນຳ ປະທານສະພາປະຊາຊົນສູງສຸດແຫ່ງຊາດເກົາຫຼີ ແລະ ທ່ານ ນາງ ຄິມ ໂຢ-ຈອງ ນ້ອງສາວຂອງທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ທີ່ຢ້ຽມຢາມເມືອງປຽງຊາງ ແລະ ນະຄອນຫຼວງໂຊ ໃນພິທີເປີດການແຂ່ງຂັນປຽງຊາງເກມ ເມື່ອຕົ້ນເດືອນນີ້ ໂດຍມີພັກຝ່າຍຄ້ານຮ່ວມກັບປະຊາຊົນຫຼາຍຮ້ອຍຄົນໂຮມຊຸມນຸມປະທ້ວງຄັດຄ້ານ ທີ່ທ່ານ ມູນ ແຈ-ອິນ ປະທານປະເທດເກົາຫຼີໃຕ້ ອະນຸຍາດໃຫ້ທ່ານ ນາຍພົນ ຄິມ ຢອງ-ຊອນ ເດີນທາງເຂົ້າປະເທດ ທັງໆທີ່ລັດຖະບານເກົາຫຼີໃຕ້ເຊື່ອໝັ້ນມາຕະຫຼອດວ່າ ທະຫານລະດັບສູງຂອງເກົາຫຼີເໜືອ ອາຍຸ 72 ປີ ທ່ານນີ້ ເປັນຜູ້ຢູ່ເບື້ອງຫຼັງການສັ່ງໂຈມຕີເຮືອຮົບໂຊນັນ ຂອງກອງທັບເຮືອເກົາຫຼີໃຕ້ ເມື່ອປີ 2010 ສົ່ງຜົນໃຫ້ທະຫານປະຈຳເຮືອເສຍຊີວິດຊີວິດ 46 ຄົນ ແລະ ໄດ້ຮັບບາດເຈັບອີກ 56 ຄົນ.
![](https://blogger.googleusercontent.com/img/b/R29vZ2xl/AVvXsEgrZHTvGfcQ2UK8VxkYsNZZBxx6aSwLdmEbRO37Hjmqk2WRp5GhToZDC2pfZ_ZEZnzDyWLJXYAAnw2WWMB60KBdy02VBMjcBDs-zmlHWfRVZMfC3Ab6jFetWykRX6DV7YaovAe_7QeXnN1o/s1600/151.jpg)
ຂະນະທີ່ຫຼາຍຝ່າຍໃນເກົາຫຼີໃຕ້ ຍັງຕິດຕາມຜູ້ຮ່ວມຄະນະຂອງທ່ານ ນາຍພົນ ຄິມ ຢອງ-ຊອນ ລວມເຖິງທ່ານ ໂຊ ຄັງ-ອິວ ນັກການທູດອາວຸໂສຂອງລັດຖະບານເກົາຫຼີເໜືອ ເຊິ່ງມີຄວາມຊຳນານດ້ານນະໂຍບາຍກັບສະຫະລັດ ອາເມຣິກາ ເນື່ອງຈາກອີກໜຶ່ງພາລະກິດສຳຄັນຂອງຄະນະຜູ້ແທນລະດັບສູງຈາກເກົາຫຼີເໜືອຊຸດນີ້ ຄືການພົບປະຫາລືກັບທ່ານ ມູນ ແຈ-ອິນ ທີ່ຈະມີການປຶກສາຫາລືເຖິງເລື່ອງການກຽມຄວາມພ້ອມການຢ້ຽມຢາມນະຄອນຫຼວງປຽງຢາງ ຂອງຜູ້ນຳເກົາຫຼີໃຕ້ ແຕ່ທຸກຝ່າຍເຊື່ອວ່າເຈົ້າໜ້າທີ່ຂອງເກົາຫຼີເໜືອບໍ່ໜ້າຈະມີການພົບປະ ຫຼື ທັກທາຍກັບ ທ່ານ ນາງ ອິວັງກາ ທຣຳ ລູກສາວຂອງທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ທີ່ເຮັດໜ້າທີ່ຜູ້ແທນຂອງລັດຖະບານສະຫະລັດ ອາເມຣິກາ ໃນພິທີປິດປຽງຊາງເກມຄັ້ງນີ້.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ