ຈີນ-ລັດເຊຍ ຈະຂັດຂວາງທຸກຄວາມພະຍາຍາມ ທີ່ຈະທຳລາຍຂໍ້ຕົກລົງນິວເຄຼຍອີຣານ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEibSRKLIDMxws8lQtrA13osBVTgWZMh8LUAHNADQcCn7RO06Fa9R_y-AVKu3WoIoRVycvM9H3w0QaepR0muDrN5e9H1AtockMaRqheQeshNSdkmdg1JSnopWKFd6f4qmETMXed1jBf7-GQ/s1600/1007.jpg)
ສຳນັກຂ່າວຕ່າງປະເທດລາຍງານ ເມື່ອວັນທີ 23 ເມສາ 2018 ວ່າ: ຈີນ ແລະ ລັດເຊຍປະກາດຈັບມືກັນ ເພື່ອຂັດຂວາງທຸກຄວາມພະຍາຍາມ ທີ່ຈະເປັນການທຳລາຍຂໍ້ຕົກລົງນິວເຄຼຍຂອງອີຣານ, ຂະນະທີ່ໃນດ້ານຂອງທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ໄດ້ກຳນົດເວລາໃຫ້ເຖິງວັນທີ 12 ພຶຶດສະພາ 2018 ນີ້ ໃນການແກ້ໄຂຂໍ້ຕົກລົງປີ 2015 ລະຫວ່າງອີຣານ ກັບ ກຸ່ມປະເທດມະຫາອຳນາດໂລກ ທີ່ຢຸດຕິໂຄງການນິວເຄຼຍຂອງອີຣານ ແລກກັບການຜ່ອນຄາຍມາດຕະການຂວໍ້າບາດຂອງປະເທດຕາເວັນຕົກຕໍ່ອີຣານ ອັນເປັນຜົນມາຈາກຄວາມພະຍາຍາມຢ່າງໜັກໜ່ວງທາງການທູດຂອງສະຫະລັດ ອາເມຣິກາ, ເອີຣົບ, ລັດເຊຍ ແລະ ຈີນ.
Russia, China to obstruct U.S. attempt to sabotage Iran nuclear deal: TASS https://t.co/nFb5soDuN7— Reuters Top News (@Reuters) April 23, 2018
ທ່ານ ເຊີເກ ລາວາຣົບ ກ່າວວ່າຂໍ້ຕົກລົງນິວເຄຼຍອີຣານ ເປັນໜຶ່ງໃນຄວາມສຳເລັດທາງການທູດຄັ້ງຍິ່ງໃຫຍ່ ໃນປະຫວັດສາດຍຸກໃໝ່ ດັ່ງນັ້ນ, ການແກ້ໄຂເອກະສານສະບັບດັ່ງກ່າວ ຈຶ່ງຖືເປັນສິ່ງທີ່ບໍ່ອາດຍອມຮັບໄດ້.
ອີຣານໄດ້ປະກາດເຕືອນເມື່ອວັນເສົາ ທີ 21 ເມສາ ທີ່ຜ່ານມາວ່າ: ພ້ອມທີ່ຈະສານຕໍ່ໂຄງການນິວເຄຼຍຢ່າງຈິງຈັງ ຫາກສະຫະລັດ ອາເມຣິກາ ຍົກເລີກຂໍ້ຕົກລົງດັ່ງກ່າວ.
![](https://blogger.googleusercontent.com/img/b/R29vZ2xl/AVvXsEigH8wh31Bh8f_9xifIbaw3PrsOxE2mv-b1RMFWxsjiDrVElKP5q21tLXwN_cKeKqw9OWLpHNL10yhkcTm8F5PWPu7Yo6ZAmvWqeANgt2QlkqjgUnJXENRKURnR9rYmEAymhKSaS30qAdE/s1600/1008.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ