ປະຊາຊົນຊີຣີຫຼາຍກວ່າ 1.6 ແສນຄົນ ອົບພະຍົບໜີໄພສົງຄາມ ທີ່ເມືອງດາຣາ ພາກໃຕ້ຂອງປະເທດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEi9Hvuu7goZ_KY6EEZd6O3RtVILWp2jGQgaYUDAPXHAc_yrCfLjfdFWQclr2CJC1aWe-53oyhoblhzo4vgA_BjqzPge1dZgvorYrlFtwzaYzfT32COzR4CtHDk3XWTgaAJb1VDe-vA3ibc/s1600/1501.jpg)
ສຳນັກຂ່າວຕ່າງປະເທດລາຍງານ 30 ມິຖຸນາ 2018 ວ່າ: ສຳນັກງານຂ້າຫຼວງໃຫຍ່ຜູ້ລີ້ໄພແຫ່ງສະຫະປະຊາຊາດ (UNHCR) ລາຍງານເມື່ອວັນສຸກ ທີ່ຜ່ານມາວ່າ ຈຳນວນປະຊາຊົນໜີອອກຈາກເມືອງດາຣາ ທາງພາກຕາເວັນຕົກສຽງໃຕ້ຂອງຊີຣີ ເຊິ່ງໃກ້ກັບພູພຽງໂກລັນ ແລະ ກຳລັງເປັນສະໜາມຮົບແຫ່ງຫຼ້າສຸດລະຫວ່າງກອງທັບຝ່າຍລັດຖະບານທີ່ໄດ້ຮັບການສະໜັບສະໜູນຈາກລັດເຊຍ ແລະ ກອງກຳລັງຝ່າຍກະບົດນຳໂດຍກອງທັບປົດປ່ອຍຊີຣີ ທີ່ສະຫະລັດ ອາເມຣິກາເປັນຜູ້ສະໜັບສະໜູນ ເພີ່ມເປັນຫຼາຍກວ່າ 160,000 ຄົນ.
ເຊິ່ງການສູ້ຮົບໄດ້ທະວີຄວາມຮຸນແຮງມາຕັ້ງແຕ່ກາງເດືອນນີ້, ໂດຍຂໍ້ມູນຈາກອົງກອນສັງເກດການດ້ານສິດທິມະນຸດຊີຣີ ລາຍງານວ່າ ກອງທັບລັດເຊຍໄດ້ປະຕິບັດການໂຈມຕີທາງອາກາດໃຫ້ກ່ອນ ເພື່ອເປີດທາງໃຫ້ກັບທະຫານຊີຣີ ແລະ ພັນທະມິດ ໄດ້ເຂົ້າໄປປະຕິບັດການພາກພື້ນດິນ ເຖິງແມ່ນວ່າຍັງບໍ່ມີລາຍງານທີ່ຢືນຢັນເຖິງຄວາມເສຍຫາຍຢ່າງເປັນທາງການ ແຕ່ອົງກອນສັງເກດການດ້ານສິດທິມະນຸດຊີຣີປະເມີນຈຳນວນຜູ້ເສຍຊີວິດໄວ້ທີ່ປະມານ 100 ຄົນ.
ຂະນະທີ່ອິດສະຣາແອນ ແລະ ຊອກດານີ (ຈໍແດນ) ເຊິ່ງເປັນສອງປະເທດທີ່ມີຊາຍແດນເຊື່ອມຈອດກັບສະໜາມຮົບໃນເມືອງດາຣາ ຍັງຄົງຢຶດໝັ້ນໃນການປະຕິເສດທີ່ຈະຮັບຜູ້ລີ້ໄພຊາວຊີຣີເພີ່ມເຕີມ ປັດຈຸບັນທັງສອງປະເທດໄດ້ໃຫ້ການຊ່ວຍເຫຼືອດ້ານມະນຸດແກ່ຜູ້ລີ້ໄພຊາວຊີຣີລວມກັນຫຼາຍກວ່າ 660,000 ຄົນ, ໃນດ້ານຂອງທ່ານ ອັນໂຕນິໂອ ກູເຕເຣສ ເລຂາທິການໃຫຍ່ສະຫະປະຊາຊາດ ຮຽກຮ້ອງປະເທດເພື່ອນບ້ານທາງພາກໃຕ້ຂອງຊີຣີໃຫ້ເປີດຊາຍແດນຮັບຜູ້ລີ້ໄພອີກຄັ້ງໃໝ່ຈາກເມືອງດາຣາ ແລະ ຂໍໃຫ້ຄູ່ກໍລະນີຢຸດຕິການໃຊ້ຄວາມຮຸນແຮງຕໍ່ກັນທັນທີ ເຊິ່ງຕໍ່ມາແຫຼ່ງຂ່າວໃນລັດຖະບານຊອກດານີໄດ້ກ່າວວ່າມີການບັນລຸຂໍ້ຕົກລົງຢຸດຍິງແລ້ວ ແຕ່ຍັງບໍ່ມີຝ່າຍໃດໃນຊີຣີ ລວມໄປເຖິງສະຫະລັດ ອາເມຣິກາ ແລະ ລັດເຊຍ ອອກມາຢືນຢັນ ຫຼື ປະຕິເສດຂໍ້ມູນດັ່ງກ່າວ.
![](https://blogger.googleusercontent.com/img/b/R29vZ2xl/AVvXsEigkLbK-eaJ72hk_4K_NR5w8dFCY-eGQeckOHldNOREtNIZY6aa8gXeSXtKVwL-b0hK1eyKp5T09eLPgpYAfsp9LYD7MG1q5H2yjuTZ1S6kWhFkeTyfUiBZJaPHrkYEPhDxd9nAb_QzHKM/s1600/1498.jpg)
![](https://blogger.googleusercontent.com/img/b/R29vZ2xl/AVvXsEg-s1m_GM7rOdXujOn7d6vz5Zph72pqfxNKWc2GVeF6-rz332U8Ts4ataSbjy41bdrUcc7cRqIzdrIvcMompPFuU_1tEJky3gX0OT5nStCNUhdrkBXDAqhCxw_aQALePOG2U-s_hW-2S4g/s1600/1497.jpg)
![](https://blogger.googleusercontent.com/img/b/R29vZ2xl/AVvXsEisp6yBKbrYjiuXcV-e4QnHlQ9vmQbSmOQGrHEELx-SwVD03j5PCDjYyIE5jvP5jHDjKH86dZ-JBRhWamzV_EdEB-JLYyg0mdh3jEy2lafged-59XUAfRlY7HYY9-eN9FETmgDf7Kn2FrY/s1600/1496.jpg)
![](https://blogger.googleusercontent.com/img/b/R29vZ2xl/AVvXsEhB36QBM_iSyY_vwWfyZJVM01OPiuXXl6sn7CyGkEFYCbElvzuNsUPEk_6pjgb9wMay4yXUyoYLft83RthfzLbM1tXTLMXfAo-yxX85nO9GbmIqD6BimrDfaLfMmbGu1ofd_6FM9p0w_SI/s1600/1500.jpg)
![](https://blogger.googleusercontent.com/img/b/R29vZ2xl/AVvXsEjIqUBwKh7N3wiOZ4pd4qSvVsfcbuqRHxwVV1GAhqHPEgriCtkZpC1fWhFvtm9AKMKWKKuej992nQGi-PsRoW7l5VzftJbbqS3o7T3K_FpMHETkAf7WrJFFg8LSWtwnW9Y-Fd4A1SPXO8A/s1600/1499.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ