ຟິລິບປິນໃຊ້ຍຸດທະສາດໂຈມຕີທາງອາກາດ ດ້ວຍການຖິ້ມລະເບີດໃຫ້ກຸ່ມຫົວຮຸນແຮງ ທີ່ຢຶດເມືອງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiXs157foxu1s0RiiEb_mPlvzlIcrKaBdUBBt8fgq-I-FA5yknawCv2tUjo362XTEuRIF82F3-DfYYiLO8PxxhyhrXwRu4nf371oztMuOWMsFT88Pe_LiJDA4hu9N46qKO9KNn7L6rq5j0/s1600/46.jpg)
ສຳນັກຂ່າວຕ່າງປະເທດລາຍງານ 26 ພຶດສະພາ 2017 ວ່າ: ເຫດການບໍ່ສະຫງົບທີ່ເກີດຂຶ້ນຢູ່ເມືອງມາຣາວີ ຢູ່ເກາະມິນດາເນົາ ພາກໃຕ້ຂອງປະເທດຟິລິບປິນ ໂດຍກຸ່ມຕິດອາວຸດຫົວຮຸນແຮງເມົາເຕ ເຊິ່ງປະກາດເຂົ້າຮ່ວມກຸ່ມຫົວຮຸນແຮງ IS ໄດ້ເຂົ້າຢຶດເມືອງມາຣາວີ ສົ່ງຜົນໃຫ້ທ່ານ ໂດດຼິໂກ ດູເຕເຕ ປະທານປະເທດຂອງຟິລິບປິນຕ້ອງໄດ້ປະກາດກົດໄອຍະການເສິກຢູ່ເກາະມິນດາເນົາ.
ເຈົ້າໜ້າທີ່ຟິລິບປິນຍອມຮັບວ່າ ການຢຸດຕິວິກິດໃນຄັ້ງນີ້ບໍ່ແມ່ນເລື່ອງງ່າຍ ເຖິງວ່າຈະຍັງເຫຼືອສະມາຊິກກຸ່ມຕິດອາວຸດປະມານ 30-40 ຄົນ ແຕ່ເຂົາເຈົ້າກໍ່ເຄື່ອນກຳລັງໄດ້ຢ່າງວ່ອງໄວ ຜ່ານທາງບ້ານເຮືອນຂອງປະຊາຊົນທີ່ແອອັດ, ວາງລະເບີດໄວ້ຕາມເສັ້ນທາງ ແລະ ຍັງໄດ້ມີການຈັບຕົວປະກັນສ່ວນໜຶ່ງອີກດ້ວຍ.
ການຍິງປະທະກັນຍັງດັງຂຶ້ນຢ່າງຕໍ່ເນື່ອງຕະຫຼອດ ນອກຈາກນັ້ນແລ້ວທາງກອງທັບຟິລິບປິນຖະແຫຼງວ່າ ກອງທັບໄດ້ໃຊ້ວິທີໂຈມຕີຖິ້ມລະເບີດທາງອາກາດຢ່າງແມ້ນຢຳລົງໄປໃນເຂດເປົ້າໝາຍການຫຼົບຊ້ອນຂອງກຸ່ມຫົວຮຸນແຮງ ເຮັດໃຫ້ສາມາດແນມເຫັນຄວັນລະເບີດຈາກການໂຈມຕີຄັ້ງນີ້ໄດ້.
![](https://blogger.googleusercontent.com/img/b/R29vZ2xl/AVvXsEjhPfKESsGIFpfFiqnss_vOXAaTqzxhNWxjXQT2cc8KB7MQacgV1InBVWs7i2B-bIkV7tm5LF5Dhh8ZimHeYgKvZh3DUl_UK2KYDBe_XB3BoRZACPpWOC7EzwKmugG555EeSwoSHeyxqAA/s1600/45.jpg)
ປະຊາຊົນສ່ວນໃຫຍ່ຂອງເມືອງມາຣາວີ ເຊິ່ງມີປະມານ 200,000 ຄົນ ແລະ ຢູ່ຫ່າງຈາກນະຄອນຫຼວງມະນິລາ 800 ກມ ໄດ້ພາກັນເດີນທາງຫຼົບໜີອອກຈາກເມືອງແລ້ວ ແຕ່ໂຄສົກກອງທັບຟິລິບປິນເຕືອນວ່າ ຫາກຍັງມີປະຊາຊົນຢູ່ໃນເມືອງມາຣາວີກໍ່ຂໍເຕືອນໃຫ້ອອກຈາກເຂດທີ່ມີການໂຈມຕີຖິ້ມລະເບີດທາງອາກາດ ແລະ ການຍິງຕໍ່ສູ່ ຖ້າຈະໃຫ້ດີຂໍໃຫ້ອອກນອກເຂດດັ່ງກ່າວເພື່ອຄວາມປອດໄພ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ