ຈີນສະເໜີໃຫ້ມີການຊ້ອມຮົບ ແລະ ສຳຫຼວດຊັບພະຍາກອນຮ່ວມກັນໃນທະເລຈີນໃຕ້ກັບອາຊຽນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiALcSh-Lkc8cAqh7ungUi02xnmN48MqVlFA3Ug5l9sP_27MjcTuCPNqQ0ljJjfUSEwDxzZgT8_sohBiUOtL3vWp0_UzuxHU4ByHMahbTsJ6hky1c7eYQ6EO-KRMc_uIGJXEKDNwFcmTTE/s1600/000_1830R1.jpg)
![](https://blogger.googleusercontent.com/img/b/R29vZ2xl/AVvXsEg47hLHAz15IE34ylDiOmbb8OMg8lLX5J-xlm_kNW6a5gG9CCe8ULt29n-557g6er7Vs-QEv3TYceLFm-CkRHMhjwxi1zlybFI4v8ngpJAo2Zc_3kWEoZPQSJKbBDGp3D9Jxq4094Zq7H8/s1600/000_18295D.jpg)
ເຊິ່ງມະຕິທີ່ໄດ້ຮັບຄວາມເຫັນດີດັ່ງກ່າວ ຈະຖືເປັນແນວທາງຂອງການເຈລະຈາໃນຕໍ່ໜ້າ ເຖິງແມ່ນວ່າສິງກະໂປຂໍສະຫງວນຂໍ້ມູນໂດຍລວມໄວ້ກ່ອນ ແຕ່ມີການລາຍງານວ່າຮ່າງເອກະສານສະແດງໃຫ້ເຫັນເຖິງທັດສະນະຂອງແຕ່ລະປະເທດໃນບັນຫາທະເລຈີນໃຕ້ ແລະ ທ່າທີຂອງແຕ່ລະຝ່າຍໃນການຕໍ່ລອງ, ໂດຍຫວຽດນາມສະແດງຈຸດຢືນຊັດເຈນທີ່ສຸດ ດ້ວຍການຢຶດໝັ້ນວ່າ “ທຸກປະເທດ” ຕ້ອງຢຸດຕິກິດຈະກຳທາງການທະຫານ ແລະ ການຖົມທະເລເພື່ອສ້າງເກາະທຽມໃນທະເລຈີນໃຕ້, ເຖິງຢ່າງໃດກໍ່ຕາມທ່າທີຂອງສະມາຊິກອາຊຽນອີກ 9 ປະເທດທີ່ເຫຼືອຜັດຍັງບໍ່ຊັດເຈນພຽງພໍ ທີ່ຈະບົ່ງຊີ້ເຖິງຄວາມໄດ້ປຽບ ແລະ ອິດທິພົນຂອງລັດຖະບານຈີນທີ່ຍັງຄົງຢູ່ໃນລະດັບທີ່ເໜືອກວ່າ.
![](https://blogger.googleusercontent.com/img/b/R29vZ2xl/AVvXsEhkT13ECP5pwtSfNMG7dUc3UkpvYyR5e9qWd538-HAZoyfzJHVExZfEQF2oyW1RnvtS-N6lf_kPz-r9Ta6GKNO6GGTO5WzXDP8mQnDHcRsYROD73tpIQkJbmagx24Kkapmg1oXaVVhHTK8/s1600/000_1831RO.jpg)
ຂະນະທີ່ໃນສ່ວນຂອງຂໍ້ສະເໜີຂອງຈີນ ເພື່ອຜ່ອນຄາຍຄວາມຂັດແຍ່ງທາງທະເລກັບອາຊຽນ ມີທັງການສະເໜີໃຫ້ຊ້ອມຮົບທາງທະເລຮ່ວມກັນ ແລະ ການຈັດຕັ້ງໂຄງການການຮ່ວມມືສຳຫຼວດຊັບພະຍາກອນທຳມະຊາດໃນທະເລຈີນໃຕ້ຮ່ວມກັນ ແຕ່ມີຫຼາຍຝ່າຍຕີລາຄາວ່າ ອາດເປັນເຈດຕະນາແອບແຝງຂອງຈີນ ເພື່ອເພີ່ມການແຊກແຊງເຂົ້າສູ່ທະເລຈີນໃຕ້ຫຼາຍຂຶ້ນ ໂດຍການເຈລະຈາ COC ຖືວ່າເປັນການຕໍ່ຍອດຈາກປະຕິຍານວ່າດ້ວຍທາງປະຕິບັດຂອງພາຄີໃນທະເລຈີນໃຕ້ (DOC) ວ່າດ້ວຍການຈັດການດ້ານຄວາມໝັ້ນຄົງໃນທະເລຈີນໃຕ້ ທີ່ມີການລົງນາມຮ່ວມກັນເມື່ອປີ 2002.
ເຖິງຢ່າງໃດກໍ່ຕາມ ແນວທາງປະຕິບັດຕາມເອກະສານດັ່ງກ່າວເກືອບບໍ່ໄດ້ຮັບການຕອບສະໜອງຈາກປະເທດທີ່ຮ່ວມລົງນາມ ເຊິ່ງຍັງຄົງມີການຖົມທະເລເພື່ອກໍ່ສ້າງເກາະທຽມຢູ່ ແລະ ຍັງມີການປຸກສ້າງຢູ່ເກາະທຽມເຫຼົ່ານັ້ນ ທັງຍັງມີການເດີນໜ້າສຳຫຼວດແຫ່ງພະລັງງານ ແລະ ມີການເຮັດການປະມົງຢູ່ບໍລິເວນອານາເຂດທາງທະເລທີ່ມີຄວາມຂັດແຍ່ງກັນ, ຂະນະທີ່ທັງຈີນ ແລະ ອາຊຽນຕ່າງກໍ່ຍັງບໍ່ສະແດງທ່າທີຕໍ່ກຳນົດກອບໄລຍະເວລາທີ່ຊັດເຈນສຳລັບການຮ່າງ COC.
![](https://blogger.googleusercontent.com/img/b/R29vZ2xl/AVvXsEhIrbf9NvAFZ1L-A_ayKTsOv_k3XpTodhw4zRmdedARI1KCfvuOQTV0zqk2gL7ke9DL9BrKBae8UAA54Ae4GLZadnSmvq7pe0mY970b49UNDEb7vcIC6Ax6MciTi7M_Q4Ov6o9dmZ2qLLA/s1600/000_1830QG.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ