ດັງໄປທົ່ວໂລກ “ຂົວຄຳ” ຈຸດຊົມວິວແຫ່ງໃໝ່ຂອງຫວຽດນາມ ດ້ວຍການອອກແບບທີ່ເປັນເອກະລັກ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg4vCli399pxIhsCTCWTS6JUsU0rQDn6I2R0ZHPDVRdimqqumL6AOqtbZpIcGj0xKzNIFK6GKQ_bW67Ra2gLY-gfaU0DVcdRp7S1Amx5Wvfiyj2-UuZxLO-RDKR3kvvICrCL46MPClvvNw/s1600/000_1820DF.jpg)
ຫວຽດນາມຖືເປັນໜຶ່ງໃນປະເທດທີ່ຂຶ້ນຊື່ເລື່ອງການສ້າງຈຸດຂາຍ ເພື່ອດຶງດຸດນັກທ່ອງທ່ຽວ, ຫຼ້າສຸດກໍ່ໄດ້ເຮັດໃຫ້ນັກທ່ອງທ່ຽວຫຼັ່ງໄຫຼໄປທີ່ “ຂົວຄຳ” ຈຸດຊົມວິວແຫ່ງໃໝ່ຂອງຫວຽດນາມ ທີ່ຖືກສ້າງຂຶ້ນທ່າມກາງທຳມະຊາດ ດ້ວຍຄວາມຍາວ 150 ແມັດ ທີ່ Ba Na Hills, ດານັງ ປະເທດຫວຽດນາມ, ເຊິ່ງແຫຼ່ງທ່ອງທ່ຽວດັ່ງກ່າວໄດ້ມີການລົງທຶນສູງເຖິງ 2,000 ລ້ານໂດລາສະຫະລັດ ໂດຍກຸ່ມບໍລິສັດ Sun Group.
ພາບຖ່າຍຂົວຄຳ ກາຍເປັນກະແສໂດ່ງດັງໄປທົ່ວໂລກ ຜ່ານການເຜີຍແຜ່ທາງໂລກອອນລາຍ ເຊິ່ງຜູ້ທີ່ເຫັນຕ່າງກໍ່ພາກັນສະແດງຄວາມຊົມເຊີຍເຖິງການອອກແບບທີ່ເປັນເອກະລັກ ອັນສາມາດດຶງດູດນັກທ່ອງທ່ຽວໄດ້ເປັນຢ່າງດີ ໂດຍເຮັດໃຫ້ນັກທ່ອງທ່ຽວທີ່ມາຢ້ຽມຢາມຂົວດັ່ງກ່າວ ຮູ້ສຶກຄືກັບວ່າກຳລັງຍ່າງຢູ່ເທິງອຸ້ງມືຂະໜາດໃຫຍ່.
Ba Na Hills ໃນອະດີດເຄີຍເປັນປ້ອມຂອງຝຣັ່ງເມື່ອປີ 1919 ທີ່ຖືກພັດທະນາຈົນກາຍມາເປັນແຫຼ່ງທ່ອງທ່ຽວສຳຄັນແຫ່ງໜຶ່ງຂອງຫວຽດນາມ ຈາກການຕົກແຕ່ງສະພາບໃຫ້ຄືກັບຝຣັ່ງໃນຍຸກກາງ ທີ່ມີທັງຫໍປາສາດ, ໂບສ, ສວນທີ່ຕົກແຕ່ງຢ່າງສວຍງາມ ແລະ ພິພິທະພັນຫຸ່ນຂີ້ເຜິ້ງບັນດາຄົນດັງຈາກທົ່ວໂລກ.
![](https://blogger.googleusercontent.com/img/b/R29vZ2xl/AVvXsEhPEs7053R4uKZ39USXSkwipjt856qOkrq6Yu-eVJM-CsEjPLmZf1CW4AlnK1ln0vOQqLmGaRY6FNi35YT5VD-ssdv-fDI2p_hYXMUUmwSdmnI_EI6GYkv7B5vnFUOO4SbCZA46d-Lh8y8/s1600/000_1820E5.jpg)
![](https://blogger.googleusercontent.com/img/b/R29vZ2xl/AVvXsEifcHWuBMfPIt4psMuW_Rf4z-5nHkalDGr5KLhvma9WyKfqMIaDo-qvqmG9SyMKXFaD6wGW07D-QdhukF5E5OQRhMNhz3UqdUN7FY3tYVTcfCr5fnBYaSEmOERYD26BSbmAC0Vq24Q7FWM/s1600/000_1820E4.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ