ອີຣານກ່າວວ່າ ສ.ອາເມຣິກາ ເສບຕິດມາດຕະການຂວໍ້າບາດ
ສຳນັກຂ່າວຕ່າງປະເທດລາຍງານ 21 ສິງຫາ 2018 ວ່າ: ທ່ານ ໂມຣຳໝັດ ຈາວາດ ຊາຣີບ ລັດຖະມົນຕີກະຊວງການຕ່າງປະເທດອີຣານ ກ່າວເມື່ອວັນຈັນທີ່ຜ່ານມາວ່າ: ລັດຖະບານສະຫະລັດ ອາເມຣິກາປ່ວຍເປັນໂລກເສບຕິດມາດຕະການຂວ້ຳບາດ ເຖິງແມ່ນວ່າລັດຖະບານສະຫະລັດ ອາເມຣິກາ ໃນສະໄໝການນຳຂອງທ່ານ ບາຣັກ ໂອບາມາ ຈະຜ່ອນຄາຍມາດຕະການຂວໍ້າບາດຫຼາຍດ້ານຕໍ່ອີຣານ ຕາມແນວທາງປະຕິບັດຂອງຂໍ້ຕົກລົງນິວເຄຼຍສະບັບປີ 2015 ແຕ່ໃນທາງປະຕິບັດ ລັດຖະບານພາຍໃຕ້ການນຳຂອງທ່ານ ບາຣັກ ໂອບາມາ ກໍ່ຍັງໃຫ້ຄວາມສຳຄັນກັບມາດຕະກາຂວໍ້າບາດທີ່ຍັງບໍ່ໄດ້ຜ່ອນຄາຍ ຫຼື ຍົກເລີກ ແທນທີ່ຈະໃສ່ໃຈຕໍ່ການຟື້ນຟູສາຍພົວພັນກັບອີຣານ ໂອຍອາໄສໂອກາດຈາກມາດຕະການທີ່ຍົກເລີກໄປແລ້ວ.
In an exclusive interview with CNN, Iranian Foreign Minister Zarif says the US is addicted to sanctions https://t.co/43wwHHPsDN pic.twitter.com/Rz7yr1YdW8— CNN Politics (@CNNPolitics) August 20, 2018
ຕໍ່ຂໍ້ຊັກຖາມທີ່ວ່າ ແລ້ວທ່ານ ຮັສຊັນ ໂຣຮານີ ປະທານປະເທດອີຣານ ຈະມີໂອກາດໄດ້ພົບປະຫາລືກັບຜູ້ນຳສະຫະລັດ ອາເມຣິກາຫຼືບໍ່? ພາຍຫຼັງທີ່ກ່ອນໜ້ານັ້ນທ່ານ ໂດໂນ ທຣຳ ເຄີຍກ່າວວ່າທ່ານມີຄວາມພ້ອມແບບບໍ່ມີເງື່ອນໄຂ ໃນການພົບປະຫາລືກັບຜູ້ນຳອີຣານ, ທ່ານ ໂມຣຳໝັດ ຈາວາດ ຊາຣີບ ກ່າວວ່າ ລັດຖະບານສະຫະລັດ ອາເມຣິກາຄວນເຄົາລົບຕໍ່ຂໍ້ຕົກລົງນິວເຄຼຍກ່ອນ ແຕ່ຍອມຮັບວ່າມາດຕະການກົດດັນທາງເສດຖະກິດຂອງສະຫະລັດ ອາເມຣິກາສົ່ງຜົນກະທົບຕໍ່ຄຸນນະພາບຊີວິດຂອງປະຊາຊົນອີຣານ ໂດຍສະເພາະໃນດ້ານການເຂົ້າເຖິງລະບົບສາທາລະນະສຸກ ແລະ ພາກກະສິກຳ, ຂະນະທີ່ຕໍ່ມາກະຊວງການຕ່າງປະເທດສະຫະລັດ ອາເມຣິກາ ປະຕິເສດ ໂດຍກ່າວວ່າລັດຖະບານສະຫະລັດ ອາເມຣິກາ ບໍ່ເຄີຍກົດດັນອີຣານໃນເລື່ອງນີ້.
ໃນອີກດ້ານໜຶ່ງ ສຳນັກຂ່າວທາສນິມຂອງທາງການອີຣານ ລາຍງານວ່າທ່ານ ຮັສຊັນ ໂຣຮານີ ໄດ້ເຂົ້າຮ່ວມພິທີເປີດຕົວຍົນຂັບໄລ່ລຸ້ນໃໝ່ຊື່ Kowsar ເຊິ່ງເປັນຍົນທີ່ໄດ້ຮັບການອອກແບບ ແລະ ຜະລິດຂຶ້ນເອງພາຍໃນປະເທດ.
ສະແດງຄວາມຄິດເຫັນ