ລັດຖະບານອາຟະການິດສະຖານ ສະແດງຈຸດຢືນຕ້ອງການເຈລະຈາສັນຕິພາບກັບກຸ່ມຕາລີບັນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiy_luvQjni4BedsH6ANYd0OVTeWmaU08nC7YtN3anPjbrhaVhHUTgyd9wYPtkNbOlheQKJJmHMXtLoEh_XcOHvsxRtUxupg2SFfyKeFZgZ_FtC9XSR8Vy7FhgUwlXB9lJEmRJdS5vcoajL/s1600/300.jpg)
ສຳນັກຂ່າວຕ່າງປະເທດລາຍງານ 1 ມີນາ 2018 ວ່າ: ທ່ານ ອັສຣາບ ການີ ປະທານປະເທດອາຟະການິດສະຖານ ກ່າວຕໍ່ກອງປະຊຸມການຮ່ວມມືດ້ານສັນຕິພາບ ແລະ ຄວາມໝັ້ນຄົງ ຄັ້ງທີ 2 ທີ່ນະຄອນຫຼວງກາບູນ ເມື່ອວັນພຸດ (28 ກຸມພາ) ທີ່ຜ່ານມາ ທີ່ມີຕົວແທນລັດຖະບານຈາກ 20 ກວ່າປະເທດເຂົ້າຮ່ວມວ່າ: ລັດຖະບານອາຟະການິດສະຖານຫວັງເປັນຢ່າງຍິ່ງວ່າ ຈະເປັນການເປີດທາງໄປສູ່ການເຈລະຈາສັນຕິພາບກັບກຸ່ມຕາລີບັນ ໂດຍການສະເໜີຮັບຮອງເອົາກຸ່ມຕາລີບັນໃນຖານະອົງກອນທາງການເມືອງ, ການຢຸດຍິງ, ການປ່ອຍຕົວນັກໂທດການເມືອງ ແລະ ການຫຼຸດຜ່ອນການຂວໍ້າບາດ, ລວມໄປເຖິງການຍອມຮັບໃຫ້ກຸ່ມຕາລີບັນເຂົ້າມາມີສ່ວນຮ່ວມໃນຂະບວນການຮ່າງລັດຖະທຳມະນູນ ເພື່ອປະຕິຮູບການເມືອງອີກດ້ວຍ, ເຖິງຢ່າງໃດກໍ່ຕາມ ກຸ່ມຕາລີບັນຕ້ອງຍອມຮັບວ່າ ລັດຖະບານອາຟະການິດສະຖານຊຸດປັດຈຸບັນ ໃນຖານະລັດຖະບານທີ່ຖືກຕ້ອງຕາມລັດຖະທຳມະນູນ ແລະ ກົດໝາຍຂອງອາຟະການິດສະຖານ.
![](https://blogger.googleusercontent.com/img/b/R29vZ2xl/AVvXsEiFT4QRB1dOB11jmAnhvBL0v8Yu4j4UgEY555Ho8588lA_dq9fP44utoP1xOETcWySSYtJ4upcNHaEBjpiDtbFf02ov2-27hhkF8G8iDP7vBJsqNcquBV4CvLEdq1egVdx7DHb3pZIx7gx5/s1600/303.jpg)
![](https://blogger.googleusercontent.com/img/b/R29vZ2xl/AVvXsEjv6VJmWimj9cORS5mkydlasG1Q7ov26BWYCvlc3wTXn94tLh6_3liJqe6lep69SqbV_fem-AMSKtqyTYCkwN8Fz5Zp15g3njn3s5rvc5uJ9ITJVq_W9akN7ladC3pcDK33F-5oi23MZM17/s1600/302.jpg)
ການເຄື່ອນໄຫວດັ່ງກ່າວຖືເປັນການສົ່ງສັນຍານປະນີປະນອມຄັ້ງສຳຄັນຂອງທ່ານ ອາສຣາບ ການີ ເຊິ່ງຕະຫຼອດໄລຍະທີ່ຜ່ານມານັ້ນ ກຸ່ມຕາລີບັນຖືກຂະໜານນາມວ່າເປັນ ກຸ່ມກໍ່ການຮ້າຍ ຫຼື ກຸ່ມກະບົດ ມາໂດຍຕະຫຼອດ ແລະ ຍັງເປັນການສະແດງທ່າທີ່ຜ່ອຍຄາຍກ່ອນຂອງຝ່າຍລັດຖະບານ ພາຍຫຼັງທີ່ກຸ່ມຕາລີບັນຍື່ນຂໍ້ສະເໜີເມື່ອກາງເດືອນກຸມພາ ທີ່ຜ່ານມາ ຂໍເຈລະຈາໂດຍກົງກັບສະຫະລັດ ອາເມຣິກາ ແຕ່ຍັງບໍ່ເຄີຍໄດ້ຍື່ນຂໍ້ສະເໜີດຽວກັນນີ້ກັບລັດຖະບານອາຟະການິດສະຖານ, ເຖິງຢ່າງໃດກໍ່ຕາມ ລັດຖະບານສະຫະລັດ ອາເມຣິກາ ຕີລາຄາວ່າ ຂໍ້ສະເໜີຂອງກຸ່ມຕາລີບັນຍັງຂາດຄວາມຈິງໃຈ.
![](https://blogger.googleusercontent.com/img/b/R29vZ2xl/AVvXsEg8XHuoTTSQZ5vDVOmn1rPSHtWiSHB1T0Vsz_o1fS7x11rObpdHht8Bg7hd8OYvBpdyHsvvneq2qNK5w9fDqvDavuTWXzJeMvOF24PLdbg2xU2iPblch8oua8SJsPRgmP3Acz7pgyV525n0/s1600/301.jpg)
ເຊິ່ງສົງຄາມໃນອາຟະການິດສະຖານ ຖືເປັນສະໜາມຮົບໃນຕ່າງປະເທດທີ່ແກ່ຍາວທີ່ສຸດ ແລະ ສິ້ນເປືອງທີ່ສຸດໃນປະຫວັດສາດຂອງສະຫະລັດ ອາເມຣິກາ ດ້ວຍງົບປະມານທີ່ສູນເສຍໄປແລ້ວຫຼາຍກວ່າ 500,000 ລ້ານໂດລາສະຫະລັດ ໂດຍລັດຖະບານສະຫະລັດ ອາເມຣິກາ ພາຍໃຕ້ການນຳຂອງທ່ານ ຈອດ ດັບເບິນຢູ ບຸສ ໄດ້ປະຕິບັດການແຊກແຊງທາງທະຫານໃນອາຟະການິດສະຖານ ເມື່ອທ້າຍປີ 2001 ພຽງບໍ່ດົນຫຼັງຈາກເກີດເຫດໂສກອະນາດຕະກຳ 911 (ຍົນຕຳຕຶກ), ສະຫະລັດ ອາເມຣິກາເຄີຍປະຈຳການທະຫານໃນອາຟະການິດສະຖານຫຼາຍເຖິງ 100,000 ຄົນ ກ່ອນຄອຍໆຫຼຸດກຳລັງພົນລົງຕັ້ງແຕ່ທ້າຍປີ 2013 ຈົນເຫຼືອປະທານ 16,000 ຄົນໃນປັດຈຸບັນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ