ຈີນເລັ່ງລະດົມທຸກກຳລັງຊ່ວຍ ສປປ.ລາວ ຈາກໄພເຂື່ອນແຕກ ຫຼ້າສຸດມອບການຊ່ວຍເຫຼືອມູນຄ່າ 24 ກວ່າຕື້ກີບ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhn96uLynbKYrBTrGddsNrR5EHI26bixbaPKTE5P1ehSKvkqPgtUg9FtDsYiC5X26cE8jjmhUW2lgqkCE989SK0g8r-Soho9xOt_Bw_bzSsrCQ52KV7gZOjbbG1e6finX6jHkYT1a73lmA/s1600/1885.jpg)
ສຳນັກຂ່າວສານປະເທດລາຍງານເມື່ອວັນທີ 30 ກໍລະກົດ 2018 ທີ່ຜ່ານມາວ່າ: ລັດຖະບານຈີນໄດ້ລົງນາມເພື່ອມອບເຄື່ອງຊ່ວຍເຫຼືອໃຫ້ແກ່ ສປປ.ລາວ ເພື່ອນຳໄປຊ່ວຍເຫຼືອຜູ້ປະສົບໄພພິບັດເຂື່ອນເຊປຽນ-ເຊນ້ຳນ້ອຍແຕກ ທີ່ເມືອງສະໜາມໄຊ ແຂວງອັດຕະປື.
ອຸປະກອນທີ່ນຳມາຊ່ວຍເຫຼືອໃນຄັ້ງນີ້ ປະກອບມີ: ເຕັ້ນ 500 ອັນ, ຜ້າຫົ່ມ 1,000 ຜືນ, ມຸ້ງ 1,000 ດາງ, ເຮືອ 100 ລຳ ແລະ ເຄື່ອງກອງນ້ຳ 100 ຊຸດ ລວມມູນຄ່າທັງໝົດປະມານ 24.6 ຕື້ກີບ (20 ລ້ານຢວນ) ໂດຍໄດ້ແບ່ງອອກເປັນ 2 ງວດ, ເຊິ່ງວດທຳອິດໄດ້ຂົນສົ່ງມາເຖິງສະໜາມສາກົນວັດໄຕ ນະຄອນຫຼວງວຽງຈັນແລ້ວ ເມື່ອຕອນບ້ານຂອງວັນທີ 30 ກໍລະກົດ ທີ່ຜ່ານມາ, ສ່ວນງວດທີສອງແມ່ນຈະມາຮອດໃນວັນທີ 31 ກໍລະກົດນີ້ ໂດຍແມ່ນບໍລິສັດນຳເຂົ້າ-ສົ່ງອອກເຄື່ອງກົນຈັກແຂວງເຫີເປີຍ ຈຳກັດ ເປັນຜູ້ຮັບຜິດການຈັດຕັ້ງປະຕິບັດຕົວຈິງ.
![](https://blogger.googleusercontent.com/img/b/R29vZ2xl/AVvXsEjHmk88lQkMXET0ZckoHxpJb7VC8RlaZYVB-Mgl08V7JAOscp-SJovFOvMBnBnUb8x2GcH3UQfpMdyuW_rS-rQmjFkUl3jWUDZgbdNs3D1maf6hY0n7R8t55HUhmMTvQdz7H_Vc7rmGDz4/s1600/1888.jpg)
ໃຫ້ກຽດລົງນາມໃນຄັ້ງນີ້, ເຊິ່ງຕາງໜ້າໃຫ້ລັດຖະບານລາວໂດຍທ່ານ ນາງ ໃບຄຳ ຂັນທິຍະ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ແລະ ຕາງໜ້າໃຫ້ລັດຖະບານຈີນ ໂດຍທ່ານ ຫວາງ ເວີນ ທຽນ ເອກອັກຄະລັດຖະທູດຈີນ ປະຈຳ ສປປ.ລາວ ການຊ່ວຍເຫຼືອໃນຄັ້ງນີ້ ເປັນການຊ່ວຍເຫຼື້ອດ້ານມະນຸດສະທຳ ໃຫ້ແກ່ລັດຖະບານ ສປປ.ລາວ ທັງນີ້ກໍ່ເພື່ອເປັນການສະແດງເຖິງນ້ຳໃຈໄມຕີຈິດມິດຕະພາບຂອງລັດຖະບານ ແລະ ປະຊາຊົນຈີນ ທີ່ມີຕໍ່ລັດຖະບານ ແລະ ປະຊາຊົນລາວ.
![](https://blogger.googleusercontent.com/img/b/R29vZ2xl/AVvXsEigIaOAjseIApvQFGbIUb0zR-iyRhWRvRZ18C03a3cys8NeY0hyphenhyphenP1nZQWpf4aLpKWvnRG5uuiDpBV6GCn0OA7e7sZc0wScHe4QW_-bhaphEYz-2c13T-rOumrFyBJeQ7ERe1PAqgIw2UoY/s1600/1893.jpg)
ໃນໂອກາດດັ່ງກ່າວ, ທ່ານ ຫວາງ ເວີນ ທຽນ ກໍ່ໄດ້ສະແດງຄວາມເສົ້າສະຫຼົດໃຈຢ່າງສຸດຊຶ້ງ ຕໍ່ພີ່ນ້ອງປະຊາຊົນລາວທີ່ເສຍຊີວິດ ແລະ ສະແດງຄວາມເຫັນອົກເຫັນໃຈຢ່າງຈິງໃຈ ຕໍ່ຄອບຄົວຜູ້ເສຍຊີວິດ ແລະ ບາດເຈັບ, ພ້ອມທັງສະແດງຄວາມເຊື່ອໝັ້ນວ່າ ພາຍໃຕ້ການນຳພາອັນເຂັ້ມແຂງຂອງພັກ ແລະ ລັດຖະບານລາວ ປະຊາຊົນລາວຜູ້ປະສົບໄພຈະສາມາດຜ່ານຜ່າຄວາມຫຍຸ້ງຍາກໄດ້ຢ່າງແນ່ນອນ, ພ້ອມທັງຟື້ນຟູການຜະລິດ ແລະ ຊີວິດການເປັນຢູ່ໃຫ້ຄືນສູ່ຄວາມເປັນປົກກະຕິໂດຍໄວ.
ທ່ານ ນາງ ໃບຄຳ ຂັດທິຍະ ກໍ່ໄດ້ກ່າວສະແດງຄວາມຂອບໃຈ ແລະ ຮູ້ບຸນຄຸນມາຍັງລັດຖະບານ ແລະ ປະຊາຊົນຈີນ ຕໍ່ກັບການຊ່ວຍເຫຼືອຄັ້ງນີ້ ພ້ອມທັງໃຫ້ຄຳໝັ້ນສັນຍາວ່າ ຈະນຳເອົາອຸປະກອນການຊ່ວຍເຫຼືອດັ່ງກ່າວ ສົ່ງໄປຮອດໄປເຖິງຜູ້ປະສົບໄພຢ່າງທົ່ວເຖິງ ແລະ ທັນການ.
![](https://blogger.googleusercontent.com/img/b/R29vZ2xl/AVvXsEjlg3BI33CU8T-msFINr8tleZ4C7FPVeave6_srdLohT36uT4oMX-EzKHcAYNGNlEEY0IPmSQJ1V9g7rS8acZ3VzqsMLmstpJ43wCeOhNAHjaBlaw1CgyEpwLSEqRaYiiNCC2IVpjES_zk/s1600/1886.jpg)
![](https://blogger.googleusercontent.com/img/b/R29vZ2xl/AVvXsEg7McKws2R1L4zuIpmOILG0Q0j8ZjBJ-xWCvy5HGzepDo1bgHav1Jd_73bFc_o1qj2yfhkv_tRU2wm2Rd3mt8T3LryJi1HgnICaYUCQkkkTGxjMtrE2tzf1CXIooiK2Lw1LymAE7xAtr2w/s1600/1887.jpg)
![](https://blogger.googleusercontent.com/img/b/R29vZ2xl/AVvXsEhyFgUaZFRjLyQT4VTr3w4w5pRDFIwU20fjFTzOzcUUF5VNGT6uybLg4NcNJynbd-DSKmy-QXlZ0yMb2NcmusUOlG9lgV1W-V2B9qx3lPHSwse9lDGE2bJdMID3lZGFIbbnDO09VgCmVHM/s1600/1890.jpg)
![](https://blogger.googleusercontent.com/img/b/R29vZ2xl/AVvXsEjuSUMqe7-RuGzxdJKAVKVZ3bgWydsdjkAVFVPrVb7HYedsDxlOtObkuJb2qHN5h8rHLay5jY_pARCAxcb7SvstwUYqj4hnZNTlnqzHf_s8uaDUaJEmXJe8fCydf9NbCUKgl97Cgy9sh9E/s1600/1891.jpg)
![](https://blogger.googleusercontent.com/img/b/R29vZ2xl/AVvXsEiZvVTUC9yGSHVVZo1H73HSCzL1-GgDJtgNBxKYqxPqbFdXTVrqs5WsL8_VdTFBkY6-_BfoT-ZLjOjaVk6xdqu0DVDNnC8fBlDxdTlbe4AJSydlNX6d_QGGJgZL4qBpuwc6Lv4AEWaIRS0/s1600/1892.jpg)
![](https://blogger.googleusercontent.com/img/b/R29vZ2xl/AVvXsEjAmHZ8CPh3FV3jP2HVRzIMy33wZ_2aUASg0MeMid53eCWcxoI0Y60J0_74gtH-sv22DAj-eAPoVk-eLI55tlN_jqoC3fWO8IHZjD1Wz3rEhgMSXDPDyXR74d_HC-4TgRhXhAT8SR68qiE/s1600/1889.jpg)
![](https://blogger.googleusercontent.com/img/b/R29vZ2xl/AVvXsEigoH3rYGdjaVFtTwNt0jLabn52m8oBmwdmG3m7e50z4AhaAvFA4tAKDW9vfcQRYm4MY24Z5mtFFqvdScCx7F1VaTAWslcaFiXvZM_zR1kSytz_Ir5wP6PIUXtM6fV5c9gde_ioD9liygE/s1600/1894.jpg)
![](https://blogger.googleusercontent.com/img/b/R29vZ2xl/AVvXsEi47XraFE50tLIht47N5RyKBuPK8ZZJ8wc_UbQ5DX_ZFm9XRBVF98amV7aPEJt6rL83CuOUA6SshZjKTuHTh-rVUuXBI81pZTtv6ArCQKTdGBEQHoxxjRHzIvM1L2Gal6dZzaTT8N4OWp8/s1600/1895.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ