ອາຊຽນ ແລະ ຄູ່ເຈລະຈາ ຈະເພີ່ມທະວີການຮ່ວມມືໃນການປາບປາມອາຊະຍາກຳຂ້າມຊາດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhsHLxcpkozIfG4PzQRBW2MMXQ8F7wJl1P0OwwvOZHKLxhJ6IIIRsWc9IvcxMCNb71JxjCmimfwTCxy06NYrKuWRDE7-ulgvizQeS72_ulXRktocXUtKDvy2OWQdnXG6OHjtU15bOKCPiA/s1600/39.jpg)
ສຳນັກຂ່າວຕ່າງປະເທດລາຍງານຈາກນະຄອນຫຼວງວຽງຈັນ 25 ພຶດສະພາ 2017 ວ່າ: ການປະຊຸມເຈົ້າໜ້າທີ່ອາວຸໂສອາຊຽນດ້ານອາຊະຍາກຳຂ້າມຊາດ ຄັ້ງທີ 17 ທີ່ຈັດຂຶ້ນຢູ່ນະຄອນຫຼວງວຽງຈັນ ສປປ.ລາວ ໂດຍມີຜູ້ແທນຈາກ 10 ປະເທດອາຊຽນ ແລະ ປະເທດຄູ່ເຈລະຈາໄດ້ແກ່: ຈີນ, ຍີ່ປຸ່ນ, ເກົາຫຼີໃຕ້, ອິນເດຍ, ສະຫະພາບເອີຣົບ, ອົດສະຕຣາລີ, ນູແວນເຊລັງ (ນິວຊີແລນ), ລັດເຊຍ, ການາດາ ແລະ ສະຫະລັດອາເມຣິກາ ໂດຍມີເປົ້າໝາຍເພື່ອສົ່ງເສີມການຮ່ວມມືໃນການປາບປາມການກໍ່ອາຊະຍາກຳຂ້າມຊາດດ້ວຍການປັບປຸງການຮັກສາຄວາມໝັ້ນຄົງປອດໄພບໍລິເວນຊາຍແດນ ແລະ ຈຸດກວດກາຄົນເຂົ້າເມືອງທົ່ວພູມມິພາກອາຊຽນ.
ໜັງສືພິມວຽງຈັນທາມລາຍງານໂດຍອ້າງຄຳກ່າວຂອງທ່ານພົນຕີ ສົມແກ້ວ ສີລາວົງ ລັດຖະມົນຕີກະຊວງປ້ອງກັນຄວາມສະຫງົບວ່າ ການປະຊຸມຄັ້ງນີ້ມີຄວາມສຳຄັນ ເຊິ່ງຈະເປັນການທົບທວນໃນເລື່ອງການຮ່ວມມືທີ່ຜ່ານທາລະຫວ່າງຊາດສະມາຊິກອາຊຽນ ແລະ ປະເທດຄູ່ເຈລະຈາ, ພ້ອມທັງຍັງເປັນການປຶກສາຫາລືຮ່ວມກັນກ່ຽວກັບແຜນການໃນອະນາຄົດໃນການສົ່ງເສີມການຮ່ວມມືລະຫວ່າງກັນ ແລະ ກັນ ວ່າອາຊະຍາກຳຂ້າມຊາດຍັງຄົງເປັນໄພຮຸກຮານການພັດທະນາທາງເສດຖະກິດ-ສັງຄົມ ແລະ ຄວາມໝັ້ນຄົງປອດໄພທົ່ວພູມມິພາກອາຊຽນ.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ