UN ບໍ່ຍອມຮັບຄຳປະນາມກຸ່ມຮາມາສ ຂອງ ສ.ອາເມຣິກາ ທີ່ຕ້ອງການປົກປ້ອງອິດສະຣາແອນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjaixny-jn4d7iollR1q6BT8ZQrUFjIREy4BnzPSZxL7uMKtoSlPwtlHuwH02ZAMNp2wjQe7I8MuaKnPw-Kc6Fd0F0mkxGDHyK77Qlt-Co0__vWMnrXTxuDoO5H24oMngOkMJnaZh3xLX8/s1600/1315.jpg)
ສຳນັກຂ່າວຕ່າງປະເທດລາຍງານເມື່ອວັນທີ 1 ມິຖຸນາ 2018 ທີ່ຜ່ານມາວ່າ: ກອງປະຊຸມຄະນະມົນຕີຄວາມໝັ້ນຄົງແຫ່ງສະຫະປະຊາຊາດ (UNSC) ໄດ້ລົງຄະແນນສຽງຕໍ່ຮ່າງມະຕິທີ່ສະເໜີໂດຍສະຫະລັດ ອາເມຣິກາ ທີ່ຕ້ອງການປະນາມສະຖານະການຄວາມຮຸນແຮງໃນເຂດກາຊາ ວ່າເປັນຜົນມາຈາກການກະທຳຂອງກຸ່ມຮາມາສ ແລະ ປົກປ້ອງອິດສະຣາແອນ ບໍ່ໄດ້ຮັບການຮອບຮອງ ໂດຍມີການງົດອອກສຽງ 11 ສຽງ, ຄັດຄ້ານ 3 ສຽງ ຄື: ໂບລີວີ, ກູເວດ ແລະ ລັດເຊຍເຊິ່ງເປັນສະມາຊິກຖາວອນ ບໍ່ຜ່ານຮ່າງມະຕິດັ່ງກ່າວ, ເຊິ່ງການປະນາມກຸ່ມຮາມາສວ່າເປັນຜູ້ຢູ່ເບື້ອງຫຼັງສະຖານະການຄວາມຮຸນແຮງໃນເຂດກາຊາ ທີ່ແກ້ຍາວມາໄດ້ປະມານ 2 ເດືອນແລ້ວນັ້ນ ເພາະຕ້ອງການຢືນຢັນວ່າອິດສະຣາແອນໃຊ້ສິດຕາມກົດໝາຍໃນການປົກປ້ອງເຂດແດນ ແນ່ນອນວ່າມີພຽງສະຫະລັດ ອາເມຣິກາ ເທົ່ານັ້ນທີ່ຍົກມືສະໜັບສະໜູນຮ່າງມະຕິຂອງຕົນເອງ ແລະ ທ່ານ ນາງ ນິກກີ ເຮລີ ເອກອັກຄະລັດຖະທູດສະຫະລັດ ອາເມຣິກາ ປະຈຳສະຫະປະຊາຊາດ ກ່າວຕຳໜິກອງປະຊຸມວ່າ ມີອັກຄະຕິຕໍ່ອິດສະຣາແອນ.
![](https://blogger.googleusercontent.com/img/b/R29vZ2xl/AVvXsEgkLjp9TcozN8WetBt4dcFRXxWkwleCbBdPZ7DVrJ4FU0WqgquuZv-j7qhGYGzuFH7EeuMOpCG3S3oVMfkWHV67LN4FbGjRo41apYLqxZAnD9B3etZI9QpGB928pp4-3vOri2wY3bstrgk/s1600/1314.jpg)
ແຕ່ກ່ອນໜ້ານັ້ນພຽງບໍ່ພໍເທົ່າໃດນາທີ ທ່ານ ນາງ ນິກກີ ເຮລີ ໃນຖານະຜູ້ແທນຂອງສະຫະລັດ ອາເມຣິກາ ເຊິ່ງເປັນສະມາຊິກຖາວອນ ໄດ້ໃຊ້ສິດຢຸດຢັ້ງປະຕິເສດຮ່າງມະຕິຂອງກູເວດ ເຊິ່ງສະເໜີໃນນາມຜູ້ແທນຂອງປະຊາຄົມອາຣັບ ຮຽກຮ້ອງໃຫ້ມີການຕັ້ງຄະນະກຳມາທິການພິເສດ ເພື່ອຄຸ້ມຄອງປະຊາຊົນປາເລສໄຕ (ປາແລັດສະຕິນ) ເຖິງຢ່າງໃດກໍ່ຕາມ, ຮ່າງມະຕິຂອງກູເວດໄດ້ຮັບການສະໜັບສະໜູນຈາກສະມາຊິກ 10 ປະເທດ ລວມເຖິງຝຣັ່ງ, ຈີນ ແລະ ລັດເຊຍ ເຊິ່ງເປັນສະມາຊິກຖາວອນ ໃນຂະນະທີ່ອັງກິດງົດອອກສຽງ.
![](https://blogger.googleusercontent.com/img/b/R29vZ2xl/AVvXsEjKv5ZOB3w6SfEPZilYKELsXb9T5DswekmptO-MIIBeNpt92hPWKHBZ2wqJNC0Us9Youn-R3WX-ogy4-wlWEsaBe4e2JWfzjzqpBbtBvnAL7ZFvWFj1LqZDBHq4ysFXqDSoqTlWF-OKni0/s1600/1313.jpg)
ໃນດ້ານຂອງທ່ານ ມານຊູ ອັນ-ໂອໄທບີ ເອກອັກຄະລັດຖະມທູດກູເວດປະຈຳສະຫະປະຊາຊາດ ກ່າວວ່າການໃຊ້ສິດຢຸດຢັ້ງ ເພື່ອປະຕິເສດບໍ່ໃຫ້ຮ່າງມະຕິດັ່ງກ່າວຖືກຮັບຮອງຂອງສະຫະລັດ ອາເມຣິກາບໍ່ພຽງແຕ່ຈະຍິ່ງເພີ່ມຄວາມໝົດຫວັງໃຫ້ກັບປະຊາຊົນປາເລດໄຕ ແຕ່ໃນເວລດຽວກັນຈະຍິ່ງກະຕຸ້ນໃຫ້ສະຖານະການຄວາມຮຸນແຮງແກ່ຍາວອີກຕໍ່ໄປອີກ, ໂດຍຈຳນວນຜູ້ເສຍຊີວິດຈາກເຫດປະທະລະຫວ່າງປະຊາຊົນປາເລສໄຕ ກັບ ເຈົ້າໜ້າທີ່ຝ່າຍຄວາມໝັ້ນຄົງຂອງອິດສະຣາແອນ ຕັ້ງແຕ່ວັນທີ 30 ມີນາ 2018 ທີ່ຜ່ານມາ ມີຢ່າງໜ້ອຍ 123 ຄົນ ໃນຈຳນວນນີ້ຢ່າງໜ້ອຍ 60 ຄົນເສຍຊີວິດໃນການປະທະນອງເລືອດສະເພາະໃນວັນທີ 14 ພຶດສະພາ ທີ່ຜ່ານມາ ເຊິ່ງເປັນມື້ເປີດສະຖານທູດສະຫະລັດ ອາເມຣິກາ ປະຈຳນະຄອນເຢຣູຊາເລມ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ