ຄຸກ 15 ປີ ອະດີດປະທານສະພາອິນໂດເນເຊຍ ສໍ້ລາດບັງຫຼວງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjMo5GlOVy8oDj9wiIsg3uxYty6Wuhjc2USEphUzjJwKJl9tSL3FhC13o0ENffKu1w2WA4W0axc6zPo8yoSxb-kGfFtMK1KHmkYH58toBPZK5nGPaijFxnrRt-2r78mLckRRQypTlz35V8/s1600/1032.jpg)
ສຳນັກຂ່າວຕ່າງປະເທດລາຍງານເມື່ອວັນທີ 24 ເມສາ 2018 ທີ່ຜ່ານມາວ່າ: ທ່ານ ເສດຢາ ໂນວັນໂຕ ອາຍຸ 62 ປີ ອະດີດປະທານສະພາອິນໂດເນເຊຍ ເຊິ່ງຄັ້ງໜຶ່ງເຄີຍເປັນໜຶ່ງໃນນັກການເມືອງທີ່ມີອິດທິພົນທີ່ສຸດໃນປະເທດອິນໂດເນເຊຍ ຖືກກ່າວຫາວ່າຮັບສິນບົນຫຼາຍລ້ານໂດລາສະຫະລັດ ແລະ ຍັງພົວພັນກັບການສໍ້ລາດບັງຫຼວງໂຄງການອອກບັດປະຈຳຕົວປະຊາຊົນຂອງລັດ ທີ່ໂຄງການມີມູນຄ່າເຖິງ 440 ລ້ານໂດລາສະຫະລັດ ໄດ້ຖືກສານຕັດສິນໃຫ້ຕິດຄຸກ 15 ປີ ຂໍ້ຫາຮັບສິນບົນ, ໂດຍປະທານຄະນະຜູ້ພິພາກສາໃນສານນະຄອນຫຼວງຈາກາຕາ ໄດ້ອ່ານຄຳຕັດສິນວ່າ: ສານເຫັນວ່າຈຳເລີຍ ກະທຳຄວາມຜິດຈິງ ຖືເປັນການລະເມີດກົດໝາຍການສໍ້ລາດບັງຫຼວງ, ເຖິງຢ່າງໃດກໍ່ຕາມ ທ່ານ ເສດຢາ ໂນວັນໂຕ ກ່າວວ່າ ຂໍເວລາພິຈາລະນາເພື່ອຍື່ນອຸທອນຄຳຕັດສິນໃນຄະດີນີ້.
![](https://blogger.googleusercontent.com/img/b/R29vZ2xl/AVvXsEgQmioCCejhcQeUEz1kLPH88z6QTxciVwHoIKjHlhifCXSDFwLwgzjViG-Eq980OwzgUXw8ULdTbFJPR1hkJHZ4B3ar8SEf7DMa9nGWsWDr2q68McFn1zpAf3z6Edea6_vq8VpG8mj1OrE/s1600/1033.jpg)
ຄະດີດັ່ງກ່າວນີ້ໄດ້ແກ່ຍາວມາເປັນເວລາຫຼາຍເດືອນ, ໂດຍໄອຍະການໄດ້ສະເໜີບົດລົງໂທດໃຫ້ຕິດຄຸກ 16 ປີ ແລະ ປັບໃໝເປັນເງິນ 7.4 ລ້ານໂດລາສະຫະລັດ, ແຕ່ສານໄດ້ຕັດສິນໃຫ້ປັບໃໝ່ພຽງ 500 ລ້ານຣູເປຍ ຫຼື ປະມານ 36,000 ໂດລາ ແລະ ໃຫ້ຕິດຄຸກ 15 ປີ, ໂດຍເງິນງົບປະມານໃນໂຄງການບັດປະຈຳຕົວປະຊາຊົນນັ້ນ ແມ່ນມີເງິນເຖິງ 170 ລ້ານໂດລາສະຫະລັດຕົກເຫ່ຍຈາກໂຄງການ ທີ່ມີທັງນັກການເມືອງຫຼາຍຄົນ ລວມເຖິງເຈົ້າໜ້າທີ່ລັດ ແລະ ນັກທຸລະກິດຖືກຟ້ອງໃນຄະດີນີ້.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ