ສ.ອາເມຣິກາ ກ່າວວ່າກອງທັບລັດເຊຍ ຢູ່ເບື້ອງຫຼັງປ່ອຍເມົາແວຮຽກຄ່າໄຖ່
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgszAsHhxG4fkaeKT30FIU7-KX0btbUuBzvRLz1yT-Dk2kEIU4fAe1SotJOiCVg3Qfd7K9ZYOt5IM3wylkoqNNjPzxGyZ4Md0UV796amrBLDVVsGqfPrtqtnAjqbeQ07FUWmkX15cd8hkL3/s1600/540.jpg)
ສຳນັກຂ່າວຕ່າງປະເທດລາຍງານເມື່ອວັນທີ 15 ກຸມພາ 2018 ວ່າ: ທຳນຽບຂາວອອກຖະແຫຼງການວ່າ ໜ່ວຍຂ່າວກອງຂອງກອງທັບລັດເຊຍເປັນຜູ້ຢູ່ເບື້ອງຫຼັງການສ້າງເມົາແວ (Malware) ຮຽກຄ່າໄຖ່ທີ່ແຜ່ລະບາດໄປທົ່ວໂລກເມື່ອເດືອນມິຖຸນາ ປີທີ່ຜ່ານມາ, ໂດຍເມົາແວດັ່ງກ່າວມີຊື່ວ່າ NotPetya ໄດ້ເນັ້ນເປົ້າສ້າງຄວາມເສຍຫາຍໃຫ້ກັບລະບົບຄວບຄຸມພື້ນຖານໂຄງລ່າງ ແລະ ພາກທຸລະກິດຂອງອູແກຣນຫຼາຍທີ່ສຸດ ໂດຍມີການໂຈມຕີຫຼາຍກວ່າ 2,000 ຄັ້ງ ແລະ ຫາກຕ້ອງການປົດລະຫັດເພື່ອເຂົ້າເຖິງຂໍ້ມູນຕາມເດີມ ຕ້ອງໄດ້ຊຳລະຄ່າທຳນຽມໃນຮູບແບບຂອງບິດຄອຍ (Bitcoin) ມູນຄ່າ 300 ໂດລາສະຫະລັດ.
US blames Moscow for NotPetya malware, which hit Russia too https://t.co/VEraMq4wsH pic.twitter.com/pwjCEUE5J4— RT (@RT_com) February 16, 2018
ຖະແຫຼງການດັ່ງກ່າວຂອງທຳນຽບຂາວທີ່ລະບຸວ່າ ຜູ້ທີ່ກ່ຽວຂ້ອງຕ້ອງໄດ້ຮັບບົດລົງໂທດຕາມກົດໝາຍ ໄດ້ຮັບການເຜີຍແຜ່ອອກມາພຽງບໍ່ພໍເທົ່າໃດຊົ່ວໂມງ ພາຍຫຼັງທີ່ທ່ານ ເກວິນ ວິນລຽມສັນ ລັດຖະມົນຕີກະຊວງປ້ອງກັນປະເທດອັງກິດ ແລະ ທ່ານ ທາຣິກ ອາໝັດ ລັດຖະມົນຕີດ້ານຄວາມປອດໄພທາງໄຊເບີ້ປະຈຳທຳນຽບນາຍົກລັດຖະມົນຕີອັງກິດ ພ້ອມໃຈກັນກ່າວຫາວ່າ ລັດເຊຍເປີດແນວຮົບສົງຄາມຈິດຕະສາດຮູບແບບໃໝ່ ແລະ ການຕັດສິນໃຈເປີດເຜີຍຂໍ້ມູນດັ່ງກ່າວຕໍ່ສາທາລະນະ ເປັນການສະແດງຈຸດຢືນຂອງອັງກິດວ່າ ຈະບໍ່ຕົກເປັນຜູ້ຖືກກະທຳຈາກການໂຈມຕີທາງໄຊເບີ້.
![](https://blogger.googleusercontent.com/img/b/R29vZ2xl/AVvXsEiz16TJ_byK16MPdz6jrdlnz2CTnj6RS6W0XhpsL6XZ5neQrmd-UEfMlbqh4_S1XFICoaaQCFmoIfFgBarLfFGwWbU2y54Lyq5D8YI_62Oh5IUt3FyLHxy5VzAtCA49XpyKdH69RPhVxNOC/s1600/539.jpg)
ຂະນະທີ່ທ່ານ ເດີມິຕຣີ ເປສຄັອບ ໂຄສົກທຳນຽບປະທານປະເທດລັດເຊຍ ກ່າວເຖິງຂໍ້ກ່າວຫາຂອງສະຫະລັດ ອາເມຣິກາ ແລະ ອັງກິດວ່າ "ບໍ່ມີມູນຄວາມຈິງ" ແລະ ເປັນການພາດພິງທີ່ບໍ່ມີຫຼັກຖານຢ່າງຊັດເຈນ ນອກຈາກນີ້, ຍັງເປັນອີກຄັ້ງທີ່ທັງສອງປະເທດພະຍາຍາມກະຈາຍແນວຄິດຄວາມຕື່ນຢ້ານລັດເຊຍ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ