ອິດສະຣາແອນ ໂຈມຕີເຂດກາຊາຢ່າງໜັກໜ່ວງກວ່າ 150 ຈຸດຕອບໂຕ້ກຸ່ມຮາມາສຍິງຈະຫຼວດເຂົ້າປະເທດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEgKdsJrpPU0F4Y1DgW8nY8zHDnZXo_4gN6fBy6nr1ZxKTvMP33UhUicRpHXlFRdpkZ85DWPv_U_a90rLS2oUywok3ct4Hr2e4RWIQN5MhvEiKNpS4P-EX-in73UNq2Q-5dV6YJwOuI4CV8/s1600/000_1883VT.jpg)
ສຳນັກຂ່າວຕ່າງປະເທດລາຍງານ 9 ສິງຫາ 2018 ວ່າ: ກອງກຳລັງປ້ອງກັນອິດສະຣາແອນ ອອກຖະແຫຼງການວ່າ ໄດ້ປະຕິບັດການໂຈມຕີທາງອາກາດຕໍ່ເປົ້າມາຍຫຼາຍກວ່າ 150 ຈຸດທົ່ວເຂດກາຊາ ຂອງປາແລດສະຕິນ ລະຫວ່າງຄືນວັນພຸດເຖິງຕອນເຊົ້າມືດວັນພະຫັດນີ້ ຕາມເວລາທ້ອງຖິ່ນ ເພື່ອຕອບໂຕ້ກຸ່ມຮາມາດສະດົມຍິງຈະຫຼວດຫຼາຍກວ່າ 180 ລູກ ຂ້າມຊາຍແດນຈາກເຂດກາຊາໄປຍັງອິດສະຣາແອນ ໂດຍກອງກຳລັງປ້ອງກັນອິດສະຣາແອນຢືນຢັນວ່າ ລະບົບປ້ອງກັນໄພທາງອາກາດ Iron Dome ສາມາດປ້ອງກັນການໂຈມຕີຂອງຈະຫຼວດໄດ້ຫຼາຍກວ່າ 30 ລູກ, ເຖິງແມ່ນວ່າຈະຫຼວດທີ່ເຫຼືອເກືອບທັງໝົດຈະຕົກລົງໃນພື້ນທີ່ຫ່າງໄກຈາກເຂດຊຸມຊົນ ແຕ່ມີຈະຫຼວດ 6 ລູກຕົກໃນເມືອງສະເດຣັອດ ທີ່ຢູ່ທາງພາກໃຕ້ສຸດຂອງປະເທດອິດສະຣາແອນ ເປັນເຫດໃຫ້ມີຜູ້ໄດ້ຮັບບາດເຈັບ 11 ຄົນ ໜຶ່ງໃນນັ້ນເປັນຜູ້ຍິງ ແລະ ມີອາກາດສາຫັດ.
![](https://blogger.googleusercontent.com/img/b/R29vZ2xl/AVvXsEh9Git47wUX2e_ltJc8FAEnnJfEWlcQDhZk-htrQtiG4u0IBbMHJbwEg4FnL-mbBDtEwIByhL0a4QOw9QekELS8TZoY8Roi3CmC2xPc5CUVzfsMjp2I9R10O7Y0scXvBzGvmFdW-8CqI68/s1600/000_1883WB.jpg)
ເຊິ່ງຖະແຫຼງການຂອງກອງກຳລັງປ້ອງກັນກິດສະຣາແອນລະບຸວ່າ ປະຕິບັດການທາງທະຫານຄັ້ງນີ້ “ຍັງບໍ່ຈົບ” ໃນເວລາດຽວກັນ ກະຊວງສາທາລະນະສຸກຂອງປາແລັດສະຕິນລາຍງານວ່າປະຕິບັດການໂຈມຕີທາງອາກາດຂອງອິດສະຣາແອນສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 3 ຄົນ, ເປັນຜູ້ຍິງອາຍຸ 23 ປີ ເສຍຊີວິດພ້ອມລູກໃນທ້ອງທີ່ມີອາຍຸພຽງ 1 ເດືອນເຄິ່ງ ແລະ ທ້າວ ອາລີ ອັນຣັນດູ ອາຍຸ 30 ປີ ລູກຊາຍຂອງໜຶ່ງໃນແກນນຳກຸ່ມ ອິສ ອັນ-ດິນ-ອັນກັສຊຳ ເຊິ່ງເປັນໜຶ່ງໃນກຸ່ມຕິດອາວຸດໃນເຄືອຂ່າຍຂອງກຸ່ມຮາມາສ, ນອກຈາກນັ້ນມີຜູ້ໄດ້ຮັບບາດເຈັບອີກຢ່າງໜ້ອຍ 12 ຄົນ.
![](https://blogger.googleusercontent.com/img/b/R29vZ2xl/AVvXsEj-DAx39yNexr53QhKNOaWl776vYYycktjdHLDDiEqtbRCG9DSGVjqLFLrwhHvorHgsMNVo6IuU659WwYAcbYSoeF1bzOjPNGDPETCZb8RVWSmXg5djfjU1HlyaKXl5SC-ZniML_-NGwcM/s1600/000_1885YY.jpg)
ຂະນະທີ່ທ່ານ ເບນຈາມິນ ເນທັນຢາຮູ ນາຍົກລັດຖະມົນຕີອິດສະຣາແອນ ໄດ້ຮຽກປະຊຸມສຸກເສີນໜ່ວຍງານດ້ານຄວາມໝັ້ນຄົງ ເນື່ອງຈາກເປັນການໂຈມຕີຕອບໂຕ້ກັນຢ່າງດຸເດືອດລະຫວ່າງກອງທັບອິດສະຣາແອນກັບກຸ່ມຮາມາສ ເປັນຄັ້ງທີ 3 ແລ້ວ ນັບຕັ້ງແຕ່ເດືອນກໍລະກົດທີ່ຜ່ານມາ, ເຖິງແມ່ນວ່າລັດຖະບານເອຢິບ ຈະພະຍາຍາມເຮັດໜ້າທີ່ເປັນຜູ້ໄກ່ເກ່ຍໃຫ້ມີການຢຸດຍິງໃນໄລຍະຍາວ ແຕ່ຍັງບໍ່ມີຄວາມຄືບໜ້າປານໃດ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ