ເຫດຄວາມຮຸນແຮງຄົນຮ້າຍບຸກຍິງກາສິໂນ ທີ່ປະເທດຟິລິບປິນ ເສຍຊີວິດແລ້ວ 36 ຄົນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg0JXEuHyBwD8zD69_G5bS2LLv7Se3XoucdmdGwkHWjg9WaL8_xHhXonjX3bRfLnl4I39PTgsAOekhraz0Zz7Je3ZuxPp12dDHLSvjHafjLxqKysey6xvcReHqCYj3DdWA1U1IMw0MmdQw/s1600/204.jpg)
ສຳນັກຂ່າວຕ່າງປະເທດລາຍງານ 2 ມິຖຸນາ 2017 ວ່າ: ທ່ານ ໂດໂນ ເດລາ ໂຣຊາ ຜູ້ບັນຊາການຕຳຫຼວດແຫ່ງຊາດຟິລິບປິນກ່າວວ່າ ເຈົ້າໜ້າທີ່ພົບຮ່າງຜູ້ເສຍຊີວິດພາຍໃນຫ້ອງກາສິໂນຂອງໂຮງແຮມ Resort World Manila ລວມ 36 ຄົນ ໂດຍທັງໝົດເສຍຊີວິດຈາກການຂາດອາກາດຫາຍໃຈ ເພາະຄົນຮ້າຍໄດ້ຖອກນ້ຳມັນທົ່ວບໍລິເວນນັ້ນ ແລ້ວຈູດໄຟເຜົາຈົນເກີດໄຟລຸກໄໝ້ຮຸນແຮງກາງເດິກທີ່ຜ່ານມາ ນອກຈາກນີ້ຍັງມີຄົນຢຽບກັນໄດ້ຮັບບາດເຈັບອີກຫຼາຍຄົນ.
ເຫດການນີ້ເກີດຂຶ້ນເມື່ອຊ່ວງກາງເດິກທີ່ຜ່ານມາໂດຍຄົນຮ້າຍປິດບັງໃບໜ້າຖືປືນກົນບຸກດ່ຽວໄປຍັງຫ້ອງກາສິໂນຂອງ Resort World Manila ເຊິ່ງຕັ້ງຢູ່ໃກ້ກັບສະໜາມບິນນານາຊາດນະຄອນຫຼວງມະນິລາ.
ເຖິງຢ່າງໃດກໍ່ຕາມທ່ານ ເດລາ ໂຣຊາ ກ່າວວ່າ ຄົນຮ້າຍບໍ່ໄດ້ໃຊ້ອາວຸດປືນຍິງຄົນໃນໂຮງແຮມ ພຽງແຕ່ໃຊ້ຍິງໄປທີ່ໜ້າຈໍໂທລະພາບຂະໜາດໃຫຍ່ເທົ່ານັ້ນ ເຮັດໃຫ້ເຈົ້າໜ້າທີ່ເຊື່ອວ່ານີ້ ບໍ່ແມ່ນການກໍ່ການຮ້າຍ ແຕ່ເປັນການບຸກປຸ້ນຊິບສຳລັບຫຼິ້ນການພະນັນ ພາຍຫຼັງຈາກທີ່ຄົນຮ້າຍປຸ້ນຊິບໃສ່ກະເປົ໋າເປ້ສ່ວນຕົວໄດ້ແລ້ວມູນຄ່າ 113 ລ້ານເປໂຊ ກໍ່ໄດ້ໜີຂຶ້ນໄປໃນສ່ວນຂອງໂຮງແຮມ ກ່ອນທີ່ຈະຕັດສິນໃຈຖິ້ມກະເປົ໋າ ແລ້ວເອົາຜ້າຫົ່ມມາຄຸມຕົວເອງ ແລະ ຮວດນ້ຳມັນຈູດຕົວເອງຈົນເສຍຊີວິດໃນຫ້ອງພັກຂອງໂຮງແຮມ ເຈົ້າໜ້າທີ່ເຊື່ອວ່າ ຜູ້ກໍ່ເຫດໜ້າຈະມີອາການປ່ວຍທາງຈິດ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ