ຜູ້ນຳຈີນ-ອິນເດຍ ພົບປະເພື່ອປຶກສາຫາລືແນວທາງໃນການຜ່ອນຄາຍຄວາມຂັດແຍ່ງ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjNFvZH-N8KlQ5FX9CDNSfptyv2JcN9iuFJqKwJEiS9HK6y2m72lbgWS_9uysUohF26C1FaDp0JC4a3uDp3jpQ0MSWhvO6tx4zSo9R5GjiD_nVkxZMHTIdpzybMqH4ul5EAn4TzZYvMlMU/s1600/1088.jpg)
ສຳນັກຂ່າວຕ່າງປະເທດລາຍງານເມື່ອວັນທີ 27 ເມສາ 2018 ທີ່ຜ່ານມາວ່າ: ທ່ານ ສີ ຈິ້ນຜິງ ປະທານປະເທດຈີນ ໃຫ້ການຕ້ອນຮັບທ່ານ ນະເຣນທຼາ ໂມດີ ນາຍົກລັດຖະມົນຕີອິນເດຍ ທີ່ພິພິທະພັນມົນທົນຫູເປີ່ຍ ໃນເມືອງຫວູຮັ້ນ ເຊິ່ງເປັນມື້ທຳອິດຂອງການຢ້ຽມຢາມປະເທດຈີນຂອງນາຍົກອິນເດຍໃນໄລຍະເວລາ 2 ວັນ ເພື່ອເຈລະຈາປັບປຸງສາຍພົວພັນລະຫວ່າງສອງປະເທດ ທີ່ມີປະຊາກອນຫຼາຍທີ່ສຸດເປັນອັບດັບ 1 ແລະ 2 ຂອງໂລກ.
![](https://blogger.googleusercontent.com/img/b/R29vZ2xl/AVvXsEiWYqqXylNSBf6o5H2Bldn1gx8s6B_GKoMI9BE4hT_gbJvplmOsSoOmct7W5x53Ln_F9R5GeiDD2b9LoRw-1cFxt6k9ZscxCQKFGlM1dkYbNpStdF7yMPwXdwJNemN4_UtatfjSNZb8upY/s1600/1090.jpg)
ລາຍງານຂອງສື່ອິນເດຍລະບຸວ່າ: ທ່ານ ສິ ຈິ້ນ ຜິງ ແລະ ທ່ານ ນະເຣນທຼາ ໂມດີ ຈະເລີ່ມເຈລະຈາແບບຕົວຕໍ່ຕົວ ຕາມດ້ວຍການປຶກສາຫາລືເພີ່ມເຕີມ ແລະ ງານລ້ຽງອາຫານຄ່ຳ ທີ່ຣີສອດແຄມທະເລສາບ ທີ່ເປັນສະຖານທີ່ໆອະດີດຜູ້ນຳຈີນໃນຍຸກທຳອິດ ທ່ານ ເໝົາ ເຈີຕົງ ມັກ ແລະ ຜູ້ນຳທັງສອງຈະເຈລະນາກັນຕໍ່ໃນວັນເສົານີ້ ສະຫຼັບກັບການຍ່າງຊົມທັດສະນີຍະພາບແຄມທະເລສາບ, ຂີ່ເຮືອ ແລະ ຮັບປະທານອາຫານທ່ຽງຮ່ວມກັນ.
ສາຍພົວພັນລະຫວ່າງຈີນ-ອິນເດຍ ດຳເນີນມາດ້ວຍດີຫຼາຍສະຕະວັດ ແຕ່ໃນໄລຍະຫຼາຍທົດສະວັດຫຼ້າສຸດໄດ້ກາຍເປັນຄູ່ແຂ່ງຂັນ ຍາດແຍ່ງຄວາມເປັນຜູ້ນຳໃນອາຊີ 2 ປະເທດເຮັດສົງຄາມສູ້ຮົບກັນຈາກບັນຫາເຂດແດນໃນປີ 1962 ແລະ ປີທີ່ຜ່ານມາ ເກີດການປະເຊີນໜ້າກັນດົນກວ່າ 10 ອາທິດ ຢູ່ພູພຽງໂດຄລຳ ສາຍພູຫິມາໄລ ທີ່ຈີນອ້າງກຳມະສິດ ເຊັ່ນດຽວກັບພູຖານ ພັນທະມິດຂອງອິນເດຍ ແຕ່ວິກິດດັ່ງກ່າວໄດ້ຫຼຸດຜ່ອນລົງໃນເດືອນສິງຫາ 2017 ເມື່ອຈີນ ແລະ ອິນເດຍຍອມຖອນທະຫານອອກຈາກພື້ນທີ່.
ອິນເດຍຍັງສະແດງຄວາມເປັນຫ່ວງກ່ຽວກັບໂຄງການ “ໜຶ່ງແລວ ໜຶ່ງເສັ້ນທາງ” ຫຼື ໂຄງການເສັ້ນທາງສາຍໄໝ ແຫ່ງສະຕະວັດທີ 21 ຂອງຈີນ ທີ່ຈະສ້າງລະບົບພື້ນຖານໂຄງລ່າງເຊື່ອມຈອດເສັ້ນທາງການຄ້າທັງທາງບົກ ແລະ ທາງທະເລໃນທົ່ວໂລກ.
![](https://blogger.googleusercontent.com/img/b/R29vZ2xl/AVvXsEjGCJIy7hZmmHeo8lO27n6qu2kp3J0NSgpE0tbi-sNbhWp0Q8upeP-Tvrry4r0r977vMxhxpG6IuBOcvpc1c2g87R_m988SZnpvJx0UMFGZx6MKfal_CqD97FY3GU6CtSwA2ho-v0tRfTk/s1600/1089.jpg)
![](https://blogger.googleusercontent.com/img/b/R29vZ2xl/AVvXsEhf1nLpQ8r_W1zfUF9Hr806g23PVAzSPS4SQ91bgObMS2YDpNomqwEeBHerM7weoq9eXELdxDmpLQvWz2ZVfb3gZlbZ4_3jniIOMGIWaVr6pN8M9hqJlgwuVanWs2UVLJmOWRmiLQUl45s/s1600/1091.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ