ອາຣັບບີ ຊາອູດິດໂຈມຕີທາງອາກາດໃນເຢເມນ ເຮັດໃຫ້ແກນນຳກຸ່ມກະບົດຮູຕີ ເສຍຊີວິດ 2 ຄົນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjfRASRNWXNxtxrb9bHoJ34pprt9-5EKy92X_h2SCnchYAradpEohUi25arlRMYtaniHJJYoiDwGIlCfBOlzPYo9SpBEXbOWa_WWwK4RKaL5IbYhI0l7rTTeZDwtXWc0DKZF67vy0SxHSg/s1600/1102.jpg)
ສຳນັກຂ່າວຕ່າງປະເທດລາຍງານ 29 ເມສາ 2018 ວ່າ: ສະຖານນີໂທລະພາບ Al-Ekhbariya ໜຶ່ງໃນກະບອກສຽງຂອງລັດຖະບານອາຣັບບີ ຊາອູດິດ ລາຍງານວ່າກອງທັບອາຣັບບີ ຊາອູດິດ ປະຕິບັດການໂຈມຕີທາງອາກາດຫຼາຍຄັ້ງຕໍ່ເປົ້າໝາຍຂະໜາດໃຫຍ່ ຄືຕຶກກະຊວງປ້ອງກັນຄວາມສະຫງົບ ແລະ ສຳນັກງານຕຳຫຼວດ ທີ່ນະຄອນຫຼວງຊາກາ ປະເທດເຢເມນ ເຊິ່ງຢູ່ພາຍໃຕ້ກາຍຢຶດຄອງຂອງກອງກຳລັງຮູຕີ ທີ່ມີແນວຄິດນິຍົມອີຣານ ໃນລະຫວ່າງວັນສຸກ ເຖິງ ວັນເສົາທີ່ຜ່ານມາ ເປັນເຫດເຮັດໃຫ້ມີຜູ້ເສຍຊີວິດຫຼາຍກວ່າ 50 ຄົນ ໃນຈຳນວນນີ້ 2 ຄົນເປັນສະມາຊິກລະດັບສູງຂອງກຸ່ມກະບົດຮູຕີ ແລະ ຍັງມີຜູ້ໄດ້ຮັບບາດເຈັບອີກເປັນຈຳນວນຫຼາຍ.
![](https://blogger.googleusercontent.com/img/b/R29vZ2xl/AVvXsEgEGoo0SPIObuuAU2DpruWrwW_kTTFvIspvc0IE8onXdz0KT8cnpbxO9Tc6JLIdZ7rIsCIIDdDynPyyjiPsTMSaBlUmNOfxI4tb1uP2eVk-lBkZvmclIP6lKVzu8MfKJCcIfbautvzTZ74/s1600/1104.jpg)
![](https://blogger.googleusercontent.com/img/b/R29vZ2xl/AVvXsEhDj1Q39aCx5JxA5eO8zgoi20oaR1B6KnAHl_Wvj7U5E35_VtImLZuJVOD4dwltsV5MdfqnHzDqlwnMOfZIFSPZd7Q9C825vCJlqSWtNtNlf5r6tx5o8hDDwxw02vQAsjK-0J3VujCi1PY/s1600/1103.jpg)
ຂະນະດຽວກັນ, ຖະແຫຼງການຂອງກອງທັບອາຣັບບີ ຊາອູດີດລະບຸວ່າ ກອງກຳລັງຮູຕີ ໄດ້ໂຈມຕີອາຣັບບີ ຊາອູດິດ ແຕ່ລະບົບປ້ອງກັນໄພທາງອາກາດສາມາດສະກັດການໂຈມຕີຂອງຂີປະນາວຸດ 4 ລູກທີ່ຖືກຍິງມາຈາກເຂດອິດທິພົນຂອງກຸ່ມຮູຕີໃນເຢເມນໄດ້ ໂດຍຂີປະນາວຸດທັງ 4 ລູກມີທິດທາງໂຈມຕີແຂວງຈາຊານ ທີ່ຕັ້ງຢູ່ທາງພາກຕາເວັນຕົກສຽງໃຕ້ຂອງອາຣັບບີ ຊາອູດີດ ທີ່ມີຊາຍແດນຕິດກັບພາກເໜືອຂອງເຢເມນ.
ສະຖານະການດັ່ງກ່າວ ເກີດຂຶ້ນໃນຂະນະທີ່ສົງຄາມກາງເມືອງໃນເຢເມນກ່າວເຂົ້າສູ່ປີທີ 4 ແລ້ວ ຫຼື ນັບຕັ້ງແຕ່ກອງກຳລັງຮູຕີ ປະຕິບັດການຢຶດອຳນາດໃນນະຄອນຫຼວງຊານາ ແລະ ເມືອງເອເດນ ເຊິ່ງເປັນເມືອງໃຫຍ່ອັນດັບ 2 ຂອງປະເທດ ເມື່ອເດືອນກັນຍາ 2014 ຕໍ່ມາໃນເດືອນມີນາ 2015 ກອງທັບອາຣັບບີ ຊາອູດິດ ແລະ ພັນທະມິດອາຣັບໄດ້ເປີດສາກປະຕິບັດການທາງທະຫານໃນເຢເມນ, ສະຖານະການຈຶ່ງໄດ້ບານປາຍເປັນສົງຄາມໃນວົງກວ້າງ ສົ່ງຜົນໃຫ້ມີຜູ້ເສຍຊີວິດຫຼາຍກວ່າ 10,000 ຄົນແລ້ວ ຕາມການປະເມີນຂອງສະຫະປະຊາຊາດ, ລະບົບໂຄງສ້າງພື້ນຖານຂອງປະເທດເສຍຫາຍຢ່າງໜັກໜ່ວງ ແລະ ເກີດການແຜ່ລະບາດຂອງພະຍາດອະຫິວາອີກດ້ວຍ ໂດຍມີລາຍງານຜູ້ຕິດເຊື້ອແລ້ວຫຼາຍກວ່າ 1 ລ້ານຄົນ ແລະ ເສຍຊີວິດຫຼາຍກວ່າ 2,200 ຄົນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ