ແຈ້ງເຕືອນໄພ ພາຍຸລະດູຮ້ອນ ທົ່ວທຸກພາກຂອງປະເທດ 20-23 ມີນາ 2018 ນີ້
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg431glpQZGysxBA6-OTQw2e80Ta9bUIxzH790lMJYoJ8gsPP3ivrb9q6S16ctQ73pEt2k__RPoo_v-kcEYXM5kzWPIuHWsfb6mxmsuu-B7yhG67iSADE3B6pgrv9347D4MIfuZyBf0MCg/s1600/516.jpg)
ກົມອຸຕຸນິຍົມ ແລະ ອຸທົກກະສາດ ອອກແຈ້ງເຕືອນໄພ ພາຍຸລະດູຮ້ອນ ສະບັບເລກທີ 0278/ກອຕທ ລົງວັນທີ 20 ມີນາ 2018 ວ່າ: ເນື່ອງຈາກມວນອາກາດເຢັນທີ່ມີກຳລັງແຮງປານກາງຈາກປະເທດຈີນ ຈະແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ ໃນໄລຍະ 1 ຫາ 7 ວັນຕໍ່ໜ້ານີ້ ໂດຍໄລຍະ 1 ຫາ 3 ວັນທຳອິດ ຈະມີແລວປະທະຂອງມວນອາກາດຮ້ອນ ແລະ ມວນອາກາດເຢັນ ແລະ ຈະເຮັດໃຫ້ເກີດມີພາຍຸລະດູຮ້ອນຢູ່ບາງທ້ອງຖິ່ນ ໃນແຕ່ລະພາກໄລຍະວັນທີ 20-23 ມີນາ 2018, ໂດຍຈະມີຝົນຕົກຟ້າຮ້ອງຟ້າເຫຼື້ອມ, ຟ້າຜ່າ, ໝາກເຫັບຕົກ, ລົມພັດແຮງຢູ່ບາງທ້ອງຖິ່ນດັ່ງນີ້:
- ວັນທີ 20 ມີນາ 2018: ແຂວງຫົວພັນ, ຊຽງຂວາງ, ຫຼວງນ້ຳທາ, ອຸດົມໄຊ, ບໍ່ແກ້ວ, ຫຼວງພະບາງ, ໄຊຍະບູລີ, ນະຄອນຫຼວງວຽງຈັນ, ວຽງຈັນ, ໄຊສົມບູນ, ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ເຊກອງ, ຈຳປາສັກ ແລະ ອັດຕະປື.
- ວັນທີ 21-22 ມີນາ 2018: ແຂວງຜົ້ງສາລີ, ຫົວພັນ, ຊຽງຂວາງ, ຫຼວງພະບາງ, ໄຊຍະບູລີ, ວຽງຈັນ, ໄຊສົມບູນ, ສາລະວັນ, ເຊກອງ, ຈຳປາສັກ ແລະ ອັດຕະປື.
- ວັນທີ 23 ມີນາ 2018: ແຂວງຜົ້ງສາລີ, ຫຼວງນ້ຳທາ, ອຸດົມໄຊ, ສາລະວັນ ແລະ ຈຳປາສັກ.
ດັ່ງນັ້ນ, ຈຶ່ງຂໍແຈ້ງເຕືອນ ເຖິງອຳນາດການປົກຄອງທຸກພາກສ່ວນ ແລະ ພໍ່ແມ່ປະຊາຊົນ ທີ່ອາໄສຢູ່ບັນດາແຂວງດັ່ງກ່າວ ຈົ່ງມີສະຕິກຽມພ້ອມຮັບມືກັບສະພາບຝົນຕົກຟ້າຮ້ອງຟ້າເຫຼື້ອມ ແລະ ລົມພັດແຮງ ທີ່ຈະກໍ່ໃຫ້ເກີດມີຕົ້ນໄມ້ຫັກ, ເສົາໄຟຟ້າຫັກລົ້ມ, ຟ້າຜ່າ ເຊິ່ງຈະເປັນອັນຕະລາຍຕໍ່ຊີວິດ ແລະ ຊັບສິນອັນມີຄ່າຂອງພໍ່ແມ່ປະຊາຊົນ, ພ້ອມນີ້ກໍ່ໃຫ້ຫຼີກເວັ້ນການຢູ່ກ້ອງຕົ້ນໄມ້ໃຫຍ່ ຫຼື ສິ່ງປຸກສ້າງທີ່ບໍ່ໄດ້ມາດຕະຖານ.
![](https://blogger.googleusercontent.com/img/b/R29vZ2xl/AVvXsEhmKkE4j0KDICxNzX81sCyBk5EBk5LSNBpgy87x7lZUGfJO06yzInN6jlH12nuHo4emPY_RQABLnttBMH3cPMdVcPdd-3_LKrogYmRF2pLDwMpCcvVEwA1XnaETyfvxnTCDIvzHgShRvUQ/s1600/517.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ