ງົງສຸດ ຊາຍຊາວຫວຽດນາມກົດເງິນ ໄດ້ເຈ້ຍ ຈາກຕູ້ ATM
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjBlFtvBuJuh6P7xoT5TlvB_3iSdu_M_fusCdIE3SHFKUv6rKQ8fubdEU3KSUWHDKBq-pTSvOjgGjzerSJvK0bIZ-uIbK1CqVXIGJ9ObZKDE9d4kzllU0O0o9aVf2GlIaBDZHpwbMZz62g/s1200/259.jpg)
![](https://blogger.googleusercontent.com/img/b/R29vZ2xl/AVvXsEjBlFtvBuJuh6P7xoT5TlvB_3iSdu_M_fusCdIE3SHFKUv6rKQ8fubdEU3KSUWHDKBq-pTSvOjgGjzerSJvK0bIZ-uIbK1CqVXIGJ9ObZKDE9d4kzllU0O0o9aVf2GlIaBDZHpwbMZz62g/s400/259.jpg)
ສື່ທ້ອງຖິ່ນຂອງຫວຽດນາມລາຍງານວ່າ ໂລກອອນລາຍຮືຮາກໍລະນີຊາຍຄົນໜຶ່ງຖອນເງິນຈາກຕູ້ ATM ທະນາຄານ PVcomBank ໜ້າສູນການຄ້າແຫ່ງໜຶ່ງ ໃນນະຄອນຫຼວງຮາໂນຍ ແຕ່ຜັດໄດ້ເຈ້ຍສີຟ້າທີ່ແຕ່ລະໃບພິມຄຳວ່າ "500.00 VND" ຢູ່ໃນເຈ້ຍ ສ້າງຄວາມມຶນງົງໃຫ້ກັບຊາຍຄົນດັ່ງກ່າວຜູ້ໂຊກຮ້າຍທີ່ສຸດ.
ໃນດ້ານຂອງທະນາຄານ PVcomBank ອອກມາຖະແຫຼງຢືນຢັນວ່າ ເຫດການດັ່ງກ່າວເປັນເລື່ອງຈິງ ເຊິ່ງເກີດຂຶ້ນເມື່ອວັນພຸດ (1 ມີນາ 2017) ແຕ່ອະທິບາຍວ່າ ຊາຍຄົນດັ່ງກ່າວຖອນເງິນຈາກຕູ້ທີ່ຍັງຢູ່ໃນຂັ້ນຕອນການທົດສອບລະບົບ ເຮັດໃຫ້ຍັງບໍ່ມີການເຕີມເງິນເຂົ້າຕູ້ ໂດຍມີແຕ່ຕົວຢ່າງເງິນທີ່ເຮັດຈາກເຈ້ຍເທົ່ານັ້ນ ແລະ ຂະນະທີ່ຕູ້ກົດເງິນດັ່ງກ່າວສາມາດໃຊ້ງານໄດ້ຕາມປົກກະຕິ.
ທະນາຄານຢືນຢັນວ່າ ໄດ້ຕິດຕໍ່ລູກຄ້າຄົນດັ່ງກ່າວໃຫ້ມາຮັບເງິນຕາມຈຳນວນທີ່ລາວຖອນອອກຈາກບັນຊີໃນມື້ທີ່ມີບັນຫາແລ້ວ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ