ອາຊຽນ-ອີຣານ ລົງນາມໃນສົນທິສັນຍາມິດຕະພາບ ແລະ ການຮ່ວມມືຮ່ວມກັນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhzJ8hL-ZpaejByQX-CJHl0UivpX_t3h7Dz8XwC70c8du30tvc1pLhN4TiAofl9Tm9Yv9Mo9QbZaaybm49nLtiC-fySKbH9d8beGPR1J_TpWFfzP85_PG3NFMaRWSn4bcD-Kv3OCW_vJLE/s1600/000_1831X0.jpg)
ສຳນັກຂ່າວຕ່າງປະເທດລາຍງານ 3 ສິງຫາ 2018 ວ່າ: ລັດຖະມົນຕີກະຊວງການຕ່າງປະເທດຂອງທັງ 10 ປະເທດສະມາຊິກອາຊຽນ ແລະ ທ່ານ ໂມຮຳໝັດ ຈາວາດ ຊາຣີບ ລັດຖະມົນຕີກະຊວງການຕ່າງປະເທດອີຣານ ໄດ້ລົງນາມຮ່ວມກັນໃນການຮັບເອົາລັດຖະບານອີຣານເຂົ້າເປັນພາຄີຂອງສົນທິສັນຍາມິດຕະພາບ ແລະ ການຮ່ວມມືໃນພູມມິພາກອາຊີຕາເວັນອອກສຽງໃຕ້ ໃນກອງປະຊຸມປະຈຳປີ ທີ່ປະເທດສິງກະໂປ ເມື່ອວັນທີ 2 ສິງຫາ ທີ່ຜ່ານມາ.
![](https://blogger.googleusercontent.com/img/b/R29vZ2xl/AVvXsEjIUWVN-7jGXDWT6eei9QiJgRyDC21KQ2GmI9ehEBDjKLnYSDWqMtPTm5xmrAIDUy2zK56AdH-VvruI9YSIm4li6A9atp-dsz6HaBf49ekdBnwUpEMcPH51L1Wr2rQmn8RWep_aC8ryEeQ/s1600/000_1831X5.jpg)
ເຊິ່ງສົນທິສັນຍາດັ່ງກ່າວຖືເປັນຫຼັກການພື້ນຖານຂອງການຮ່ວມມືລະຫວ່າງສະມາຊິກອາຊຽນ ແລະ ລະຫວ່າງອາຊຽນ ກັບປະເທດຄູ່ເຈລະຈາທີ່ຮ່ວມລົງນາມ ໂດຍສະມາຊິກຮ່ວມກໍ່ຕັ້ງອາຊຽນ 5 ປະເທດໄດ້ແກ່: ອິນໂດເນເຊຍ, ຟິລິບປິນ, ມາເລເຊຍ, ສິງກະໂປ ແລະ ໄທ ໄດ້ລົງນາມຮ່ວມກັນເມື່ອປີ 1976 ມີເນື້ອໃນສຳຄັນຄືການເຄົາລົບອະທິປະໄຕເຊິ່ງກັນ ແລະ ກັນ, ບໍ່ແຊກແຊງວຽກງານພາຍໃນຂອງກັນ ແລະ ກັນ, ການຜ່ອນຄາຍຄວາມຂັດແຍ່ງ ແລະ ການແກ້ໄຂຄວາມຂັດແຍ່ງໂດຍສັນຕິວິທີ ແລະ ການສົ່ງເສີມການຮ່ວມມືລະຫວ່າງກັນຢ່າງມີປະສິດທິພາບ, ຫຼັງຈາກນັ້ນເມື່ອປີ 1987 ໄດ້ມີການແກ້ໄຂສົນທິສັນຍາໃຫ້ປະເທດນອກອາຊຽນຮ່ວມລົງນາມເປັນພາຄີໄດ້ ໂດຍຈີນ ແລະ ອິນເດຍເປັນ 2 ປະເທດທຳອິດທີ່ຮ່ວມລົງນາມເມື່ອປີ 2003, ຂະນະທີ່ລັດເຊຍໄດ້ລົງນາມເມື່ອປີ 2004 ຕໍ່ດ້ວຍສະຫະລັດ ອາເມຣິກາລົງນາມເມື່ອປີ 2007 ແລະ ສະຫະພາບເອີຣົບລົງນາມເມື່ອປີ 2012.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ